最近蝕到攤攤腰，真係刺激！本來目標係蝕六十萬，最終蝕過百萬，超標完成。至明年三月應該也賺不了幾多，幾乎可以肯定交很少稅，或者唔使交稅。
交稅係每一個公民嘅責任，然而高稅下，投資失卻動力，資本撤離，咁攪法「嬰國」真係越來越倒楣！
「嬰國」既管治固然唔好，但某些地方火災死了過百人，也沒有人要問責落台，的確令人氣憤，炒人真係咁難咩？你做一間公司經理，下屬犯了嚴重錯誤，咪叫佢以後唔使返，會計出將支票，羞辱點叫保安睇住佢執野走。法家最重視信賞必罰，雍正如果唔殺年𡙡堯，自己就成了昏君了。
本人詠春功力有限，想有一事請教諸位詠春同門，以下嘅詠春展示，念頭正唔正呢？
點啊！又唔敢講啊！怕得罪全球詠春同門，宜家「鄉講人」甚麼都唔敢講，怕有後果，唔緊要，呢個醜人就等我做吧！後腦向地下嘅垂直線超越腳㬹，明顯後傾，唔係頂天立地，念頭當然不正。
呢個世界有邊種武術會咁樣㗎！我孤陋寡聞，告訴我吧！後傾唔係唔得，當所有招式手法都失效，為了避開敵人嘅攻擊，也要後傾，相當於拳擊嘅後閃動作，我明白作為大師要左閃右避，並不高雅，我都唔係咁㒼塞㗎啦，要做都係要做，唔夠打都要認輸，有甚麼可恥呢？「留得青山在，那怕冇柴燒」，問題係後傾個動作，做定就冇用，人哋打你已經預咗個距離，係沒有任何意思！所有招數動作都要在有需要時才施展，才能發揮果效。有病才食藥，個病才會好，冇病先食藥，即係快啲去死！
究竟六七十歲嘅老人家，可唔可以展示精準嘅詠春呢？主要視乎佢生活檢唔檢點？識唔識得養生？我不過五旬嘅退休人士，每早準時車個仔返學，早餐牛扒、蛋、雜菜，咖啡係用有機牛奶沖調，沒有煙、酒，練深蹲、平板支撐、戴拳套練拳，練腳、拉筋等，一把年幾，每樣做少少吧！有充足蛋白質及刺激，阻止老化及肌肉流失。反觀如果又煙又酒，又曾吸食鴉片，又要徒弟陪你打通宵麻雀，唔好說功夫，健康也會出現問題，做唔做到？你自己諗吓啦。
（如果乜都唔敢講，咁你生存仲有甚麼意義，詠春做得唔好就要講，如果仲係只顧自己利益，怕人唱衰詠春，影響自己生意，咁將來詠春會變成點呢？）
功夫佬係乜嘢質地，唔通我哋唔知咩？絕大部分都係垃圾。
呢嗰世界，普遍都唔係一個正面嘅造就文化，睇人仆街最開心，人們網上都係報喜不報憂，我就反其道而行，專講衰野，娛樂一下大家。
本月蝕超過一球，我就冇乜嘢，股票就係上上落落，不過經常收到IB保證金警告，攪到唔敢賣太多期權合約，影響每星期現金流，以前個個星期賣十張期權合約都收一皮，現在縮至幾張，得番幾千講元。
我生活如常，沒有太大改變，因為有錢冇錢都係揸日本車，有錢冇錢英國寒冬也只有一間睡房開暖氣，而且只有睡覺時間才開，只有早餐豪了一點，多吃牛扒，少吃麵包，牛扒都係3.99鎊，兩人早餐平過「鄉講」快餐店，間唔中飲下茶。
賺錢、蝕錢都係用差不多生活成本嘅生活，咁樣就不會大上大落，心理、情緒不會大大波動，就能應對事情，每日如常讀經、讀英文、做適量運動、炒股票、洗碗。英國係要日日洗碗，餐餐洗碗，但太少碗碟就開洗碗碟機就很浪費，有的人儲埋一日才開，我就手洗就算。股票，賺到錢咪捐多啲錢，蝕咗錢咪捐少啲。
股票都係一個生存遊戲，幕後玩家攪風攪雨，攪到好多人爆倉，淘汰一些玩家，要讓自己生存，一則不讓自己爆倉，二則維持一定現金流，可以守下去，待巿況轉變，狀況就會好轉。
好似古代打仗，有時係要守，最緊要關口要守住，又有充足糧草供應，場仗就可打下去。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
正所謂：「念頭不正，終身不正」，敢問諸位同門，以下嘅念頭正唔正呢？
多年前，某詠春電影宣傳，「孽種」嘅徒弟「癬各淋」出錢出力，徒孫「度乳寒」在某地展示「詠春木人樁法」，錯漏百出，次序、次數有錯，我逐點指出，後來段片冇埋。世界咁多師傅，全部盲晒㗎！全部死晒㗎！定係怕得罪同門？「孽種」算甚麼？佢詠春好叻麼？靠嘅不過係父蔭，但不是盡得真傳，部分技術更是某詠春博士「涼亭」所教，「癬各淋」係有啲錢，確實係忌佢幾分，冇人敢出聲，敢怒而不敢言。
今日願意講真話嘅人太少了，人人都為利益，邊度有好處就去邊度，完全冇立場及原則，咁樣個世界會更好嗎？
https://www.youtube.com/live/gAft_QCM_4o?si=HOrMhUBeKigWh8Wj
小念頭嘅「一攤三伏」要做到點才合要求？絕對埋㬹。
意思就係：攤手嘅中指或伏手嘅手腕，以及手㬹，要壓死在中線之上。
講到這裡，預咗冇朋友，所有詠春派都係我嘅敵人，要聽真話，就繼續睇，想繼續沉醉自己嘅幻想世界，就建議不要再睇下去。
小念頭第一攤手，我又稱之為「甩攤」，因為取其「來留去送、甩手直衝」之意，唔係吹毛求疵作啲專有名詞出嚟，只不過以此區分第二、第三攤手之分別，套路係要盡量做到「絕對埋㬹」，但實戰只要做到「相對埋㬹」就足以克敵。
「搏擊」嘅術數係好多，手法好，只是其一，我哋傳統嘅講法：一膽、二力、三功夫，膽量係指心理質素，力量係指肌力及心肺功能，功夫係指手法及技術，所以「絕對埋㬹」應屬第三範疇，埋到㬹也不代表一定好打，尤其黃種人對比白人、黑人在體能上嘅劣勢，要在各項手法及技術都做到巔峰，才有機會一較高下。
要將詠春推至搏擊水平係十分十分困難嘅事，好多所謂「師傅」嘅手法都咁離譜，講搏擊係好遙遠嘅事，不過咁，大家都係搵食啫，你知、我知、單眼佬都知，大家都係做戲，你交足戲，跟足劇本咁做，我係唔會無的放矢嘅，倘若戲都費事扮，我會毫不猶豫批評。「綜獅」嘅兒子不是「綜獅」，「港手王」嘅兒子得個「講」字，「岑喬王」嘅兒子不過是「沉橋王」，倘若做得唔好，要接受批評，你又怨得誰呢？
（有的所謂師傅，懶惰得很，戲都費事扮，反正有人送錢俾我，使乜咁辛苦！有人說：人都去咗，唔好再講，以存口德，咁我哋唔使讀歷史啦！）
隨着英國打算改變移民政策，移英族群也出現分化，有人認為既然都嚟咗依度，點解唔學好英文，質疑反對者冇上進心。我想問吓你HK嘅菲傭，你會唔會要求佢考中學會考？中文要合格呢？現在仲要提升至A level嘅合格水平？我實在告訴你們，英國人考life in UK嘅問題，大部分都唔識，至於B2考試，你叫佢讀聽係冇問題，要考文法、寫文章，好多讀完中學，字都唔識串或串錯，接近文盲水平，讀到大學嗰啲當然冇問題。
如果本地人大部分做唔到嘅事，點解要求外國人要做到呢？分明係難阻，表面梗係話學好啲英文可以融入社會，背後嘅邏輯係掠水，各式嘅課程費、補習費、考試費，仲有考唔到要延長個簽證，所有野都係錢。更重要係一個政府嘅誠信，如果朝令夕改，咁仲有邊一個人會信呢？秦國可以統一六國，就係法家治國，一諾千金，殺敵一人，賜爵一級，於是人人都為國家賣命。今日邊個會為英國賣命？有能力、有錢都準備走人了！
B2嘅要求相當於以前中學會考（課程乙）嘅C級，以前都只有兩成人考到，想當年，我都考了4次才勉強攞到E級合格，今日已經一把年紀，記憶力大不如前，要達到要求，要用3年？5年？10年？還是延長簽證至65歳唔使考呢？又或者我哋呢啲低端人口唔適合大不列顛呢啲高端嘅地方。
我就照報B1考試，既然唔知，考咗先，在政策落實前做了，或在過渡期已考獲，也有機會的。我報嘅考試係三一學院，應是最易嗰間，150鎊，再加多30鎊，可補考一次，合共180鎊。
因為「嬰國」稅務嚴重，近乎搶錢，賺錢冇著數，不得不要做蝕錢操作…
「嬰國」可能不適合「講人」居住，要預先部署，免得臨時方亂。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
「嬰國」移民政策左搖右擺，如果真係要考B2，自問英語程度去唔到A level，即係叫我走，咁我何必苦苦相逼，不竟以往只是一廂情願，「神女有心，襄王無夢」，「雞肋者，食之無味，棄之可惜，今進不能勝，退恐人笑，在此無益，不如早歸！」此地不留人，自有留人處，只不過我想不到宗主國嘅待遇，跟「寶島」、「楓葉國」完全一樣，所謂「救生艇」，其實都係爛船，全部都係一丘之貉！
最緊要做好準備，隨時走人，沒有買樓，真是一件好事，其他野都係身外物，問題係要去邊度呢？
隨住政府不住加稅，有錢佬就不住鬆人，大不列顛就更快走向末路，因為有錢佬交嘅稅佔有極大比例，一旦佢哋走晒「度擺」、「奧周」，財政更攪唔掂，「嬰王」都冇飯食，要食粥了！看來「私己然」時日無多！
奴隸主、高奴有佢哋嘅想法，低奴最緊要顧掂自己，讓自己幸福一點。
我就繼續任我行…
最近，詠春派又起衝突…
大家都係搵食，最緊要食相唔好太難睇，演戲冇問題，嚴格上人生都係一個舞台，大家都係演戲，但踏上這個舞台，也要演一齣好戲。「二字箝羊馬」一定係腳尖距離窄過腳㬹距離，你交足戲，我都唔出聲，如果係平衡馬，除非私下轉陣去學師伯嘅實用詠春拳，否則我只能以劣質詠春拳視之。
英國不住懲罰努力工作嘅人，經濟怎會好！不少年青人開始做廢人，最好被定義為有病、有問題，就可永久不工作、攞福利，繼續容許非法移民，繼續俾酒店、派福利，財政黑洞就永無止境⋯⋯
最近因英國醞釀加稅，又搵唔到食，有些人已忍無可忍要走。
你連夢都唔俾人發，各黨各派都針對移民，將合資格移民，跟坐快艇攞福利嘅非法移民，一同視之，又不住說要增加永居時間，增加英語難度，增加簽證費用，根本一般英國人嘅英語都達唔到嘅Level，BNO講人真係好氣憤，尤其放棄高薪厚職者，當然想回流。
我自己沒有回流這想法，因為有小朋友，信念會堅好多，至少讀埋中學、大學才走人。
作為低奴，以前「漁村」都係做低級野，住細屋，冇工人，最多係食「大加鉻」，現在住大一倍，有車出入，最麻煩係餐餐煮，餐餐洗碗，其實有洗碗碟機，有些人儲夠一日碗碟先開機，我唔儲，餐餐自己洗，飲食比以前更好，以前「大加鉻」快餐嗰個牛扒蛋早餐，牛扒又薄又細，用梳打醃到爛晒，食得多都冇益，自己煮又靚又好食，只係落胡椒粉及鹽，食嘅佢原本嘅肉味。
至於稅務問題真係好煩，一定要聽YouTuber 小魚爸，學識點報，點樣慳稅，用幾年將錢移去ISA，就可免稅，只不過ISA買唔到期權及槓桿，賺錢會少了。
其實任何地方，也有好，也有壞，在「天朝」你肯俾錢，就不必食預制菜。有些地方，你肯揞住良心，唔理政治，有些地方也不錯，問題係你搵唔搵到錢，嗰啲問題可唔可以解決，在英國，天氣凍，著多件衫、開暖氣就可解決。地方遠，駕車就可以。稅高就唔好賺咁多，攞個平衡點，政黨衰，下次大選就選第二個，想搵錢，揸巴士，都賺到三皮幫到手，問清楚自己，邊啲問題解決到？邊啲問題係解決唔到？然後作出判斷及選擇，留又好，走也好，都係自己自由意志下嘅選擇。
詠春拳嗰種無招勝有招，專攻破綻嘅拳法，怎不令人心動，我都係咁樣俾人呃咗入局，耗費了大半身，最後一無所有。
不過呢啲興趣班水平，又想得到甚麼呢？俾你去到極致，咁好似我啲師兄，攞到泰拳理事會嘅業餘拳王及武聯嘅業餘散打冠軍，一到疫情，經濟就困難，以為雨過天晴，又遇到意外，生計都有困難。
詠春之道都係咁嘅啫，避實擊虛，英國海軍勁，就不正面交鋒，用潛艇伏擊，用陸軍嘅優勢輾壓。當大家都擺好樁頭戒備時，係完全沒有破綻，只有在進攻或防守（特別在錯誤防守時），破綻才會出現，因此宗師最初所傳嘅打法，係以靜制動，等待對方先出手，露出破綻，然後可以圖也！詠春已經沒有叱咤威猛嘅動作，仲要咁被動，自然難以吸引人，生意淡薄，慘淡經營，學嘅人也不多。這種等人先出招嘅方法，空手道稱之為「後之先」，我哋稱之為「後發先至」，高手甚至雙手垂低，引對方出招，好像有一次拳賽，泰拳拳王羅唐，就係勞氣對手左閃右避，想用點數贏，要求對手拳來拳往分勝負。
我哋唔係要做全方位搏擊拳王，要體能、抗打、搏擊技術等等完全精煉，係冇可能，坊間99.99%師傅將黐手當作核心做訓練，打埋啲飛機拳都唔理，掂到人就當打倒人，最終套拳睇得唔打得。我告訴大家，古人在搏擊功夫，練到練無可練，要在近距離糾纏嘅反應都唔放過，才鑽研出黐手技術，應對近身搏鬥嘅處境，這叫錦上添花，今日嘅詠春，衫都冇得著，雕花又有乜嘢用？
你做得師傅，冇可能唔知，既知問題，繼續容許問題，繼續收錢授徒，咁即係點？
一個對詠春沒有興趣，只對錢有興趣嘅人，冇屈佢，鬼拍後尾枕，或者食了「誠實豆沙包」，講晒出嚟，這類師傅會教到你好嘅詠春拳麼？自己諗吓啦！
最近蝕到攤攤腰，真係刺激！本來目標係蝕六十萬，最終蝕過百萬，超標完成。至明年三月應該也賺不了幾多，幾乎可以肯定交很少稅，或者唔使交稅。 交稅係每一個公民嘅責任，然而高稅下，投資失卻動力，資本撤離，咁攪法「嬰國」真係越來越倒楣！ 「嬰國」既管治固然唔好，但某些地方火災死了過百人，...
