移英日記（444）回流？

 現在「移嬰講人」最擔心是永居資格由B1變B2。

有人感到無能為力，準備回流。

但「慎思明辨」嗰個報紙佬堅稱仍然是B1，四間認可考試機構，三間仍然說只需B1，Trinity更明言2027年3月26日後仍然係B1，多人要考B2，佢哋賺更多，冇必要呃你。真係要等到真正落實才知。

要知道我哋除了面對未來政策不明朗，通脹問題也相當嚴重，生活也不容易。

搵到錢都算啦！現在股巿一片紅海，債務嚴重，你話點攪？

而家咁嘅環境，係講生存，唔係生活，返回「天朝」生活，係大勢所趨，如果「漁村」跟「天朝」也沒有太大分別，「天朝」嘅紅線清清楚楚，其實比「漁村」更自由，生活成本很低，唔揸車，打車都係十分容易，好平嘅野都送到上門，不能不說個服字。唯一考慮係稅務問題，「講人」只要不超過183日居住日數，即使長住，六年中有一次離開一個月，「尾股」投資都不需交稅。

（打車十幾蚊，何必揸車呢？）

當然我沒有說回流，主因是下一代教育係十分複雜，回流一定要國際學校才能延續，現在一條龍nursery讀到University係好順，如果唔係啲官員搞搞震，就算股巿再差，我哋兩條老野重出江湖，也想涯到個仔入University，我想這也是有子女嘅家長的心聲。