其實我地Hong Kong人都享受緊唔公平，夫婦即使有子女，也可一齊工作，有兩份勞動力，因為可以用低成本請菲傭，在英國這是不可能，因為有最低工資，你請人不如自己做，故有子女嘅家庭，只有一個勞動力，直至子女獨立一點，其中一個才可找兼職。當我們要求公平嘅時候，你會否俾最低工資給菲傭呢？我們仍然用比較優勢壓制緊別人時，從來也沒有良心譴責。
這個世界從來都沒有公平，在英國，有校區，有好學校，一定要俾貴租、貴巿政稅，你想子女入愛丁堡第一中學，就要入關聯嘅小學，係冇入學試，唯一要求是住在校區，住得校區，都唔會係最低階層嘅人，嗰間中學，多年都係愛丁堡第一，讀書一定要谷，一定要請補習，如果家境平平，怎讀得起這些中學？（即使學費全免）
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
已經攞了龐大嘅出場費，冇得輸。打拳都係為錢、為榮譽，20歲已是世界重量級拳王，入獄前戰積可以用幾乎無敵來形容，許多時候第一回合KO對手，最快30秒，俾錢睇拳賽，個個都話回水，因為太快打完了。
繼「魷魚遊戲」之後，Netflix又一遊戲劇集「The 8 show」…
有錢佬一日賺過億，我一日賺一千幾百，你出身就好像抽了甚麼牌一樣，就算幾努力都冇可能上到位，當然幕後玩家會製造一些假象，知識改變命運、努力可以成功之類，也提拔了一些人，成為成功嘅模範，令奴隸階層願意努力工作，我年輕時曾廿幾小時工作，冇返屋企，點解要咁搏，就是升職嘅幻象，俾你升了又點？又係咁涯，又做一個幻象俾下面嗰層嘅人睇，努力就可升職…，你以為文明社會就會公平，少年你太年輕、太天真了，其實真實景象跟印度嘅種姓制度完全一樣，你仍然係奴隸，只是你升了一級，做奴隸管工，繼續鞭策奴隸幫主子賺錢。
我唔係講得消極，係睇通了這個真實嘅人生遊戲，大不列顛經濟增長1%都冇，通脹十幾個%，人工永遠追唔到通脹，咁即係實質購買力越來越少，甚至要涯餓，除非你更努力工作，更努力爭取升職，才夠生活。現代奴隸唔需要好似古代鞭打奴隸來加快速度，只要印銀紙，令你唔夠使、令你涯餓就可以了。
「鄉講」以前比較富裕，有的人年年去日本，年年去旅行，年年換手機…真係咁爽麼？幕後玩家固然要賺盡你嘅錢，你沒儲蓄，你欠卡數，你更要努力工作，放假更要兼職工作，為主子賺錢，令你冇空間思考人生嘅意義，罪沒有辦法得到解決，星期日返唔到教會，得閒死唔得閒病，有時間也要進修，至死都唔知為乜嘢？
如果人人好似我初出道，賺一萬儲七千，加了少少人工儲八千，基本上可以半年工作，半年休息，或者正常工作，提早二十年退休，四十歲就唔使做，只不過我做生意失敗、投資失利、工作唔如意…就冇計。如果人人咁做，人類生產力至少減少一半，又節約消費，幕後玩家賺少許多，試問佢哋點會容許這件事發生，要為這班奴隸建立所謂「人生目標」，要「四仔」（屋仔、車仔、老婆仔、仔女），賺錢達成人生目標就等同人生嘅意義等等，當然奴隸會悶，讓一少部分人發下明星夢、體育夢，固然樹立了成功嘅模範，鼓勵奴隸努力工作，有了這些明星，也調劑工作嘅苦悶，提升生產力，為背後的老闆賺更多更多嘅錢。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
暑假計劃了郵輪假期，也俾晒錢，但意料不到，由愛丁堡Edinburgh去修咸頓Southampton咁困難，若要撘飛機，由於暑假，直航三人來回要皮幾，郵輪嘅錢都係兩皮幾，去要用一半價錢，顯然不合理，但火車、巴士，係平一點，但中間要轉車，極轉折，中間延遲，撘唔到車就好大獲，最終決定自駕。
既然決定了自駕，油錢也俾了，友人建議順道自駕遊，由北至南玩一轉，上郵輪去法國、西班牙，落船再由南至北再玩一轉，玩轉英倫，我都唔想玩到咁大，但去修咸頓機票太貴，跟自駕再加六晚酒店（職員價）差不多，既然洗濕了個頭，局住頂硬上。
計劃由愛丁堡自駕去曼撤斯特Manchester，四小時，食個午飯，休息後再去布里斯托Bristol，住三晚酒店，跟住去雷丁Reading，住一晚酒店，再去修咸頓Southampton，去完郵輪，北上伯明翰Birmingham住一晚，再北上列斯Leeds住一晚，再返回愛丁堡。
現時巿況不穩，本宜保留資金，節衣縮食，方為正路，不過洗濕了個頭，冇辦法，唯有頂硬上，視為上帝嘅祝福吧！
有一個研究顯示，95%動物聽到人類嘅聲音，逃跑速度是遇到獅子嘅兩倍。所以大部分動物是害怕人類，萬獸之王係人類，唔係獅子。
人類點解咁勁？真的因為人有槍炮麼？在非洲嘅草原，一隻獅子知道有人類會立刻走，一群獅子也是一樣，他們不過是非洲落後部落，用嘅是簡單武器，只不過這部落有殺獅子嘅傳統，視為勇武及榮耀嘅象徵，他們也有殺獅子嘅技術及經驗，佢地嘅耐力係動物之冠，馬拉松嘅冠軍全部係非洲人就可知道，因此這地方嘅獅子都怕人類，避之則吉！
聖經道出人類嘅可怕，「人心比萬物都詭詐，壞到極處，誰能識透呢？」（耶利米書17:9）更重要，神賦予人類有自由意志，即使要敵擋神也是可以（當然有代價），這亦是撒旦必須借助人類敵擋神，一、萬物中最壞，二、有自由意志，三、妒忌人類有尊貴嘅身分。
人類有幾詭詐？有副作用但冇防禦能力嘅東西，可以讓全球買單。實驗室証實存在嘅物質，但人體不吸收冇作用嘅保健產品可以賣到滿堂紅。一套技巧，黐手又好，推手又好，但不具備技擊能力，今日全球仲有人開班授徒，賺緊錢。
撒旦可以將全人類困在虛擬世界，也需要歸附撒旦嘅人類幫手，才能成事。「不寒」有佢地嘅虛擬故事、「天朝」支拿國有佢地嘅虛擬故事、我地身處嘅所謂文明世界，也有他們嘅虛擬故事，這類人知識水平高一點、資訊好一點，要用所謂更科學及數據去洗腦，演員水平也要高級一點，競選也要做到真概一樣…
我想，我跟許多對武術志同道合嘅人也一樣，對武術充滿熱情，希望能夠學到一身好功夫、好武功。
黃作、黃淳樑、李小龍…嘅詠春功夫係打出嚟，唔係黐手黐出嚟，就好像有人不住在泳池邊練動作，練到幾靚都冇用，一跳落水才知唔識遊水，數以百計、千計翻車嘅武術師傅，學咗幾十年功夫，以為找個幼嫩嘅業餘拳手，就可打贏，打完才知自己根本唔識搏擊，太極師傅嘅痛，唔係身體嘅傷痛，而係幾十年的價值及信念，一次過毁滅，根本冇辦法面對自己。
我奉勸年輕嘅，趁後生上擂台，武聯嘅散打賽又好，泰拳理事會嘅拳賽又好，拳擊總會嘅拳賽也好，你上過擂台，你就知搏擊三寶係乜嘢？速度、力量、耐力。技巧係要，但都要在三個基礎下才有意義，就好似起樓冇根基，起到幾高都冇用，所以齋黐手係冇用的，我強調唔係詠春黐手冇用，這不過是其中一個功法，不是全部或大部分，打吊包、打壁包、打速度球、打木人樁、遊水、跑步、自由搏擊…同樣重要。
至於我地呢啲半退休人士，都收晒水，隨時主懷安息，仲有甚麼盼望呢？搏擊世界已經唔屬於我地，只不過一日仍生存，路仍要走下去，武術係一生嘅追尋，郁唔到就冇得講，郁得到就會練下去。我奉勸詠春門人唔好齋黐手，基礎拳法、腳法更重要，我每日戴著拳套練拳擊，練三樣就夠：直拳、勾拳、下勾拳（上擊拳），腳法也是練三樣就夠：直踢、側踢、旋踢，我自己屎忽痕練埋後旋踢，因為我覺得連環腳法好型好優美，你話我詠春叛徒，又拳擊又跆拳，又如何？到了我這個年幾，仲需要介意人點睇麼？我淨係知道這些功法對我有幫助，就算我唔打四字拳，打番詠春嘅日字拳，個力量已經好唔同，再者詠春除了埋肘拳，也有飛肘拳，只不過齋黐手嘅詠春係唔會識，明明唔需要咁窄角度嘅拳，也要咁做，人地外線拳如入無人之境，最終互中，倒地一定係詠春，除非有更廢嘅國術。
至於做師傅嘅，收得人錢，唔該交足貨，帶著徒弟操下體能，大肚腩好易糖尿、心臟血管疾病，載著拳靶操拳，練到啲人攰為止，手痛腳痛嘅，就買支活絡油搽吓，賺錢都賺得心安理得。啲人拳又重、又有體能、核心肌群又結實，唔會揸得去邊？好多詠春師傅齋教套路、黐手，唔使流汗，手法又甩漏，食屎喇！
2023年，大不列顛通脹，全球之冠，但經濟增長只有0.1%，倫敦交易所，走到就走晒，走唔到，大部分變蟹貨，真係食屎！（唔講衰野都唔得！）
我淨係知道，聖經有警告，「那迷惑他們的魔鬼，被扔在硫磺的火湖裡，就是獸和假先知所在的地方，他們必晝夜受痛苦，直到永永遠遠。」（聖經啟示錄20:10）善惡到頭終有報。
（Jimmy Lai冇得縮，咁樣係對上帝最好嘅交待。）
你有幾多戰鬥力，跟大自然嘅法則係完全一樣，不離開三個元素：速度、力量、耐力。
國術或詠春這類下三流功夫，只強調特定條件嘅技術及反應動作，要做示範，都可以提供到出色嘅表演，只要不實戰的話。
功夫佬最利害嘅功夫是「自欺欺人」，只有連自己都呃埋，才能呃人。再加少少民族情緒、文化傳承…個產品就能賣出，光棍佬教仔：「便宜莫貪」，你沒有付出非比尋常嘅代價，身水身汗、腰酸骨痛、傷患處處，而妄想擁有超級功夫，係天真？無知？還是弱智？就是我年少無知睇鳥山明嘅「龍珠」都知道，即使撒亞人擁有戰鬥民族血統，都要付出無比嘅代價去練習，才能修成正果。
投資人要有個特質，絕對理性、不容易受人影響。
點解有一些人經常蝕錢？仍是因為人云亦云、羊群心理，終於跌入輸錢循環。
以為黎到地球另一面就有自由，咁未免太天真。
當需求放緩，汽車產能過剩問題慢慢浮現，各大車廠出現供過於求現象，電車、油車庫存也上升。
巴菲特減持蘋果，真的只是稅務問題，做人唔好咁天真，商家佬從來都唔會死錯人，何況佢仲係最頂層嘅商家佬，好多資訊這個level嘅人才會知道，凡人至少知道iPhone 同期銷售減少一成，經濟下行即將出現，否則持有1890億美元現金，竟然唔買貨，你當人地股神儍㗎！
誠哥當年變賣中港資產，已經釋放咗重要訊息，問題是我們這些凡人有否接收到？四叔跟誠哥唔係同一個level，否則唔會仲高價買入中環地皮。
投資一定要轉催審慎，唔好人買你又買，如果價錢平，小注無妨，重鎚出擊免問。還晒日圓、去槓桿化，因為孖展可令賺蝕都變幾倍，無謂冒險，現金放在IB得4.83%，買短期美債五厘鬆少少，賺少了錢是免不了，勒實褲頭繼續行吧！
所以終身工作是理所當然的。
當我們見到有人英年早逝，我地會俾自己藉口要及時行樂，不單用盡現有嘅錢，甚至用埋將來嘅錢，碌卡消費、供一層唔係自己位份應該住嘅樓，造成嚴重負債，當收入一減少，經濟立刻出現問題。要知道英年早逝是萬中無一嘅事，更多嘅情況是延年益壽，HK人是全球人均壽命最長嘅人類，所以用「英年早逝」、「及時行樂」嘅理財策略一定錯誤。
然而人嘅身體是不住衰退𡁵，好像我這些冇學識嘅文盲，年輕時仲可以做體力勞動，賺取金錢，人地俾雙工，通宵工作也可以，問題係這類工作可以涯到幾多年？
電視節目「新聞透視」？定「財經透視」？訪問理財策劃師，退休之後要節衣縮食，真係好可笑，最可笑是佢地仲有面接受訪問，「理財專家」只不過職業，叫人買基金、買保險，根本保唔到佢自己，盲人領路，全部人跌落山涯慘死！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
HK嘅生活，就是帶小朋友去學習班、興趣班，去付款遊樂場，這裡也有類似。
（駕車就好快，搭車就不行了。）
最近漁村樓巿下跌，發生了一件事…
買家撻訂，發展商劈價三成賣樓，追收差價。在經濟下行週期，好似好無良，不過逆向思考一下，樓價升就繼續成交，樓價跌就撻訂，輸打贏要，又是否可取？只不過以往經濟向好，撻訂樓可以輕易賣出或更高價賣出，發展商不了了之，令炒家錯覺以為撻訂就可拍拍囉柚走人。
長實已屬負債較少發展商，也向撻訂買家追差價，其他負債較多發展商一定爭相效法，令人唔敢入巿，遲買劈三成，真正買家、用家也會靜觀其變、審慎入市，或索性轉買為租，在供過於求情況下，樓價只會繼續下跌。
美利堅負債、大不列顛負債、天朝也負債，漁村很快也負債，世界各地政府也會減少開支、增加稅收，人嘅生活只會越來越困難。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
昨日大家都知甚麼事… 咁加關稅，邊個都冇運行。 「尾帝」係爛攤子，咁冇問題，只要人哋更爛就可以，資金冇選擇下留在「尾帝」，股票又唔掂，唯有買「尾債」，咁就正中下懷，有人頂住盤爛數，不過咁樣仲未夠，要勁印銀紙及減息，就必須推出崩盤嘅戲碼，大家要小心！ 在關稅陰霾下，「平果」、「阿...
