IB投資系列：黎明

 「突屍拉」跌破300尾元，「士卑益匙」跌破招股價，風高浪急，隨時無命！我又唔似「高高哥」咁醒走晒貨，又無聽經濟學者「淋本脷」警告，「士卑益匙」一定跌落火星，最終慘淡收場。

對我而言，「馬屍黑」仍然是一個不敗傳說，投資在這個人，從來沒有蝕錢，佢嘅承諾，從沒有落空，但有一個致命問題，卻經常遲到，火星計劃本來是今年要做，卻推遲至2029年，遲三年，揸住啲股票，你叫人情何以堪呢！所以問題嘅關鍵，係你可唔可以守到最後，以及「馬屍黑」嘅健康能否維持，令呢個傳說可以延續，這就是第一性原理嘅威力。

（抽大麻，除了股價跌，NASA合約都會冇埋。）

人嘅定力係會唔夠，容易受巿場氣氛影響，所以為了避免自己多手買買賣賣，最好嘅辦法是賣看升期權call option，收了期權金，等到期便算。

能夠走到，是上上之策，「過咗海就係神仙」，如果走唔到，咪重新適應，找到自己生存嘅辦法，也是要緊。

我哋一定要有俾自己守到嘅方法及理由，才能堅持下去，路係唔容易走嘅，但黑暗過後，一定有黎明。

（黎明是指天快要亮，意喻光明、希望、勝利會來到，唔係指呢個黎明。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（407）荒謬生活

 以前睇漫畫，有多大快樂，今日係…

你自己睇下，紫龍使出絕招：Rozan’s Rising Dragon Blow (廬山昇龍霸），變晒「嬰文」，已經唔係嗰回事，如果個故事你睇過晒，純粹回憶，係勉強可以，印象冇咁深嘅情節，就唔係嗰種感覺，完全冇feel。

現在模擬器已可玩大部分遊戲，點解有啲人要用返實體機及卡帶，唔通係錢多過頭咩？就係要原汁原味。再者，以前細個窮，可以玩到街機嘅家用主機，只有富人嘅子女才可擁有，我哋只有在櫥窗外流晒口水，到大個，對遊戲機嘅渴求，已經唔係嗰回事，純粹係心理上嘅填補，我自問冇咁嘅條件去放任，「好天斬定落雨柴」，留返個錢仲好喇！

物質嘅野，用錢、用時間都可做到，要飲茶，你肯俾錢，甚麼點心也可以吃，「愛叮寶」酒樓唔得，可以去「革拉屍歌」嘅「特務酒樓」。要飲講式奶茶，去講人開嘅鋪頭，一定飲到，一杯大約5鎊（50港元），我就自己煲，買茶葉都要去三間超巿才買到，又要煲、又要焗，功夫可真不少，但味道經過調較，甚麼牛奶都試過，最後都係用三花淡奶，味道最好。

靈性，地域係無關係，我睇嘅「忠文」聖經，祈禱都係用「講東話」，上帝係全能全知，唔使用「嬰文」。星期日都係返「鄉講人」教會，講道全部「講東話」，「鄉講人」小組，分享又係「講東話」。

（牧師都係用「講東話」講道，沒有適應問題。）

如果「嬰文」無法表達自己內心嘅複雜感受，祈禱及弟兄姊妹嘅分享都可用「講東話」，咁生活仲有乜嘢問題？對我而言，只有稅務問題，至於投資問題，去到邊度都係一樣。

對我而言，只係用錢買少少自由及兒童讀書，稅務、申請費只係巧立名目，啲人收了錢咪一樣亂咁用，由「發國」坐「大飛」過嚟，就免費四星酒店、生活津貼、遊戲機、有病有的士睇醫生…正正經經，合法途徑，就欄阻多多，收費多多，又考英文試，又考英國常識歴史，四個地方，四個首都，四個國花，四個守護聖人、四個記念日期…「嬰國人」自己都唔識，荒謬到弱智級別。

（呢個世界嘅野，唔會白白俾你，我哋呢啲二打六就冇人識，十分合理，「狐智位」都唔識，有冇攪錯，我哋唔可以對「嬰國」入境、邊防人員要求過高，「為智涼」之流都可入職，你就明這個地方，龍蛇混雜。「嬰國」這地方，讀得書就非常叻，一係從政，一係從商，其他人士，智能都係一般水平，放工就做自己野，唔睇資訊，就算前線人員唔識，佢都可以請示上司，check邊防電腦有晒資料，點都會知，係冇藉口。就算「泥志鷹」入境，都一樣咁低B盤問你10個鐘，跟足程序去做。）

（用錢去買自由，對好多人嚟講係好荒謬，尤其是一出生就活在籠裡嘅人。）

（「泥志鷹」不過是喪家之犬，命不久已，但「今上」就是不放心。）

（只有「鄉講人」明白。）

（只有「鄉講人」明白。）

IB投資系列：忍耐

 還記得以前抗戰打「東瀛軍」，唔夠打，咁點算啊？唯有用空間換時間。

而家股票搞成咁…

全線紅卜卜，冇得玩㗎啦！唯有用時間換錢。

陸續將期權定到年尾，由於時間長了，變數多了，多返少少期權金，累積了26張期權，用5個月時間換十皮，平均每月兩皮，好過冇，幫補下！

在上一次股災時，我持有幾百股QQQ，真係忍痛蝕讓，如果啲貨揸到宜家，都已經發咗！問題係你守唔守到，再者指數基金有一定分散，現在都是個股，風險更大，現在主要投晒在「馬屍黑」及「虛幣」，係險中之險。

按著我們對「馬屍黑」嘅過去認知，佢對第一性原理已經係十分掌握，在我們有生之年，真係有機會有人能登陸火星，問題係每次承諾都不會落空，卻會延遲，電車嘅量產、自動駕駛、機械人的士…沒有例外，因此，機械人、自研晶片、太空運算…唔係怕佢做唔到，但唔知幾時做到。至於虛幣，老實說法幣都會因為各國印銀紙而貶值，揸現金風險也不會少，「鵝污戰爭」，「嬰國」都曾通脹十幾個%，即係貶值十幾個%，「尾衣戰爭」，又是另一次全球掠奪，人都是無可奈何！要忍耐多一陣！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

愛丁堡詠春：呢啲功夫嘥氣啦！

 詠春有幾仆街，就有幾仆街…

有幾高科技又點？你為咗達到所謂嘅力度，動作誇張到無淪。我都講過，詠春已經玩爛晒，學詠春只有乞食，講真，以前無咁多花臣嘢咪又係咁練，打木人樁，聽聲已經知道打得好唔好，唔識詠春嘅人，以為動作大、越響越好，因為覺得力量夠，但真正好嘅詠春係動作細膩，力量係要有，但唔係下下都用抗勁。

好坦白講，呢啲詠春仲需要評分嗎？我哋要諗吓呢個世界點解變成咁樣？追求表面風光，而非實質嘅結果。

詠春可以玩到好複雜、好科學…

不過都係吹嘅啫，如果擘馬、飛㬹、後傾…嘥氣啦！

我睇過泰拳殿堂級教練，個名唔知叫甚麼猜，泰拳老師傅，每一項目都有要求，但觀看拳賽，卻不會考究招式是否正宗、正確，只會睇是否擊中對方、KO對方，被擊中能否站起來。

我反思，所看所有黐手，是否已是生死搏擊程度，因此不必考究動作呢？擂台嘅拳手，唔會跟足規矩，但每拳每腳都係有板有眼，因為如果要絕對安全，大家都唔使打，因此高手過招，大家都在邊緣位置打，互中時有發生。上圖武尊、羅唐大戰，當使出100%致命一擊，出盡力在前手，後手會自然下垂，出現互中場景。

年輕時無心向學，睇漫畫「聖鬥士星矢」，星矢大戰紫龍，當紫龍使出絕技廬山昇龍霸，當力量100%集中在右手，左手會自然下垂，露出破綻，以前以為漫畫家車田正美老吹，原來真的會發生。

請大家評下理：

這一下攤手要100%力量麼？因此後手下垂？而且唔係一次，經常都係咁，咪玩喇！如果對方施壓咁大，單單這個擘馬可以支撐得住嗎？一早瞓低咗囉！最後高大嘅黑衣人仲打輸，俾足面…做戲咋嘛，全部都係戲子！圍觀全部都係傻仔，「詠春師傅」我呸！

講真！冇馬嘅詠春都需要學嘅咩？以前練功必先扎馬，雖然扎馬並非最好嘅訓練，因為會練死馬，但至少根基扎實，這類師傅我唔會批評。要練好功夫，先練好個馬，深蹲及臀橋，最科學㗎啦！我話嘅！如果你個師傅奀挑鬼命，沒有「甲組腳」，自己都沒有好好練功，怎能教你呢？嘥氣啦！俾著以前，打搏擊嘅師兄，拳套唔抬高垂低，一早俾師傅「吊」死了！

（功夫明星無一個有真功夫，何況功夫師傅呢？）

IB投資系列：齊齊仆街

 前億萬富豪「馬屍黑」仆街，跟住佢搵食嘅股民，當然要仆街。我仲同時揸住「突屍拉」及「士卑益匙」兩隻旗艦，死快啲！

再信埋「咪膏死啦」，呢鋪真係死啦！

現時都係見步行步，做一日和尚敲一下鐘，嗰隻「焀哥」，財報亮麗，但資本開支巨大，仍然逃唔過下跌嘅命運，劇本都費事改，間間都係咁講。

路始終要繼續行。本星期賣了四張期權，執返兩皮幫補下先！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：走投無路？

 股巿低殘，我哋呢啲低奴都做唔到乜嘢野，「嘩耳佳」憂AI過大，七巨頭單日蒸發八千億尾元，我自己都就離失守兩球講紙，隨時要賣車或重出江湖，「歪芺」也說餸菜也要減半，四塊豬扒要減至兩塊，冇錢交稅及下年永居費用，賣車也在所不惜！

星期五沒有賣期權，下星期一再作定奪。

其實期權係有賺錢，新財政年度起，每月平均賺十皮，但賺錢速度追唔上蝕錢速度，虛幣跌、「拆掠」MSTR跌，仲有其他股票頂，如果其他都冧檔，咁仲點橕下去呢？就是我重出江湖，一個月都係千零鎊，即係一皮多，過往一個星期嘅期權都不止此數，杯水車薪，完全幫唔到手。我又年老色衰，做鴨都冇人要，莫非真係英雄末路！

（就好像OpenAI，係有賺錢，但蝕錢條數更大，咁即係燒銀紙，豈能長久！）

（一盞吊燈300萬，做甚麼生意？唔知以為甚麼富豪會所或高級餐廳，教拳，任何地方也可以，爛地，或者公園也可以，要健身，徒手嘅囚徒健身便可以。教拳可以賺兩億麼？你問問「涼亭」博士就知可唔可以？只顧表面風光、氣派，最終只會慘淡收場。創業嘅第一性原理係巿場需求，唔係個人喜好，唔攪清楚事實，死咗都唔知乜嘢事。我夠可以在愛丁堡攪間詠春搏擊中心，不過如果我咁做，早早燒炭了！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：賺少了錢！

 「突屍拉」Tesla估值，從來都不是睇賣車，而係以下四大支柱：

所以要估價升，除非這四大支柱有突破，否則難以支撐股價。

我最近看到嘅消息，都是「天朝」嘅機械人又平又靚又正，情趣機械人幾皮就可以，識郁貴啲，唔識郁平啲，但可以傾計，啲人仲使拍施？結婚？生仔嗎？人口繼續老化及減少，加速玩完。至於「天朝」AI能力，最新模型又係平、靚、正，打到尾國AI跌到一仆一碌，至於FSD及Robotaxi，有咩好消息呢？盈利差過預期、利潤率下降、現金流轉弱、仲要燒錢更多作未來投資，「突屍拉」Tesla股價當然急跌。

「我能料其生，不能料其死也」，「突屍拉」Tesla料到不會大升，「尾肛科妓」MU 卻真的破千，賺少極多，七八皮左右，心痛如絞！唯有賣多幾張期權，賺返多啲，平衡返啲心理。

每一樣野都有最有利位置，例如詠春有利埋身纏鬥。賣期權最有利，是股價：升唔穿、跌不破，窄幅徘徊，唔使行權，白賺期權金，但世事當然無咁理想，賺到錢就算啦！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。