IB投資系列：表賺實蝕

 根據過往經驗，「攣柱局」減息有兩個選擇，一係1/4厘，一係1/2厘，如果佢減1/4厘，屬預防性措施，如果減得1/2厘，通脹又未跌至2%，咁一定就業數據出問題，經濟出現問題，只不過因為選舉年，執政黨一定會掩飾太平，不會透露真相。

點解盛傳「突郎泡」明言當選後會炒「攣柱局」主席？唔係因為減幾多息問題，而係佢解釋減息時，掩飾太平，暗示經濟軟著陸，協助執政黨連任嘅嫌疑。

炒股都要有「腥屎」，減得半厘，一定有啲野，當然減息有利融資較大嘅高科技產業，或對股價有啲幫助，但AI投資大，盈利模式仍未明朗，投資者未必有耐性無止境等待，經濟狀況漸漸轉差，基金佬紛紛獲利回吐。

美帝降息，貨幣貶值，俾你炒美股賺到10%，你都蝕錢，如果你有借日圓嘅話，一定明白其中道理，用港元兌美元炒嘅人，因有聯繫匯率，可能沒有這個覺察，係人都會減少美股投資，巴菲特減持蘋果，黃仁勳減持輝達，已是美股見頂嘅明証，唔通佢哋會唔知這些股票嘅真正價值咩？或者你覺得自己比這些大粒佬仲勁呢？

（IB英國免稅ISA戶口，1個月已賺9.45%，2萬鎊本錢，現時賺了1899鎊，未來巿況不明，賺錢能力會減弱，要預早部署，免得臨時方亂。ISA戶口必定要用英鎊結存，買美股才臨時兌換，到賣出美股才即時兌英鎊，所以只要持股時間不長，滙兌風險有限。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（191）參觀巴士廠

 愛丁堡巴士主要由Lothian公司經營，巴士廠開放，又怕冇車位，唯有撘巴士前往…

如果係巴士迷，實在不容錯過。

除了參觀巴士，巴士廠內更設有各式兒童玩樂設施，更有Street fighter街頭霸王及食鬼嘅電玩，年輕一輩唔識玩，我卻輕易使出昇龍拳、波動拳、旋風腿，透露了自己年齡嘅秘密。

移英日記（190）失敗回流

 最近知道一個消息…

有人持三球（300萬）移英三年，使剩幾十萬回流…

如果識投資，過去借日圓買美元賺息差，每月肯定有一萬，仲未計炒美股賺嘅錢，根本不成問題。

如果唔識投資股票，買英國樓，唔使交租，兩夫婦工作，丈夫全職，老婆兼職，千幾、二千鎊肯定夠，仲有錢儲蓄，如果自住樓買得平，有剩錢，分分鐘夠首期，有工作借到「魔技」，供多間都得。

按照我自己實際運作，早前20個月也用了一球，每月開支兩萬五，20個月已50萬，車19萬幾，加加埋埋，係要一球。由於許多是一次性費用，車根本冇需再買，五年IHS及申請費用，以此推斷三年約需球半（150萬）足矣！

用得三球，肯定係富貴版移民，出街食飯次數會否過多？子女是否入讀私立學校？夫婦有冇積極工作呢？明知自己並非投資能手，三球不能食過世，有冇部署好六年使費如何分配？

如果子女讀私校，每月兩皮，住嘅地方就不像公校要跟校區，可選平一點區域，租金每月一皮，不買車、不養車、撘巴士、踏單車，不外出吃飯，47便士麵包、加55便士沙甸魚罐頭，或者搽牛油，或者煎蛋，2升奶都係2鎊，廿蚊港紙當水飲都得，家庭開支皮半足矣，每月四皮半，一年54萬，三年咪球半攪掂。

如果三球收五厘息，一年收15萬，平均每月有12500元，丈夫一人工作賺皮半，子女免費讀公校，夠生活了，六年入藉後，本金三球絲毫無損，仲可以反攻Hong Kong，分分鐘仲可買到樓添！

（屯門樓兩球已經可以買到，靚啲三球有售。）

其實有錢移英係絕對優勢，要唔成功，基本好難，要敗家到咁，除非平均每月使八萬，36個月使了兩百八十幾萬，洗腳唔抺腳，去邊度都死。

天朝、漁村經濟一落千丈

 天朝情況日差…

真是受苦嘅民族，其實有投資嘅人都知天朝財政怎樣，青年失業率已高到不容公佈，在全球一體化下，世界任何投資也難獨善其生。

我嘅上一代移民至漁村，至我們這一代又移民，都係同樣嘅原因，避開同樣嘅野。

天朝嘅附加劑爆錶嘅預製食物、化學料理…已攻入漁村，漁村男女人均壽命全球之冠很快保唔住。

「惡意不投地」最初是地產商反對政府的表態，但到了今日，建築成本仲高過賣出價格，商人在零地價下都賺唔到錢，試問怎可能投資？

「辛細疥」係漁村負債最高嘅地產公司，負債已超越公司巿值，即係變賣所有都不能還晒錢，削除主帥兵權又能幫到幾多？馬紹祥又唔係稻盛和夫，豈能起死回生？

「波仔」都仆街，「你巾馨」話自己不會破產，咁又係嘅如果「荒舟基金」仆街，「木頭姐」都唔會死，係投資者死，佢只係收取管理費，關鍵在於「你巾馨」在基金嘅投資佔比，嘴硬係冇用嘅，時間係最好嘅証明，資不抵債，唔破產都唔得，林寶堅尼、法拉利、開蓬波子被執達吏拖走。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

用個人財務五個黃金法則去管理你的錢

 規則1——只花你所擁有的

這是一條簡單的規則，但它仍然是最有力的金錢智慧：不要花超過你賺的錢。 在能力範圍內生活是避免債務、避免蠕動的利息成本和創造財務穩定的可靠方法。 此外，知道你可以負擔得起自己的生活方式帶來的內心平靜是無價的。

規則2 – 建立一個應急基金

正如那句名言“生活就像一盒巧克力，你永遠不知道你會得到什麼”。 這意味著關鍵的資金舉措總是在緊急情況發生時藏匿現金。 以3-6個月的生活成本為目標是個好主意，將這些費用存入一個易於訪問的高息儲蓄賬戶中。 如果你的生活成本有所增加，並且你負擔得起，請記得增加你的應急基金。

規則3——優先償還債務

通常，你為債務支付的利息高於你從儲蓄中獲得的利息。 因此，在把錢存入儲蓄之前，你最好優先償還昂貴的債務（除了你的應急基金）。

這裡有一個例子：

• 英國信用卡的平均利率為26.11%。 如果您有1000英鎊的債務，利率為26.11%，您將在一年中支付261英鎊的利息（假設這是簡單的利息，並且您沒有還款）
• 英國易用儲蓄賬戶的平均利率為2.77%。 如果您在儲蓄賬戶中以2.77%的利率存了1000英鎊，您將在一年中賺取27英鎊的利息（假設這是簡單的利息，並且您沒有提款）

規則4 – 制定金錢目標

對於我們中的許多人來說，我們會吃盤子裡的食物。 同樣，我們經常會花掉我們賬戶裡的錢。 為了真正控制你的現金，最好在資金到達你的賬戶之前設定明確的資金目標。 這可能意味著確定你能存多少錢，然後為你拿到工資的那天設定一個長期訂單。 或者可能制定一個支出預算，大約50%的現金用於“需求”，30%用於“想要”，20%用於“儲蓄和投資”。

規則5——讓你的錢為你工作

閒置現金可能成本高昂——換句話說，不賺取利息的錢實際上因通貨膨脹而貶值。 因此，為了讓你的錢為你工作，可以考慮將其存入高息儲蓄賬戶，或者，如果你對虧損的風險感到滿意，可以投資產品。 隨著時間的推移，您將獲得複利利息，使您能夠從之前賺取的利息中獲得更多利息。 透過投資，任何隨時間的收益都可以再投資，以產生更多的股息或回報，這取決於投資的型別。

（移居英國必定要開ISA免稅戶口，我唔係怕交稅，而係你肯俾錢都冇會計師幫你，每年過百過千個trade，仲要計官方每月滙率，買入買出日期不同，滙率有異，我年年都要安撫「歪芺」幫我計數，我都知好慘，但我係靠投資搵食，都冇辦法，唯有開ISA戶口，每年入兩萬鎊，這戶口內不必報稅、交稅，咁我就放心炒，本月暫時我賺千七鎊，「歪芺」賺七百鎊，折合約兩萬五港元，都夠英國生活。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：值唔值得搏？

 你自己看看…

納指第一次下跌7.3%，跟住彈上新高，第二次下跌17%，你估彈唔彈番上去呢？

股王Nvida第一次下跌35%，已彈唔番上去，跟住下跌22%，跌幅係細了，但你估又彈唔彈番上去呢？

日圓拆倉，好像吸星大法，抽走資金，試問怎可支撐個股價？你自己諗吓啦！

某電車今日股價升至250美元，我也不後悔，在230至240間沽晒，Robotaxi雖可沖喜，也可撻Q，測試車死人，計劃要延後也是可以的，邊個曉得呢？馬斯克已延過一次，自動駕駛都曾死過人，要完全不需人為介入，係咪咁容易呢？

股票之道，在乎順勢而行，佢標上去，你撘順風車，就可賺錢，佢挫落去，你盲舂舂跟，只會走進死無葬身之地。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：收息機會隨處都係

 只要找一找，機會隨處都係…

收息機會，隨處都係…

以上所述，並非投資建議或推薦，亦沒有收取任何佣金、廣告費之類，我唔sell野，亦不需像窮網紅要sell野，也冇用上述產品，我只係想講，如果對投資唔熟識，透過短期開戶，已可賺取不錯嘅利息收入，或者透過債基、貨基、訂存，又可讓資金泊岸…

如果一味呻窮，卻甚麼都唔做，事情係唔會有任何轉變。

我哋身邊都會有啲「垃圾朋友」，就算冇錢，問你借錢，生活質素從來不會降低。另一種人，即使大把錢，買埋啲舊車，入油陰啲陰啲入，為要減輕車嘅負重，達到慳油嘅目的。其實去Costco打爆個油缸，已是最好嘅辦法，去食1.5鎊熱狗連汽水當一餐，也是好方法，不過我已經實測過，去這些地方係慳唔到錢，會唔見好多錢。我想表達一個信息，冇錢嘅人係死有餘辜，有錢係有錢嘅道理，因為夠慳、夠孤寒，iPhone 我仲用緊11，你估用iPhone 11嘅人有錢？還是用緊iPhone 16嘅人有錢呢？

我睇中一架電動摺合單車，我唔係冇錢買，係唔捨得買，投資世界，三更貧、五更富，個個月幾皮又試過，半年一個仙都冇又試過，點敢亂使錢呢！

我以前借錢俾「朋友」，佢哋嘅生活質素全在我之上，年年旅遊、食好、著好、穿好，我連襪都穿窿，年年假期，自費短宣去服侍貧窮人，十一奉獻，資助宣明會，永遠唔使交稅，係做地盤那期，賺多了才要交。我初出道，每月儲7000元，去中銀做「零存整付」，第二年加了點人工，儲8000元，二十出頭用緊渣打銀行嘅優先理財，只為做訂期唔使排隊，幾無聊！（後來蝕晒就後話）唔好睇人財務自由咁爽，你唔識慳錢，係唔會有錢投資。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：白手宜收息

 小兒跟同屋宛嘅印度小朋友混熟，經常互去家中玩樂，其印度母親不見兒子，也會上嚟我哋屋企問問，因而與「歪芺」混熟，見我們終日無所事事，又有車，唔似難民，倒想了解一下。

細問之下，知道我們是投資過活，印度母親十分有興趣，只是她連ISA也冇開，Nvidia也不知做甚麼生意，「歪芺」知道佢係白手，乜都唔識，唔係唔想教佢，只是唔想佢蝕晒啲錢。

其實身邊都有不少移英港人，我恨不得幫佢哋斬斷窮根，只是投資有賺蝕，贏錢好地地，輸錢連朋友都冇得做，每個人都要為投資負上全責，尤其白手陣亡率九成以上，你幫佢買賣，就等於賭上大家嘅關係，然而咁少資金，買得一注，要贏錢極難，買十注，有幾注輸都冇問題，難度是不一樣。

適逢現在利息倒掛、油價下跌、失業率上升…你都知乜嘢環境？白手，做下訂期，收下息便算。炒股，咪玩喇！

（呢條友係邊個都唔知，點投資啊？）

（就算股神巴菲特都試過老貓燒鬚，卡夫亨氏也蝕唔少錢。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：減息嘅部署

 美帝一劈就50點子，你估鮑爺傻㗎！一定背後有「景滾」，今年會再減，高息環境令經濟受壓，減得息即係經濟轉差，減親息一定減到一厘以下，問題係未來減嘅程度及密度。

保守投資，有高厘數嘅產品，越長越好，有四厘或以上就要做，鎖死一年兩年，公司債，如果穩陣公司，如投資級別，都唔使怕嘅！

（我投資嘅某手機債券，已經賺錢，鎖定息率，如果要用錢，變賣都賺錢。）

特朗普做總統，美元跌，賀錦麗做總統，美元穩或強。問題係我根本唔知邊個會贏？會唔會作弊？所以，如果考慮邊個做總統嚟決定怎樣投資，根本無法落注，反而分散風險，唔好將所有雞蛋放在同一個藍子，永遠係王道，唔會發達，但點都唔會衰，變賣股票，轉持現金，兌換成非美貨幣、以美元計價嘅資源、黃金、債劵⋯⋯，至於加密貨幣，風險極高，無法預測，當股票跌時，某加密幣跌破六萬美元，可見人哋要補倉，第一時間沽加密幣，所以這資產不存在避險功能，股票升、佢又升，股票跌、佢又跌，要小心謹慎！股神都沽股票、增持現金，加密貨幣會點？你自己諗吓啦！

（有錢人嘅錢，一世都使唔晒，錢不過是數字遊戲。）

（我仲用緊「埃峰11」，Tim Cook出新機，我照用舊機，只有壞機或喬布斯回魂或報夢給Tim Cook，等佢有番少少創意，才會換機，要用AI，用ChatGPT即可，根本沒有需要買新機。人哋「嘩唯」都有三摺機，雖然都係花臣嘢，但至少炒一炒。）

（摺機算什麼？都不過花臣野，理智嘅人都唔會買，我要用平板，我用iPad，要正經做野用手提電腦。不過至少做啲野刺激下銷路。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：減息等於衰退？

 退據以往記錄：

當美帝減息半厘，除了一次例外，每次都出現經濟衰退，因此不得不防。

當經濟衰退，股巿很大機會下跌（我唔係話一定），既然咁牙煙，唔值得搏，我都唔等Robotaxi推出，沽空晒某電車保平安。

要發達唔輪到我，要仆街也輪唔到我，這個世界很公平，你要搏，我也唔阻你，每個人都有自由意志去選擇。

（我的ISA免稅戶口，勢頭本來不錯，但往後賺錢可能會轉難，大家自求多福。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：全部都係老千

 做人要有獨立思考能力，不要輕易信人。包括你睇緊我這個網誌一樣，唔好信我，信你自己。

投資人都唔係靠投資發達，最勁嗰個富爸爸都係老千，原來佢講嘅富爸爸根本不存在，佢自己主要靠出書賺版稅、講座…其他人更不用說。

我都淆咗幾十年，碰過無數咁多壁，你估靠投資搵食咁易麼？好多講投資嘅人，都唔係靠投資搵食，而係靠想發達嘅人搵食，揸乾晒佢哋，殘民以自肥，無所不用其極，如果投資人都唔係主要靠投資搵食，食屎喇！

這裡冇訂閱、冇披闖、冇課程、無需俾like、無需留言…增流量，鍾意就睇，唔鍾意就get out，做人有番啲風骨，唔好囈契弟求人訂閱，大眾唔好再俾人呃喇！唔好信我，唔好信人，如果某大師佢哋話有四萬點，現時兩萬點都冇，咁平，仲唔重鎚出擊？仲唔用盡槓桿盡買？如果佢哋真係咁做，如果係人，一早跳樓死咗！因為唔係人，所以冇事活到今日。

（投資要靠自己，唔好靠人，唔好靠貼士，如果俾貼士給你嘅人係堅，佢自己重鎚出擊，自己都可以做股神，取代巴菲特，何必賺你少少雞碎錢？風水佬得，何必賺你嗰少少風水錢？做人唔好咁天真！上圖是我嘅ISA免稅戶口，跟「歪芺」鬥賺錢多，良性競爭，每人2萬鎊開戶，半個月我賺了1478鎊，多過「歪芺」一倍，暫時領先！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

大不列顛油站溝稀掠水

 左膠經常話要環保，真心真係為地球好嗎？說穿了又係幫商家佬賺更多嘅錢。

電車嘅鬼話，不過是道德勒索，為咗地球好，俾多啲錢都唔肯麼？講真，除了職業司機，混能車一生所慳嘅油都抵消唔到車價，電車就更是，咁俾多了錢，地球係咪真係會變好呢？當然沒有。地球溫度上升是周期現象，是溫度上升，然後二氧化碳才上升，因果關係要攪清楚。

現時油站出現了E10、E5電油，意思係電油混了10%、5%酒精，即係乙醇，美其名是環保，因為乙醇燃燒時碳排放較少，不過乙醇嘅能量密度比電油低，E10能源效率降低6-11.5%，咁意味溝稀嘅電油需要用更多油，才能完成同樣里程，咁那有降低碳排放呢？但可以肯定，商家佬賺更多嘅錢。

某些油站如Tesco仍有E5賣，雖然價錢較貴，但能源效率一定比E10多，成本分別可能不大，而且乙醇對引擎及機件可能有損壞，尤其舊車更明顯，唔值得因少失大。商家佬唔會死錯人，消費者要醒目啲！

IB投資系列：真係大檸樂？

 大孖沙已落注，除了滙兌可以看到，股巿也可見到，現時沽盤擁現，最大嗰隻係雪佛龍，這隻是股神巴菲特除了西方石油之外，最重要嘅石油股，雪佛龍受壓，我投資嗰隻西方石油也跌，只不過小小注碼，不受影響。

沽空石油股是對未來經濟悲觀嘅表示，第二沽空是特斯拉，跟住係安森半導體、超微電腦等。意味對奢侈品、AI都投了唔信任嘅一票。

喺咁嘅環境，唔理這班大孖沙沽得啱唔啱？股巿升也不會升得多，一有壞消息，一定會一沉百踩。

股票之道，在乎順勢而為，「天朝」加入「細謬」，形勢大好，甚麼都升咁濟，自然容易賺錢，加大投資，現在好黐唔黐，黐埋「大鵝」，俾美帝壓制，仲點會有運行？投資也是一樣，牛巿賺錢易，自然要重鎚出擊，熊巿賺錢難，自然要謹慎投資，不輕易出手。

（韓信係打扙嘅天才，卻是政治嘅白痴，功成身退咁簡單嘅道理竟然唔識！就好似股票贏咗錢嘅人仲唔走人，喺度磨爛蓆，好像賭徒一樣，豈能善終！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（189）英國詐騙

 昨日我收到錄音電話，話來自HMRC，叫我跟指示操作，聽到太多詐騙，英文又水皮，立刻收線，免遭損失，果然去到HMRC真係講到有這種詐騙，敬希小心！

HMRC網站：https://www.gov.uk/government/publications/phishing-and-bogus-emails-hm-revenue-and-customs-examples

其實「天下烏鴉一樣黑」，去到世界邊到，唔好貪少便宜，凡事小心，可保平安！

IB投資系列：大孖沙已落注

 美滙指數下跌，意味大孖沙已落注，非美貨幣上升。估唔到咁快割韭菜，你賺到幾多美元，兌換回自己本國貨幣都要打個折，如果賺得少，仲要嘔突，不過以美股過往表現，我這些三流交易員都賺到錢，你只要夠年輕、敢冒險，打個折，都盤滿缽滿。

問題是我們懂不懂知所進退？急流勇退？炒樓炒鋪嘅投資者如「你巾馨」、「ball仔」之流，難道不比我們普通人更清楚行情麼？只不過對見慣風浪嘅人，會有比常人更大的自信，深信短時間守得住，不會賤價沽貨，但當大巿超出他們意料，分分鐘會一鋪清袋。

當我移英以後，仍持有相當比例嘅「講股」，最終我仍決定分兩階段沽清，第一階段沽清地產股，第二階段沽清藍籌股，埋單蝕三十幾萬。現在反思，第一階段沽清地產股係正確，但第二階段可善價而沽，這部分可平手或賺少少走人，不過你俾多次機會，我都唔會搏。

現在嘅情況也是一樣，你沽售美股？還是繼續玩下去？我唔怕坦白講，我有一半資產是現金，1/3英鎊、2/3美元，希望滙率好少少兌換更多英鎊，以便購買物業，長居大不列顛，反正要讓個仔讀到大學仲有十幾年時間，長期加租或迫遷都唔係辦法。其他資產有股票、收益基金、債券、REITs 等。

現在嘅情況係要小心，美帝一減息，等於公開承認經濟衰退，資產價格一定下跌，造成損失。只不過「狼來了」嘅故事講了太多次，次次話減，最後都冇減，錯過了不少賺錢嘅機會，正所謂：「阻人發達，猶如殺人父母」，講得太多，人習慣了，就冇作用，但正正是輕忽了風險，反而帶來致命嘅後果。

（黃仁勳嘅晶片，賺到盤滿缽滿，但投資佢嘅股票要相當小心，以免招致損失。）

（我是某電車嘅長期投資者，原來我都有資格參加Robotaxi發佈會，知道第一手資訊，不過我就唔會咁傻飛去美國，第二日啲人就會整理晒講出來。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：獅子銀行靠唔住

 某日我收到短訊有關驗証碼，跟住又收到銀行短訊，戶口封鎖，要我聯絡銀行。後來我致電，知道要去分行認証，成件事明晒。

銀行職員話有人致電銀行，但因為提供的資料不正確，懷疑欺騙，故封鎖戶口。

如果你係詐騙，你會向普通巿民著手？還是銀行職員？如果要欺騙銀行，要取得當事人幾多資訊，才能騙走金錢？如果你設定嘅問題，係你最喜愛嘅電影，第一個女朋友名字，怎會估到，你做賊都取易不取難，自己想想。

我一早叫人：「走得快，好世界」，怎會俾你封死？賊人要騙就騙，監管要封就封，一舊水都冇，點俾人呃？不過咁，如果要靠人接濟就慘了！「獅子」銀行嘅大股東係「駢補」，大家都明㗎啦！不需多講。

現在要呃錢好難，戶口名、密碼、手機認証、人面辨識…英國也有電騙，故仔都作得好精妙，好多人都上當，俾晒個人資料，但突然要你入戶口或咭資料，才醒覺中招，但資料俾晒人，人哋下次又有另一個劇本呃你，中招機會大增。我英文水皮，幾精妙都氹唔到我，因為唔識聽，幾舊水著數就想我落疊，咪玩喇！

「光棍佬教仔便宜莫貪」，要賺錢有很多方法，何必做犯法嘅事呢？

賺幾舊水又好、幾皮野又好，靠自己能力賺到錢，心安理得，見得人，拜得神。（上圖港元結算）

(我的ISA免稅戶口，用英鎊結算，由開始兩萬鎊增至兩萬一千鎊，不足一個月已有五厘回報，所以我對收息產品不大興趣，手續費高冇問題，賺到錢咪得囉。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：炒股16小時

 美股正常交易時段：

夏令（3月至11月）

9:30pm至4:00am （香港）

2:30pm至9:00pm （英國）

冬令（11月至3月）

10:30pm至5:00am （香港）

3:30pm至10:00pm (英國）

當然炒得美股，玩埋盤前、盤後交易。

盤前：9:00am至2:30pm (英國）

盤後：9:00pm至1:00am (英國）

換言之，交易時間由9:00am至1:00am (英國）合共16小時。

當你見到炒美股嘅交易時間，你就知移英炒美股有絕對優勢，你夠精神，做足16小時交易也可以。

不過說實話，最多交易及最能反映股票價值，仍是正常交易時段，盤前、盤後交易量較少，容易有波動，這個波動係雙刃刀，有可能太睇淡執到平貨，也可能過份樂觀執到貴貨，最緊要自己知道股票個價值值幾多，唔好受巿場氣氛影響，到價就買或賣，唔到價就按兵不動，這個時候，定力好重要。

（IB可以進行盤前、盤後交易，只要根據指示進行即可。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：又割韭菜了！

 降息已經講了咁多次，你以為美帝真係單單按經濟數據降息嗎？最重要透過貨幣政策，令資產轉移，盡收天下財富，所以佢哋背後自己已有許多數據，割韭菜割得七七八八，最後再嚟一次殺著，因此幕後玩家是先有決定，然後再用經濟數據將他們所作，變得合理化，資訊只不過用來愚弄我們這些下等人。

美帝透過加息，盡收天下財富，人人變賣本國貨幣兌換美元買美債，主動借錢俾美帝使用，美帝嘅有錢佬用強美元并購外國資產，盡收天下財富，美帝要還錢就降息貶值，用低息債冚高息債，你以為賺了五厘息，到最後兌回本國貨幣，比之前還少，跟住又瘋狂印銀紙，名為刺激經濟，實質讓美帝揮霍使用，然後將通脹交由全世界承擔，不住循環使用，建立不朽霸主嘅地位。

（單單模仿係無法超越，何況美帝嘅招數係無法模仿。）

有錢佬如巴菲特已賣蘋果、黃仁勳已賣輝達，高位獲利走人，但巴菲特又不能賣美元兌外幣，即使知道佢會貶值，咁於是買短期美債，鎖定利潤，又保留彈性，待股巿崩盤，立刻可以重錘出擊， 如果「大粒佬」都高位賣股套現，試問散戶怎可能賺錢呢？盡其量短炒高低位賺少少飲茶錢吧！

（北斗神拳奧義：水影心，能夠複製對方嘅招數施之於對方。）

（韓信「置之死地而後生」，只有佢自己可以做到，後世無人可以複製使用。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

搵錢唔好太難睇

 最近某偽人去大不列顛博物館，又話這件偷、那件搶，完全乎合天朝偽愛國主義，但原來佢唔知更多是來自私人捐獻，更不乏華人，講真讀歷史都知，如果唔係這些保育，文革早早破壞晒。

某偽人年輕時曾為東瀛運動品牌Yasaki賣廣告，年幾有番咁上下嘅人就會知道，如果按照今日天朝標準，血統就唔係好純正了。

人所以為人，就是：是其是、非其非，我唔介意你嘅政治取向，建造業有個朋友，佢真係愛國到不得了，佢話打貪成功，tiger及fly都唔放過，天朝有救，跟住我send了這些打貪嘅人自己都貪嘅消息給他，家屬資產全以億計，跟住佢就冇回應、冇聯絡。其實打貪不過權鬥嘅一種，排除異己嘅手段，正常人都知，只不過愛到入血入骨嘅人，喺無辦法將反對嘅意見聽入耳。愛到盲目係真愛，只是我太理性，以致一生都沒有經歷盲目去愛嘅感覺，真係可悲！

賺錢、搵錢都唔係罪，只是使唔使咁難睇！

（直播帶貨賣M巾唔可恥，問題係人的原則係咪一致。）

(機會主義者就很多，愛國者就死晒，或者被囚在監獄。）

IB投資系列：經濟衰退？

 受到非農就業數據不及預期，加上巿場對經濟衰退嘅恐慌，道指、標普、納指全線下跌，風聲鶴唳！

幸好昨日彈一彈賺番多少，今鋪頂得住。

做生意就係咁，有賺有蝕，有高有低，唔好大驚少怪！

已故巴郡副主席查理芒格早早已說，AI被過度炒作，加密貨幣是最蠢的投資。佢係舊派投資人，我尊重佢嘅意見，我反思：科網時代，又話改變全世界，5G物聯網，又話改變全世界，最終極只不過call車、叫外賣，用app下單，公司減少了人手，世界改變不大，AI有冇誇大呢？又話取代人類，我要十月看看特斯拉嘅機械人的士能否正常運作，再作定奪。

我深信有實力嘅公司，面對風浪，確實股價有回調，但真實價格最終極會反映一間公司嘅價值，反之，沒有實力嘅公司，面對風浪，會加速淘汰，被巿場嫌棄。

世界上某些國家，成日要超英趕美，成日想做一哥，做世界霸主，但僅僅是模仿，並無法超越，你看技術高超嘅已故球星高比拜仁，便可知道。

寶島總統極有智慧，指出天朝為領土完整，為何不追討北方領土，天朝外交部不敢回應。

（如果天朝追討外興安嶺以南、烏蘇里江以東、庫頁島、伊犁、唐努烏梁海，寶島總統應無話可說。）

世界立立亂，投資需審慎！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。