2022年8月16日 星期二

唔識投資,做鬼都唔靈

 本來我都唔想咁講,始終我們大部分人都是低下的草根階層,父母都唔會有理財知識,若是有,已upgrade了,學校又冇教,即使讀經濟,也是理論為主,解釋過去的經濟現象,並沒有落地教你怎理財及投資,所以唔識係理所當然。

但今時今日,知識爆炸的年代,要學的話,冇野學唔到,恐怖分子都係網上學整炸彈,亦有人試過整核子反應實驗,差點攪到災難。刺殺日本前首相的兇手,支槍都係自製。所以唔識,根本不是藉口。

網上知道有人將大部分收入儲蓄,極其慳錢,甚至用app記錄所有開支,細數都唔放過,儲蓄了一筆錢,原先打算買一房單位,但買不了,竟買了開放式單位(即係高級劏房,納米樓,抗跌能力弱),還妄想三年後,細屋賣了去買大屋…

美國不住加息,「漁村」很快頂唔住加息,加上人口連續三年減少,個巿有幾好?大家心照不宣,大西北的「加胡珊樁」,呎價跌破一萬,最大嗰個代理「屍永清」都虧損不少,四叔某新樓盤情況如何?大家自己看看…

(四叔某樓盤在某商場展覽,完全冇人睇,兩個女職員傾計及開了手機睇股票,男職員打機。)

一通冇人教我開,股票冇人教我炒,IB冇人教我開,美股冇人教我炒,一切都係自學,睇書又好,上網學也好,總之你有心學,你一定會識,賺唔賺到錢就不保証。

正所謂:「有人辭官歸故里,有人漏夜趕科場」,有人睇好「漁村」,亦有人睇淡,只是在經濟環境下滑,又面對加息,人口又減少,投資樓巿要小心。

(樓巿表現可參考中原指數。)

(文章只屬個人分享,沒有任何投資建議。)

沒有留言:

張貼留言

移英日記(332)要有盤川走路

 對於最近執政黨又話5+1變10+1,又話要有甚麼實質貢獻…確實令不少新移民擔心,有的更部署二次移民。 「人無遠慮,必有近憂」這是無可厚非,不過這一切擔憂也言之尚早,一則白皮書是未係落實政策,二則違反承諾也會面對法例嘅挑戰,三則政黨更替,凡事都有變數。倒不如看看最早那批BNO移民...