IB投資系列：控制風險

 剛剛嗰個星期，記憶體股勁升，我一股都冇，睇住人哋發達，係幾冇癮！不過咁，一旦高追，做了接盤客，佢一日升50點、100點，回調都可以跌番咁多，損失可以極大。

「爸運」已故副主席「茶你杧隔」提出投資最緊要唔好讓自己蝕錢。明知有回調風險，點解要咁做呢？大錢，我就冇本事賺，少少雞碎錢倒是可以。我在「尾光科妓」MU升至730元，賣出620元看跌期權，收5尾元期權金，一張期權100股，即500尾元，3900講元，唔好睇少幾千元，財富係不住累積而來，我都係靠買賣，50股升一點，賺390講元開始，有時見勢色不妙，半點都走，195講元走人，賺咗就係賺咗。

我告訴你，就是收1尾元期權金，都試過接貨，何況5尾元，這些錢邊個俾我？就是壓注該股票會跌破620元嘅投資者付出嘅，100點以外都俾5尾元，肯俾錢嘅人都唔係傻，換言之，跌破這價位仍有相當機會，所以700幾仲追，有基金佬話目標價1000元，你自己決定吧！

本星期賣了26張期權合約，收2961尾元期權金，即23095講元，「迴猩猩」SATS被人call走了，繼續做put，這是車輪策略，上次介紹過，每一隻股票都可以咁做，你唔好睇60-70厘而唔理風險無限，Delta數0.1至0.2，只要將厘數降低，風險也降低，一般人唔使咁搏，我重注虛幣股，三百尾買，現在二百都冇，蝕了兩球，喪失了買樓能力，才要搏命賺錢。

（「侵侵」出訪「天朝」，同行嘅CEO可能簽到大單，股價或會受到祝福，怪不得「揮撻」回升。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：買「爸運」嗎？

 股票之道，在乎人棄我取，人取我予。

當大家追逐科技股時，我開始要留意「爸運」。

雖然知道股神「爸飛突」犀利，但我從來都沒有買「爸運」，因為我一直都擔心掌舵人嘅健康問題，確實副主席「茶你杧隔」也離開了，而「爸飛突」嘅飲食也極其可怕，一日至少五罐可樂及垃圾食物，正常人也活不過六十歲，當我成日諗佢幾時會死，怎有信心去投資呢？

最新CEO係乜水？真係唔係好知，股神睇股票就得，睇人就唔知，但選得做繼承人，一定有過人之處，就好像諸葛亮選了羌維繼承佢北伐嘅志願，一定有其過人之處，單睇武力及勇猛應該選魏延。

面對未來嘅不確定性，一般基金嘅做法係人有我有，至少唔會俾人感覺落後，生就一齊生，死就一齊死，這就是基金有虛幣嘅配置原因，並非單單對資產嘅認同，更重要係做到生意，賺到管理手續費，你死你嘅事。

「爸運」投資策略係要買到比巿場更平，一些價值被低估嘅公司，只要長期持有，這些公司即使沒有大升，也會回復正常價值而獲利，這就是價值投資。你買「爸運」，年回報20%，雖然唔會短時間發達，但點都唔會死，我某些股票期權有60-70%回報，但全部搵命搏，風險係無限，被迫買貴貨或平價賣貨，有時也有發生，「攣盒鍵腔」300元被抽走（現已350幾）、「抬漬殿」355抽走（現已400幾），完全兩回事。

要讓自己留意這股票，最好就係買下這股票。

「爸運A」低奴就買不起，「爸運B」縮水版就可以玩下，買下賣下，認識就會增加。順便賺點茶錢！

「爸運」沒有「爸飛突」，值唔值現在嘅premium？Greg Abel能否複製「爸運」賺錢嘅能力？如果真係要買「爸運」長揸，會否等「爸飛突」離世，股價急跌才是機會？又或者沽出股票，轉持尾債，等跌巿才買？我仍然滿有迷茫！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：發達？

 最近記憶體升到破頂，只要揸住「尾光」、「衫跌」、「海歷事」都已經發達，人們不自覺有種感覺…

你記住這種感覺，資金都是逐利，邊度賺到錢咪去邊度，又或者邊度嘅故仔講得夠好聽、夠動聽，「嘩耳佳」班基金佬落疊，自然一齊吹、一齊炒。

「海歷事」SK Hynix嘅故仔係好勁，能夠打敗「衫昇」係好勁，但你睇清楚佢嘅客戶只有幾個，全部都是AI頂級大佬如「揮撻」，佢更放棄自己其他業務，將產能專注HBM俾晒這幾個客戶，咁樣叫做孤注一擲，當巿況好，可以賺盡紅利，巿況逆轉，立刻仆街，沒有歸路。

就算「馬屍黑」明知「抬漬殿」製造晶片一流，也固意將大單交俾二佬「衫昇」，「平菓」也是一樣，要分散風險，將生產分散在「天朝」以外地區。「成哥」點解咁發，因為其他人只專注地產，佢已經分散至各行各業。

打拳最重要跟自己節奏，唔好受氣氛影響，投資也是一樣，專注自己賺錢部分就可以了。

真正賺錢嘅人，永遠都係咁孤獨，因為知道只有水退先知道邊個冇着褲。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：虛幣不升、「拆掠」必亡！

 今晚都緊張，英文咁屎都睇住Q1直播…

股價都冇特別郁動，幸好Q1前，虛幣升至八萬，振一振士氣，個故仔講得順啲，否則不堪設想。

現時買「拆掠」MSTR跟買「彼突幣」BTC差不多，該公司巿值約61-64B，持有虛幣818334枚，價值66.7-66.9B，好似平少少，但實在太少，幾乎沒有溢價。但根據過往經驗，虛幣升，「拆掠」升更多，虛幣跌，「拆掠」跌更多，好像槓桿版虛幣，風險更大。

如果真如「突郎浦」兒子咁講，2030年虛幣破百萬，現在不過8萬，仍有不少上升空間，不過咁，上年已經吹年尾升至15萬，但最後沒有發生。會否成為本世紀最大龐氏騙局，實在是未知之數。

「拆掠」條數肯定差，融資利息開支肯定大，間公司嘅業務及價值，你當零價值就可以，唯一救法係虛幣價格上升，虛幣不升、拆掠必亡！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：小心老千

 這個世界，甚麼都是老千，師傅係假、投資大師也是假、乜sir、物sir、乜哥、物哥…全部都是假，一概都是藝人（偽人）。

甚麼人也不要輕易相信，攪咁多大龍鳳，最終都係呃你嘅錢，要上甚麼課程收你錢，或貼士之類。

好多YouTuber 都係咁樣運作，問題係你有冇咁嘅料教人？定係老吹？付費項目係咪如人們預期，多年前乜sir教人投資，聽聞開IB戶口咁低能嘅野也是課程內容，真係十分無聊，然而那個年代資訊冇咁發達，又冇AI，我都唔可以話佢呃人，只能說好流！比起詠春師傅教套路都教到甩皮甩骨，其實很少意思。

「𡁻善牽」係歷史學者，「冧苯利」係經濟學者，跟真正嘅專家上堂，當然要科水，至於「燒若原」，佢唔算專家，但也俾心機做資料蒐集及研究，只不過「老燒」太情感主導，一睇到就講，而且講得太實，事後有更多資料及事件發展，難免有錯漏，或與事件走向相反。其實任何學者、基金佬、評論員都有不同意見，唔需要太認真！或甚你認為佢係「燈神」，點親都錯，更應科水，攞獨家反向貼士及心得，然後逆向操作，一定發達。

我有發達橋，我都收收埋埋自己用，尾股嘅交投咁大，除非大型基金或富豪出手，更多是基金佬出口術或報告評級，影響股價，作為人類嘅低層，有消息都過晒氣，點會咁易發達啊？

這裡甚麼都冇，唔使你定閱、俾讚，我亦盡量用暗語，演算法或搜尋也找不到，睇到係榮幸，睇唔到係應該，純粹分享，啱睇就睇，唔啱睇就Get out！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：期權車輪策略

 我一直期權嘅操作，原來係有專門名稱，叫「車輪策略」。

方法係先賣出 put options ，收期權金，上得山多終遇虎，總會有一次要接貨，有貨就賣出call options，收期權金，上得山多終遇虎，總有一次俾人call走晒啲貨，又回到最初步驟。

以「迴猩猩」SATS操作為例：

17/4 賣出看跌期權125元put ，收1.34，100股即134尾元。

24/4 中招要行權，被迫要用125元買入，股價試過低於120元。不過無需過份緊張！

27/4 用持有100股，賣出看升期權，收189尾元。

2/5 沒有行權。即係白收期權金。

4/5 繼續賣出看升期權，收325尾元。

我唔計中途有同步賣看跌期權，只睇這車輪循環，由17/4收134尾元、27/4收185尾元、4/5收325尾元，合計收了644尾元，5023講元。所需成本係100股「迴猩猩」，以125元計，12500尾元，97500講元，或孖展槓桿戶口信用額度，十皮，一個月唔使，收幾千元，一年收六七皮，係60-70厘，好過去收息，工都好返嘅！

不過，做人做事唔可以只睇一面，賣出看跌期權嘅風險係無限，你無聽錯係無限，你嘅投資戶口都會清楚展示給你知道。

當你用好高嘅價錢去買價值歸零嘅物品，即係你嘅財富亦會歸零，所以風險係無限。當然要歸零係好難，但跌95%，你都夠死，好似當年NFT，五億跌至現在16萬，你都想死喇！

我唔會報喜不報憂，我講講自己慘烈例子，我曾賣遠期某核電嘅看跌期權，140元put，期權金53.63尾元，賣了10張，53630尾元，41萬8314講元期權金，今日該股票跌至一半。

要平倉，要在巿場買回十張期權，現價76.99，即係76990尾元，即60萬522講元，收41萬期權金都唔夠俾，蝕18萬2208，我唯有等該股票上升，個價好啲才平倉。

所以期權唔係咁簡單，一般人要選Delta在0.1至0.2嘅期權，行權機率大約10-20%，即使接貨，跟巿價不遠，走也容易，白收期權金，平平安安！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：最後逃生門？

 個隻「尾光科妓」MU又再發威…

我都估到佢會發威，但估唔到咁勁，高追風險太大，這些大錢，我都是冇本事賺。

就好像三國演義，司馬懿追擊蜀軍，後來才知道諸葛亮已死於五丈原，感嘆道：「我能料其生，不能料其死也」，股票之道，你唔知幾時回調，後果可以好嚴重。

當你炒到瘋狂時，「高奴」攞著天量嘅現金，買短期尾債，收幾厘息，究竟係佢傻定我儍呢？唔係一二百億，係四千億現金。

正所謂：「人之將死，其言也善」，最後嘅逃生門如果關了，你就玩完！

（高奴肺腑之言，不得不聽。）

（應對「尾光科妓」MU，升至592元，我加多張看跌期權，500元put，194尾元，1513講元，我唔相信星期五會跌九十點至500元要我接貨，除非股災，「衣郎」使出秘密武器，絕地反擊。「迴猩猩」SATS，125call，325尾元，2535講元，「士卑益匙」未上巿仲可以玩。呢個星期又執兩皮，反映股巿極波動，人們肯俾錢買升或買跌，就好似股神「爸飛突」咁講，股巿變了賭場。）

（留意！唔做AI科研嗰間公司，反而係最賺錢嘅公司，AI係炒概念，只要神話一破，公司估值就唔值咁多錢了。）

（我唔係為「老燒」講好說話，沒有人有水晶球可以知道未來，個個都係估估下，每個人都要為自己投資負責任。出得嚟行，預咗㗎啦！「三更貧、五更富」，炒股係咁㗎啦！）

（「世家」SEGA以前係「揮撻」NVDA嘅金主，係「王人芬」嘅恩人，但他一早沽晒「揮撻」嘅股票，「有早知、冇乞衣」，怪得邊個呢？）

（「天朝」已經唔使用「揮撻」晶片，股價在200元上下，「昭眉」又爭生意，各間巨頭又自研晶片，老王要諗吓計仔！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。