IB投資系列：小心駛得萬年船

最近收到一個評論…

「尾帝」明修棧道、暗渡陳倉，表面對付全球，實際劍指「天朝」，無所不用其極，咁「天朝」真係冇運行，投資需要小心，免得招致損失！文中嘅XX，明嘅人，自然會明，唔明嘅人，繼續唔明！

以前我都有投資「講股」，全部都係有頭有面的，人人都識嘅股票…

不過移嬰後走晒，一股不留，因為發覺靠唔住，無謂搏，即使虧損也在所不惜！

有的人已投入人生最大嘅賭注…

是贏？是輸？冇人知。你可以係撘順風車，亦可以係撘沉船。

現時啲人，AI多是買上面三條友嘅股票，如果你好平嘅價錢買，基本上唔會蝕，但現價難講。

人在人生任何階段總要做一些決策，例如，結婚、生小朋友、置業、投資…可能做對做錯，但都要好小心，才不致後悔終生。

（有些公司係呃人，連「標基」都中招，手法也很高明。）

（有些人，我明知佢係大老千，但在老千身上卻學到學校學唔到嘅野。）

（有的講法係相當暗黑，但其實自己唔明白甚麼是底線邏輯，好似揸車，你以為下下禮讓就好麼，要知道邊個係priority，要過就過、要讓就讓，交通才順。）

（這個星期並不理想，可能跟某電車嘅銷量大減及老闆濫藥醜聞影響，本星期買賣蝕7679.69講元，但賣出期權合約賺一萬左右，點都有兩三千元茶錢，明日去飲茶。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：仇富嘅人終財困

 人人都喜歡財富，但絕大部分人都仇富，這是甚麼道理？我理解許多人為了富貴，做出許多違背良心嘅事，為富不仁、從商必奸，已成為許多人不能改變嘅印象。

不過想深一層，我哋應該針對一個人嘅道德及行為，並非財富本身。聖經中不少人物都富可敵國，神並沒有斥責佢哋，反之大大祝福佢哋。在饑荒日子，神賜以撒百倍嘅收成，咁即係好像有些人在股災賺大錢一樣，神更睇重我哋點樣賺錢？點樣用錢？

我哋用更邏輯嘅角度去思考，一個厭食症嘅人豈能煮到好野食？一個討厭男人嘅女人豈能找到好姻緣？同樣討厭財富、仇富嘅人，一樣唔會得到財富，這是很簡單嘅道理。

你可以討厭「大瘤」，但只限佢溝女嘅行為…

你可以討厭「終賠身」，但只限佢炫富嘅行為…

但絕非討厭財富本身。

有些人好有錢，但低調到你唔信，以前某經濟學家「將5嘗」嘅兄長，身家過億，出入撘小巴，各人眼中只係貧窮阿伯。也有人為建學校賣大屋，出入撘地鐵…盡顯人性嘅光輝！

財富金錢就好像兩刃刀，你可以更有能力做好事，也可以更有能力做壞事，全在乎你自己，但可以肯定，討厭財富嘅人係唔會得到財富，甚至走上財困之路，因為潛意識唔去面對或避開理財嘅事情，最終不得善終。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：局中局

 真係好誇張嘅表達…

只不過虛幣正上升，正如科網股爆破前，人們仍可以說：「從來沒有人因為買科網股而虧錢」，將來係點？從來都冇人知，但「嘩耳佳」嘅高奴卻可以左右大局。

「爸飛突」嘅「爸運」持有評級機構「木敵」13%股權，係單一大股東，咁佢要買某間公司，就先要做低該公司嘅股價，反之，佢要賣某間公司，就先唱好該公司嘅股價，又或者在評級公布前先做一些操作，令自己獲最大利益，當然唔可以做得太明顯。

你可以話係陰謀論，但比着係你，你都好難唔會咁做，正所謂：「無商不奸」，就好像當年「成哥」嘅商場，豈唔係大多是「八階」、「屈神氏」？有協同效應，商家佬一定將利益極大化。

「木敵」喺2025年5月16日將「尾國」嘅主權信用評級由最高級Aaa下調至Aa1，因為「攣幫正虎」債務升至36.2萬億尾元，利息支出不住上升，赤字擴大，國會未能就減赤措施達成共識。呢次評級標誌尾國首次失去三大評級機構（木敵、彪鋪、為喻）嘅最高評級地位。

有一個人唔係好掂，差不多走向末路，走到天台，可能佢真係會跳樓，但唔會即刻跳，不過，有人推一推佢，佢就跳咗落嚟！「累漫兄弟」、「痕大」就係咁樣即死！

對於高奴而言，通脹、失業嚴重，真係咁重要麼？佢哋只睇重自己賺唔賺到錢，如果唔係點會加關稅及裁員呢！尾債利率上，利率也會跟，尾債冇人買，利率何來會減呢？如果尾債冇人買，尾帝崩潰，佢哋班友仲點賺錢呢？

「爸飛突」持有三千幾億尾債，全部都係高息短債，債價越跌，利息越高，到期再買，循環賺錢。佢哋係等崩盤炒底，不過等都要賺住等，唔會浪費時間。

個局當然未完，尾帝高奴固然賺到大錢，但更透過尾元下跌，變相令敵對國貨幣升值，就好像當年嘅東瀛「講長協議」，「逸圓」升值，讓經濟失落三十年。

（今日賣了六張期權合約，約收一萬講元期權金，Delta意思就是股價上漲1尾元，該合約就上升幾多錢，上圖某虛幣股嘅看漲期權，Delta係0.182，即係股價每升1尾元，合約就會升0.182尾元，期權屬於價外，故Delta接近零，期權價格較不受股價影響。某電車股嘅看跌期權，Delta係-0.023，即股價升1尾元，合約跌0.023尾元，因看跌期權，股價越升越不值錢。賣期權合約已經穩賺期權金，但合約在巿場嘅價格仍會變動，假使你要贖身去平倉，就要在巿場買回，故需要知道Delta數值。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

愛丁堡詠春：天下烏鴉一樣黑

 有人以為外國嘅月光更圓，也有人以為月是故鄉明，其實月球從來都沒有改變，人也是一樣，功夫也是一樣，詠春也是一樣，從來也沒有改變。

詠春功夫破落到甚麼地步，罄竹難書…

鬼佬嘅詠春咪一樣，全部都「擘馬」，橋手「飛肘」，攻擊手要「埋肘」食住對方橋手上，這是好基本，今日嘅傳統武術已經唔得，大家都人所共知，大家都係做緊戲，但做戲唔緊要，都要做足啲啊！好似我帶個仔學踢波，我唔會要求「廢隔信」、「屍單」嘅頂級教練，只要識踢波就可以，興趣班水平就可以，功夫都係教俾普通人，唔會有人妄想做拳王掛！

好像我哋「鬚隔難」嘅「隔拉屍歌」有間「特務酒樓」，佢哋正職唔係煮野食，但食物係ok嘅，大家都係做戲，但做戲唔緊要，交足戲就可以，臨時演員都係演員，你收了錢就要交出功夫。

我最嬲嘅係呢班所謂嘅「師傅」，戲都費事做，覺得觀眾冇料，唔識分辨，狗屎垃圾都俾人食。

我又攞番對Lidl 超巿買嘅窮鬼鞋做示範：

這就是正宗二字箝羊馬，大約斜45度至60度左右，重心在兩腳之間，點解叫二字，因為上短下長，腳尖至腳尖短於腳踭至腳踭。

這是詠春嘅側身馬，左側馬重心在左腳，右側馬重心在右腳，兩腳係平行，我用「腳中轉馬」，並非傳統黃系「腳踭轉馬」，與招允系一樣。我當年問過師傅考証，當年黃公係教腳踭，但係就冇詳細解釋。傳統師傅即使有所改良，也會有所忌諱，怕得罪同門，或怕對先師不敬，不敢直言，葉問宗師也是這樣。

比較上圖兩位「大師傅」（一位已故），唔係「擘馬」係甚麼？擸手衝拳或擸手殺頸嘅完成動作，下身一定係側身馬，即使係過渡動作，由二字箝羊馬至側身馬之間，兩腳腳尖距離也不會大過腳踭距離。

今日詠春已經唔得，我都係興趣班水平，不過咁，我找個教練教我個仔游水，佢唔需要係「芳歷身」，但至少識游水，這是最基本。同樣，詠春都要有詠春個樣，做戲都要做足全套，唔識詠春，教乜春？做甚麼詠春師傅！

移英日記（328）生活掹掹緊

 我知道許多移嬰講人，生活都「掹掹緊」，更莫說永居、入藉嘅費用。

許多人以前係「中奴」，黎到「嬰國」，個個降格做「低奴」，要知道風光不再，生活使費樣樣都要降格，尤其出街食飯比「鄉講」貴許多，一定要盡用這裡優質嘅食材及大廚房，好好發揮，有啖好食，日子就容易過。

我哋懂得理財、投資，只不過我哋係低奴，試過冇錢，所以即使搵到，都唔敢鬆毛鬆翼，要讓自己有充足抗跌能力，好像有政客說要改BNO 5+1變10+1，對我哋有什麼關係呢？日子係咪都係咁過，不如諗吓你搵唔搵到錢好過啦？

我哋有今時今日，也有貴人相助，想當年，某老弟兄知道我們兩袖清風，話幫我哋投資，俾兩皮佢，「賺就你、蝕就佢」，年年賺一皮，50%回報，做過投資都明，短時間有高回報係可行的，但年年50%回報，根本係送埋錢俾你，幫都幫到盡，要自力更新了。

容許我咁講，許多人仍未醒，要過番以前咁風光嘅生活，咁係冇可能！低奴就係低奴，唔理你以前身份怎樣、職位怎樣、賺幾多錢、有工人…你這裡賺最低工資就係低奴，唔好以為自己係邊個？

飯，你一定要煮硬，家務，你一定要做硬，夫婦互相分工，採購、煮食、洗碗、清潔等等，唔想洗碗，就用洗碗碟機，唔用得幾多電，嬰國人自己都懶惰，許多食物都有簡易操作套裝，調晒味，放入焗爐即可，食多幾次，你都頂唔住要進化，加入鄉講口味調味，再進化，自己由原材料調味，參考埋「涼只零」，善用嬰國食材複製鄉講美食…。

錢，要按住自己能力使用，車可以唔買，租用那些步行15分鐘至巴士站或超巿嘅Flat，或者買架二手單車、滑板車也可以，有錢一點買電力輔助，一樣很方便，在愛丁堡，巴士可買月票，巴士、輕鐵任撘，尤其巿區，好過揸車。識投資就炒美股，唔識就定投標普500指數基金，再唔識就去銀行做定期，將收入兩至三成投資，何愁大事不成？

(新單車都係180鎊，有時減價，有的款式145鎊，已足可代步。買車又要錢，路稅、燕梳、MOT、油錢、維修、保養又要錢，等經濟上了軌道才擁有都未遲。）

IB投資系列：上得山多終遇虎

 網上高手很多，天外有天，人外有人…

如果某YouTuber 被動收入也有27695講元，咁都可以說財務自由，我自問被動收入冇咁穩定，時多時少，因為收息產品有的每月派息，有的每季派，有的一年兩次，有的一年一次，因此單靠被動收入仍是不可靠，要靠主動收入，日日十幾個鐘扱實個市。

主動收入，要不住操盤，其中是賣期權合約，每星期收1000至5000左右講元，一個月約有四千至兩萬，再加上炒炒賣賣，點都夠搵食嘅！

正所謂：「久病床前無孝子，久貧家中無賢妻」，我哋固然要讓自己保持健康，也不能讓自己過份貧窮。

今日賣多3張「末日期權」（即日到期），本星期合共七張，收1228尾元期權金，約9578講元，人窮自然搏一點，未知結果如何？最後「上得山多終遇虎」，某虛幣股375put中招，收巿報369.51，要375價錢買369.51嘅貨，蝕5.49，549尾元，帳面蝕4282.2講元，抵消期權金，賺5295.8講元左右。

做生意有賺有蝕，炒股也是一樣，最緊要圍唔圍到皮，圍到皮，攪得掂，咪繼續，攪唔掂，咪死死地氣去搵工。當被動收入夠生活，達至財務自由，意味資產達至一定水平，低風險收息嘅部分夠大，你唔做任何野都夠生活，就可自由自在，不過這種生活，自己仍未達到。

（我都曾經想過寫文章賺錢，或是YouTube賺錢，拍下詠春片，不過人做得一樣，就做唔到第二樣，就好像使徒要專心傳道，就不能分心去管理飯食，我哋呢啲低奴，能力有限，唔似「馬屍黑」可管理幾間超級公司，仲幫埋政府做野。再者，為這些雞碎錢，「嬰國」報稅係極之麻煩，功夫實在不值得。我既係以投資搵食，就唔使搞咁多花臣嘢，又賣VPN廣告、又推薦人開戶、又「卑創」課金、又開課程教投資、又求人入會、俾like、留言，讓演算法增加流量…炒股要靠呢啲嘢嘅咩？寫網誌，純粹無聊吹水，你鍾意睇就睇，唔鍾意睇就唔睇。活到我這個年幾，唔係應該瀟灑啲咩？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（327）分離嘅傷感

 今日係傷感日子…

兒子放學返家，又想拿起倉鼠「車車」玩玩，不料提上手硬晒唔郁，我們告之死了，立刻爆喊！

我唯有帶倉鼠去公園埋葬處理，也給了他陪伴，去踏單車，也給他朱古力玩具蛋。晚上才清潔及收拾遺物…

養小動物是對兒童嘅操練，要他們照顧小動物，當然九成都係父母執手尾，這是無可避免，小朋友都需要成長、學習。最後，佢哋要學習分離，動物始終要比我們先行一步，就好像我哋嘅父母一樣，我都成日跟個仔講我隨時「拉柴」，不過俾「校長」訓斥太早講，對小朋友太沉重，也不明白，這次小動物嘅離開就好像上了一堂人生課程。

（一生一世懷念你。）

IB投資系列：人之將死其言也善

 昨日股市調一調整，其實也不足為怪，因為真正嘅海嘯仲未開始…

股神「爸飛突」早已告之…

這是我們「低奴」、「傻散」最後一次抄功課嘅機會，以後都唔會再有機會，食粥食飯都係睇呢鋪。

今日尾帝所做一切，「爸飛突」早已告之，問題我們這等普通人當年能否聽得出，能否有這預見，今日所見，如夢初醒，悔之恨晚！

所有「高奴」早在高位套現，往後股災，你死你嘅事，作為持有3500億尾元嘅「爸運」，他說要花100億也困難，証明現在並非入場嘅時候。他說不會投資在落地獄嘅貨幣，因此五年內會花剩500億，咁即係五年內用3000億，究竟甚麼意思呢？「尾元」要落地獄，即係要崩盤，意味股災即將開始，因此在股災嘅時候就是炒底嘅機會。

咁幾時係炒底機會？當「高奴」都入巿嘅時候，就係機會，現在仍要耐心等待！不要輕舉妄動！

（「彼突幣」升破11萬尾元，但「微拆掠」唔係好郁，有古怪，要小心！）

（古靈精怪虛幣更不用說。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：要做賭場不做賭徒

 一見到個標題，以為一定係標題黨，靠標題吸引流量，賺取收入…我實實在在告訴你們，「焀哥」係有流量收益計劃，不過如果為了嗰啲雞碎利益，要「歪芺」計數計餐死，一定俾佢怨死。加上這個世界已經唔安全，我所寫嘅一切都是暗語，演算法唔會為「尾股」增加流量，正常情況搜尋係找不到，流量也不高，睇到係你嘅緣份，也是我嘅緣份，向你分享投資心得。

所謂賭場，唔係要你開間賭場，而係要學習賭場高機率嘅賺錢模式，長期運作，必定賺到盤滿缽滿。

我以期權Option為例，怎樣係高機率呢？一定係賣期權合約，收期權金，九成九賣期權合約都係穩賺，而唔需要call走貨或接貨，只要你唔貪心的話，這是重中之重。

長期高機率咁贏，就好似賭場咁，贏多輸少，何愁會唔富呢？

要達成這目標，一定要長期、堅持。就好像有定力嘅賭徒，贏一鋪了即走、輸了一鋪即走，賭場嘅高機率係冇優勢，所以賭場唔怕你贏，最怕你唔繼續賭，因為磨爛蓆去賭，賭場一定贏。

你要打工？還是老闆？做賭徒？還是賭場？

（股神「爸飛突」嘅財富，大部分是65歲至94歲爆發，你可以話大器晚成，亦可以話堅持最後嘅成果。）

（冚世界嘅成功都係吃苦而來，未準備吃苦，等於未準備擁抱成功。）

（我在「嬰國」唔返工，有人話懶惰，但重要是有時間接送兒子上學，見証佢哋成長。買車就係用錢買時間，富人用錢買更多時間，因為時間最重要。）

（我又賣多兩張期權合約，合共四張，收六千幾講元，純粹分享，並非投資建議，生死各安天命。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：13%循環回報

 只要有智慧、有方法，很少功夫已可做到同樣果效。

投資世界、功夫世界也是一樣。

只要你有購買100股尾股嘅資金，唔直接在巿場買股票，而係透過賣出期權合約，賣出看跌期權short put，收期權金，在價格跌至指定價錢接貨，即使未到價，期權金也袋袋平安。倘若接了貨，下次就賣出看漲期權short call，再收期權金，如果俾人call走了貨，下次就賣出看跌期權，循環不息…

假設某股票價格是400尾元，100股即40000尾元，31萬2千講元。由賣出看跌期權開始玩，每星期賣出一張看跌期權合約，每次收1尾元，100股即100尾元，780講元。如果接了貨，就賣出看漲期權，也收1尾元期權金，100股即100尾元，780講元，循環不息…

一年52個星期，期權金合共收5200尾元，40560講元，本金40000尾元，31萬2千講元，回報有13%。所以放喺銀行收幾厘息，我真係不感興趣。

當你選擇了金錢，放棄了愛情，就預咗要孤獨終老。同樣，期權投資，如果係買期權合約，損失最多不過係期權金，回報可以係無限。如果係賣期權合約，回報不過係期權金，風險係可以無限，你接嘅貨可以係一世都上唔番去。

（某電訊股，唔怕坦白講，呢世都唔會上返去。）

（出得嚟行，預咗要還。風險跟回報係成正比，任何投資要預計風險。）

（賣了兩張看漲期權，收655尾元期權金，約五千多講元。純粹分享，並非投資建議，生死各安天命，自己負責。）

（賺到錢，唔一定飲茶，食拉麵也是可以的。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：有錢去邊度都得

 「私己然」推出白皮書，限制移民，致令許多移嬰講人十分不安…

有的人向「公黨」MP了解白皮書嘅情況，均不得要領，所有變動，會否影響BNO人士呢？內政部從來都未有答覆。

所以現在想太多都冇用，最緊要賺錢，有錢去邊度都得，冇錢，留喺度都係做乞兒。

股神「爸飛突」交棒，回顧公司業績，頭十間公司巿值已佔「爸郡」持股89%，而且全部都係尾國公司，仲持有三千幾億尾元，「東瀛」五大商社嘅投資只係好少意思，所以嚴格來說佢係All in尾帝，如果尾帝要冧，第一時間要走，就係呢啲大粒佬。呢啲大粒佬唔走，即係尾帝未死得。要記住佢三成係現金，但有七成仍在股票。

成人聽人話尾帝唔掂，周身債，就嚟要賣身。不過你睇清楚世界上一些大公司是邊個持有，「腩寒」嘅「衫昇」、「啞佬支」，「東瀛」嘅五大商社，無獨有偶全部都係尾國佬控制，尾帝所做一切都是一個局，吸星大法收割全世界。

電車「曉洣」、「突屍拉」，股價都有水份，大家都知，「爸飛突」都棄「肶亞敵」，外資會炒「曉洣」，但賺錢即走，尾國佬都唔敢掂嘅野，除非你睇得好準，否則可免則免！

「爸飛突」嘅現金有增無減，意味賣野多，買野少，佢一日唔出手，一日都未係炒底嘅時機，要賺大錢一定要忍下手，千萬不要像我哋呢啲賭徒，牛巿又炒，熊巿又炒。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（326）珍惜這裡是吾家

 星期六出去飲茶…

這裡枱數比「貓仔記」多一點，都係十張枱左右，位於愛丁堡巿中心，我都係撘巴士，免得冇位泊車或收費太貴也不值得。

味道比「帝豪」還好，可以再嚟！

在外國嘅生活，有人話悶，有人話冇啖好食，其實真係睇你點，這裡所謂嘅冰鮮仲好過「鄉講」所謂嘅新鮮，食材好、廚房大，你識煮野食，又或者娶到個有「涼紙零」廚技嘅老婆，這裡根本係天堂，當然識煮餸就未必識計數，我一年過千個trade點報稅呢？至於外出食飯，「淪噸」、「慢切屍突」、「八明汗」一定比「愛叮寶」多野食，但要食嘅野，唔會食唔到，只要你肯俾錢。貴就食少啲，去下公園，去下郊野公園，去下國家公園，去下圖書館、去下博物館，完全免費。

至於言論自由，有些地方唔俾講政治，有些地方唔俾批評古靈精怪野，話你歧視⋯⋯如果你忍唔住要講政治，可以嚟「嬰、尾」，如果你忍唔住要駡古靈精怪，可以嚟「鄉講」，這個世界沒有地方有絕對嘅自由，只不過某些地方轉變太快，許多人也適應不了！

有些人將抗爭文化、反對文化帶到嚟呢度，帶到嚟教會，公開駡牧師及領導團隊「圍、威、喂」（黑箱作業），又質疑教會點用錢，人哋人工都冇收，只不過堂會、宗派做事方式不同，攪到變成紛爭，咁樣爭拗，就對教會好麼？神真係得到榮耀麼？我知道「老田」不是最好，唔夠細心，未能處理好分歧，但肯定盡心盡力為教會，我也加大了奉獻，對於不實嘅話，也以聖經一一駁斥，「歪芺」也勤力點返教會，以作支持。