友人經營寵物照顧生意，十分困身，欲帶個仔去「淪噸」玩玩，我哋義字當頭，當然唔會佢絕，即使佢哋話俾番工作嘅錢，其實我哋也不在乎，因為神嘅供應已經足夠。
幸好都係兔仔、沙鼠，而且都係溫馴，以前有咬人大兔、快速貂鼠，偷走了便麻煩。主要工作係換沙、執屎、加草、加糧、加水、清潔，要駕車去兩個地方，一處兩兔兩沙鼠，一處五兔，每處用一小時。駕車去廿分鐘，去另處十分鐘，回程十數分鐘，攪攪下都要三小時。
剛巧今日最忙，早上個仔學Judo，跟住Wetherspoon 吃點野，然後開工，放工回家又吃點野，休息一下，跟住去生日會，晚餐都要外賣。
移嬰講人生活也不容易，佢哋一個五星級大廚，一個大學生，旺季忙又忙死，淡季也要繼續提供服務，一隻寄存或上門也照做，要碼住啲客，正宗嬰國人都冇咁勤力，佢哋冇車，係坐巴士或踏單車上門服務，鄉講人真係努力工作，今日輿論話新移民白食白住，「公黨」混淆視聽，「改格黨」唔澄清，將經濟及生活問題遷怒在新移民之上，就好像「納稅得國」逼迫「油太人」，令講人陷於不義，低下階層容易被誤導，針對移民，黑人由於膚色及體能，白人未必敢招惹，但黃種人較弱，往往被針對。
沒有留言:
張貼留言