2025年4月6日 星期日

偽人,何必對佢太認真!

 做人唔好咁天真,傳媒見到嘅野,全部都係戲…


有些人食女多過我哋凡人轉工,頻繁意味每一次周期極短,不住用完即棄、不住用完即棄,會知道甚麼是珍惜嗎?如果你珍借份工,睇重你嘅工作,都唔會輕易離職轉工,何況人呢?


好多偽人,其實都是人渣,只不過佢仲紅,公司會保佢,公關公司會教佢,形象顧問會執佢…令佢有一個完美嘅人設,咁就可以長賺長有,無知嘅人就會甘心獻上金錢…


最近有一位知名嘅YouTuber 來「鄉講」,有青年話用了幾千元追「星」,可惜緣慳一面…好坦白講,佢有冇對佢父母做這件事,使幾千元買禮物及請父母賀壽呢?

(如果係Mr Beast咁紅,我喱啲低奴都識,我都可以理解,花幾千元去追個黑人,唔係傻到上腦呀!)

(就算政客,都不過係演員,佢所做一切不過跟劇本演緊場戲,何況偽人呢?)

(私生活,有啲人仲可以忍,那個人沒有過去。但如果是非不分,連人嘅最基本嘅條件都冇,有的人都會醒覺下來,做出正確嘅決定。)

2025年4月5日 星期六

IB投資系列:Option係最好選擇?

 「突朗浦」咁玩法,揸住股票都冇錢賺…


學「嬰文」軟件道出我的心聲,Option (期權)成為我最好嘅選擇,Option又是期權,又是選擇,好攪笑。

股票低迷,揸住股票賣唔出,唯有賣看漲期權,賺期權金,只要升唔穿行使價,係白賺期權金,即或升穿,強制賣股,也不過賺少了,你自己也未必看得準最高價才賣。

揸住現金唔敢買,也冇錢賺,一係放在証劵戶口收息,一係買短期「尾債」,一係買債基,又或者賣看跌期權,賺期權金,只要跌唔穿行使價,係白賺期權金,即或跌穿,局住接貨100股,也是你認為嘅低價,加上有期權金,等於買野有折扣,冇得輸,你自己也未必看得準最平價才買。

從上述例子可見,揸現金嘅選擇係最多,除了收息,也可賣看跌期權,你也可以膽博膽低價買虛幣,低炒AI股,或買黃金避險,轉去「逸圓」買東瀛五大商社等等,風險自負!

所以,冇貨,現金係最佳選擇,有貨,又識玩期權,期權也是好選擇,係咪最佳,全在乎你怎善用這工具。


(我慣常賣期權,收個幾尾元期權金,一張合約100股,約收千多講元,這次股票大跌,可狼一點,收4美元,100股即400美元,賺三千鬆啲講元。)

免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。

2025年4月4日 星期五

移英日記(225)不自由的自由

 其實絕對自由根本是不存在。

某些地方,政治係禁忌,某些地方,性別、種族係禁忌,某些地方,宗教係禁忌,你只要觸犯喱啲禁忌,都會有好大問題。

好多人奇怪點解我唔直講國名、人名,「嬰國」唔係西方言論自由嘅地方嗎?其實天下烏鴉一樣黑,自從「冇汗廢嫌」,所有反對「液瞄」,都不可能在互聯網出現,當然係有的假新聞,但有的係在「液妙」中心影到嘅,都會瞬間消失,點解呢?因為影響背後嘅龐大嘅利益集團。所以真正嘅自由,從來都沒有存在。

「大愛包容」多麼動聽,當一個地方容納到三十幾種性別,試問怎可能容到耶穌?現在「突郎浦」上任,只容男女兩種性別,世界就和平嗎?「深層正虎」就會消失嗎?其實,幕後玩家仍是一樣,只不過轉了面具,資訊好似自由了,但「益匙」充斥住假資訊,真真假假,凡人無法分辨,最終也無法知道真相。

你拍嘅片、寫嘅文章受歡迎,真係演算法嘅結果?還是乎合幕後玩家嘅心意,乎合佢嘅利益,多多利用,你自己想下喇!

在「嬰國」,你係可以批評政治,「私己然」就係被安排做衰野:加稅、減福利,如果唔係,點會有錢加軍費,佢預咗聲譽好差,但佢亦得到佢嘅好處,貪咁多都唔使坐監。

最近我在學校已發現多元性別嘅推動,邪惡就在我哋身邊出現,幸好仍有男女厠,但不知守到幾耐?「嬰國」比「尾國」保守,較重視傳統家庭價值,不過世俗主義下,啲人唔返教會,「燈勤」牧師間教會得幾條友,真係好慘!「隔拉屍歌」更開設合法毒品注射中心,步「迦𢲡大」後塵,走向墮落之路。

任何地方都會以言入罪,只不過入罪嘅原因、方式不同,某些地方係政治,某些地方係性別、種族、宗教等因素,由「漁村」來到「嬰國」,只不過由一個籠轉到另一個籠,尺寸唔同、型狀唔同,係咪舒服啲,真係唔敢講!

(遊行係可以,但要知紅線。)

(不同地方,紅線不同。)

(呢條友做嘅嘢都係為咗掠水,「尾帝」資不抵債,危如累卵,仲俾「遭敗凳」、「荷咁勵」玩落去咩,你以為民主勝利,實際係幕後玩家嘅安排。)

2025年4月3日 星期四

IB投資系列:攬炒全世界

 昨日大家都知甚麼事…


咁加關稅,邊個都冇運行。

「尾帝」係爛攤子,咁冇問題,只要人哋更爛就可以,資金冇選擇下留在「尾帝」,股票又唔掂,唯有買「尾債」,咁就正中下懷,有人頂住盤爛數,不過咁樣仲未夠,要勁印銀紙及減息,就必須推出崩盤嘅戲碼,大家要小心!


在關稅陰霾下,「平果」、「阿瑪信」、「突屍拉」都大鑊,因為在「天朝」有生產線、供應鏈,這地方有34%關稅,怎會冇影響呢?平果在「胤度」有廠,關稅只有26%,但生產力遠比不上「天朝」,是不可能取締,高關稅導致高成本,產品價格必升,銷量必跌,盈利必跌,股價必跌。

(「高奴」早早減持,你死你事!)

免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。

2025年4月1日 星期二

IB投資系列:波動不代表賺錢

 對於我哋呢啲老油條而言,最怕個巿唔郁,波動才提供賺錢機會。


最近有大學生分享炒股輸掉95%身家,對新手而言,波動係對EQ極高考驗,而且仲唔係由簡單買賣玩起,而係最高級嘅期權,買期權,最多輸期權金,賣期權,收期權金,係可以輸無限,係可以好大鑊!

對於我哋呢啲低奴,揸住啲股票唔郁,係冇錢賺的,故會賣出看漲期權,收期權金,我話俾你聽,好過收息,個個星期收錢,你只要唔貪心,定價唔好太進取,只要升唔穿行使價,未試過強制賣股。記住口訣:「升唔穿」。

如果揸住現金,放喺IB都有息收,但錢很少,唔夠生活費,我會賣出看跌期權,收期權金,好過收息,個個星期收錢,你只要唔貪心,定價唔好太進取,只要跌唔到行使價,至今未試過強制買股接貨。記住口訣:「跌唔穿」。

又或者你睇得通個巿,好有信心,買看漲或看跌期權,回報可以無限,但損失只是期權金,根本唔會死。

賣看漲期權,必先有100股正股,才賣一張期權,收一份期權金。賣看跌期權,必先有買100股正股嘅資金,或充足孖展額度,才賣一張期權,收一份期權金。冇咁大個頭就唔好笠咁大頂帽,要死都好難!

網上好多野都係假,千萬不要盡信,靠炒股發達嘅人,我淨係識「爸飛突」,超級老千「富爸爸」係主力靠出書嘅版稅,巿面上有無數教你投資嘅書,有幾多人睇咗會發達,大家心照不宣,唯一肯定個作家收版稅已經發了。

免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。

移英日記(224)最安全城巿?

 某雜誌列出十個安全城巿…

我嘅根據地「愛叮寶」排榜首,肯定係高興,証明最初沒有選錯城巿,不過有利亦有弊,樓價高企,亦令置業困難,租金高昂,生活困難。工作亦有限制,高增值嘅金融、專業,也不容我哋,只有做低奴嘅工作,酒店執房、超巿執貨、送外賣等。要做工廠、倉務,就要去到較外圍地帶,如果冇車,返工也困難。

人多路雜,歧視也會少啲,對我哋新移民有利,然而品流複雜,治安也較差,如果個個都冇錢,偷竊亦都會增加,幸好居民都有錢,他們很多揸「得國」車,如「麥死啦苯屎」、「拗弟」、「保碼」,係我咁窮才揸「東瀛」車,真冇擔心過俾人偷車。中心區域係冇Council house,全部住私人樓,當然有些新屋宛硬性規定某些是做Council house,外觀係新樓,但多些街童及垃圾就可知道,啲人現兜兜用幾十萬鎊買嘅樓,唔會咁樣糟蹋。

學校根本係聯合國,肯定沒有種族歧視,但個別欺凌當然係難免,主要視乎學校校風及所處區分。我個仔嘅同學,有的係「胤度」人,有的係「稀臘」人,有的係「忠」、「嬰」混血兒,有的係「嬰國」、「依朗」混血兒,比「鄉講」嘅國際學校仲多元,如果咁都話歧視,真係冇野講!

只不過,以前「鄉講」係我哋主場,歧視人唔覺得一回事,又說「黑鬼」、「崩妹」、「離仔」、「不妹」,突然去到一個地方平等了,就覺得被拉低了吧!

2025年3月30日 星期日

IB投資系列:現在未衰完!

 啲人成日話想發達,如果明日崩盤,你有冇錢炒底呢?至少「一球」,最好「幾球」,機會只會留俾準備好嘅人,閱讀聖經,十個童女嘅故事,五個準備好油,五個冇準備,當新郎嚟到,準備好嘅童女得以進入筵席。

如果你有定投「彪浦五百」指數基金,就照樣去做,唔好受人左右,因為冇人知未來,高的未算高,低的未算低,就算知名嘅日本股神「青源撻狼」,佢都話經常估錯,何況我哋呢啲「低奴」?因此用平均投資法就可以了。

如果沒有定投,就要保留實力,可以將資金放在証劵戶口收息,或是買債基,或是買短期尾債,等到崩盤,尾帝印銀紙及減息去救巿,就要重搥出擊,正所謂:「物極必反」,當事情衰到貼地,不能再衰嘅時候,就一定反彈,只會變好。


有人問:咁「鄉講」會好未?佢未衰到貼地,山腰都會跌死人,「驚冬」等天朝電商左右追擊,零售業定必玩完,鋪價仍會下跌,樓價仍會下跌…

(錢有賺夠的嗎?你自己用腦想下。)

(現在甚麼都跌,只有貴金屬升。)


(這個世界,唔會有無緣無故嘅愛,唔會有無緣無故嘅恨,倘若不是「成哥」得罪「今上」,堂堂首富,怎會被人駡成過街老鼠咁!)

免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。

偽人,何必對佢太認真!

 做人唔好咁天真,傳媒見到嘅野,全部都係戲… 有些人食女多過我哋凡人轉工,頻繁意味每一次周期極短,不住用完即棄、不住用完即棄,會知道甚麼是珍惜嗎?如果你珍借份工,睇重你嘅工作,都唔會輕易離職轉工,何況人呢? 好多偽人,其實都是人渣,只不過佢仲紅,公司會保佢,公關公司會教佢,形象顧...