IB投資系列：留有餘地

 我收到風，啲大粒佬勁沽貨…

加上早前有人放風，揸虛幣、沽虛股，咁我仲唔醒水，立刻沽走一半貨，炒股唔可以保證每一次交易都賺錢，但至少要令自己可以全身而退。

本星期賣了一張「微拆掠」看漲期權（440call)、兩張「突屍拉」看漲期權(350call)，收巿全部未到價，「突屍拉」收巿349.98，只差0.02，圍骰通殺，收期權金五千多講元，明日去新地方飲茶。

做人唔去到咁盡，減持，唔會賣晒，增持，又唔會All in，永遠留有餘地，消息有真有假，自己也唔會一定估中，永遠持有一定現金，要錢唔需要蝕本沽貨，冧巿又可炒底。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：溢價大勿高追

 專家揸「彼突幣」，沽「微拆掠」…

聽專家分析，要了解背後邏輯。虛幣升，虛幣股亦升，這是必然關係，揸虛幣、沽虛幣股，就是因為虛幣股溢價太多。

當「彼突幣」價格在97600尾元時，「微拆掠」持有「彼突幣」值323億尾元，但公司巿值卻達1150億尾元，咁即係貴了許多。

不過要知道股票係買未來價值，某電車股、某晶片股、AI股值這個價嗎？當前景、氣氛良好，往往願意用更高價錢購買，就好像以前「鄉講樓」，細到唔合理嘅納米樓，都要幾球，仍然有人買，反觀今日看似不錯嘅半新樓，也跌一半，最慘半價都唔敢買。

所以考慮是否值得投資，是對未來前景嘅預計，唔係單睇溢價幾多，前景一片光明，貴貴也有人買，反之前景暗淡，好像沙士時，四十幾萬咁平嘅樓都冇人敢買。

不過既然溢價咁大，股價太高嘅時候就千萬不要高追，否則會帶來相當嚴重嘅風險。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：財富係對認知嘅奬賞

 正所謂：「有咁耐風流，有咁耐折墮」…

如果從來沒有風流，何來折墮呢？項羽發積以後，沒有定都咸陽，反而定都彭城，無險可守，為嘅就係要威一威，佢話如果唔咁做，等於錦衣夜行，發咗都冇意思，最後結果當然不得好死！

財富並不是要威，而係要守得住，定都咸陽，就係要守得住，秦國以此根基，一統六國，劉邦用韓信破三秦，以此根基，打敗項羽，也是同一道理。

銀行壞帳增加，不住裁員，很多銀行職員借盡優惠房貨買樓，一旦裁員，一係還錢，一係要俾街外嘅借貸利率，供唔掂就變銀主盤，惡性循環。

樓宇按揭係槓桿，孖展投資也是槓桿，輸係可以輸突，不過咁，如果銀行職員有優厚嘅供樓優惠，收嗰1%，唔借盡都對唔住自己，這並非一般人所能抵受嘅誘惑。

那個人唔想使錢？那個人唔想讓自己開心一點？不過，要知道財富係對認知嘅奬賞，要配得領受這份財富，就必須有相當認知，才能牢牢守住這份財富。

投資路上，不同專家有佢哋賺錢嘅方法，就算你聽晒股神「爸飛突」講話、書藉，你都唔會變成股神，正如你學得一門搏擊，並不保你做到拳王，至少唔好輸得太離譜。

今時今日，你問AI，甚麼都答到你，你甚麼都學到，問題係你學到不代表你做到，就好似你跟移嬰講人「涼紙零」用嬰國食材還原「鄉講」味道，你要不住實踐無限咁多次，才有機會成功。投資就更加唔係簡單嘅事，一定由簡單菜式開始，做下定期存款，至累積一定實力及經驗，就買下穩健嘅股票或基金，再功力提升，就投資指數或個別股票，再用各式工具，如孖展、期權等等。

財富係對認知嘅奬賞，認知沒有增加而財富增加，只不過巧合、好彩，例如，多年前無無聊聊買了幾百個「彼突幣」嘅人，不過更多是用「彼突幣」買了Pizza，或者是將硬盤棄置在堆填區。

（我的嬰國免稅投資戶口ISA終於變正數，早前兩萬鎊（20萬講元），增至三萬幾鎊（30幾萬講元），一個大浪，兩萬鎊也保不住，今年四月又可注資兩萬鎊，合共注資四萬鎊（40萬講元），現在終於賺錢了，雖然賺得不多，不過証明逆境都可重新振作。）

（這些人，一定係對財富有認知，仍然用「埃瘋」7，股神「爸飛突」都係用「衫昇」舊手機咋！我咁窮，因為太浪費，竟然用「埃瘋」11，罪過！罪過！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：許多人仍未醒

 漁村炒樓炒鋪確曾令許多人致富，不過靠炒樓嘅，都死得七七八八了…

有的人已經負資產，只不過租金仍靠穩，夠俾「魔技」，但這些日子唔會好耐，仍然咁大花筒，一餐飯由二、三千元，減至八百至一千元，就好似臨死前嘅年羹堯，唔知個死字點寫。

我住大不列顛，點解「淪噸」樓咁貴？咁值錢？因為核心區域唔會再發展，保育建築，地方法規限制發展，zone 1、zone 2樓全部有錢佬買，好誇張！反觀「鄉講」特色不再，點樣仲可值咁多錢？炒股都知，冇了護城河及專利，股價想升都難！

做人要勝不驕、敗不餒，炒股投資也是一樣，「花無百日紅，人無百日好」，NBA退役球星點解破產？因為佢哋唔明白球員嘅生命係好短暫，但佢哋使錢仲好像以前倒水咁倒，破產只是遲早問題。

點解「成哥」咁大年幾仲可以睇演唱會？點解「懂見嘩」細過「成哥」咁多，幾年都冇蒲頭？因為「成哥」多年前已經清茶淡飯、勤做運動，零件自然襟用。

健康係咁，投資也是一樣，「好天斬定落雨柴」，賺錢唔用盡，蝕錢就可守得住。以我咁嘅質地，年年換手機，有隻見到世面嘅名錶，也不過分，如果我要做生意，行頭太寒酸，人哋都唔會信你。然而炒股票根本不必見人，沒有必要浪費金錢，如果你部手機舊過我嗰部「埃瘋11」，有資格講財務自由，使錢原則係應使得使，按著自己財務程度，過一個合標準及可持續性嘅生活。

炒股，預咗係三更貧、五更富，早前一日蝕幾皮，今日隔夜及盤前已賺幾皮，我不會因蝕錢就冇飯食，也不會賺到錢就亂咁嚟，我仍是戴幾舊水嘅Casio，食49便士（4.9講元）面包，期權金賺一千幾百或幾千講元，咪拿五舊水飲下茶，永遠都留有餘地，槓桿也不槓盡，永遠都有位走，唔死得！

（今日賣了3張看漲期權，hold住300股唔俾賣，賺五千幾講元，純粹個人分享，並非投資建議，生死各安天命！）

（投資要知風險，有些人唔係普通賭徒，而係超級賭徒，靈魂都賭上了。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：升又爆倉！

 早前，「彼突幣」突破十萬「尾元」，固然令許多人發達，也令許多人破產，19萬做空者爆倉，傷亡慘重！

虛幣係冇得估，不過要作啲理由，事後孔明也是可以。有說減息預期增強，「嬰」、「尾」貿易談判成功，其實都是老吹。關稅令通脹加劇，「攣柱局」係獨立機構，係背後商家佬話事，唔係總統話事。至於嬰尾協議，其實以前本來係「細謬」成員，已享最惠國待遇，現在10%關稅及一些豁免，已經皇恩浩蕩，究竟係乜嘢邏輯？

幕後玩家要升就升，要跌就跌，再講得具體啲，要入貨嘅時候就跌，要出貨嘅時候就升，賺取最大利潤，升嘅時候又有人爆倉，跌嘅時候又有人爆倉，因為人們妄想可以預知將來，我都曾經以「鈉脂」與「虛幣」嘅闗聯性作出預估，其實係相當危險。

（某電車昨日都曾升至307元，我都驚要強制於305元價格放100股，影響自己倉位，回調至304元急買回100股，到真係到價，也有股賠俾人，點知股價回落，仲扎多咗啲貨。不過收了期權金，當折扣買貨。本來想臨尾賣末日期權，但巿況太明顯，價錢太平，hold住100股流動性，唔賣了！）

（全球經濟仍有不確定性，美帝要加天朝80%關稅，隱憂仍是存在。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（325）教會紛爭

 鄉講人在這裡嘅教會也出了問題…

許多廚師走到一個新地方開一間新餐廳，上一任總廚臨終前將位置交給俾一位外來嘅廚師，後來又得到大老闆嘅委任，但這間餐廳好難攪，個個都係獨當一面嘅米芝蓮廚師，亦要顧及不同人嘅需要，有心臟病、糖尿病等等，以致餐單全都是健康為目標，味道並不理想，甚至可以說難食，其他米芝蓮廚師都想改餐單，但總廚佢絕，以致有的廚師去開另一間餐廳，每到一個時候，總有人說這間餐廳嘅食物難食，然而許多人卻需要這間餐廳，大老闆也支持這餐廳繼續經營，還增加了資源。

我年輕時也做過快餐店經理，每每總廚設計嘅餐單，往往都不太受歡迎，以致分店廚師情緒也低落，當時我跟廚師合作，按當日分店嘅材料，一日出了七款即炒粉面飯，不知幾好生意，跟住嘅結果，當然俾區域經濟駡到上天花板。你跟規矩去做，生意唔好，大老闆自然會督責總廚，推廣嘅餐單係成個集團去做，你咁樣做只會壞了大事，你自己開間餐廳，鍾意點玩就點玩…

總廚係決定餐單，佢有絕對權力咁做，佢係直接向大老闆負責，作為廚師只有跟足餐單咁去做，只有盡可能配合，倘若意見不合，就惡意中傷，咁樣已經唔係一個廚師要做嘅事情。

我個仔很喜歡變型金剛Transformers ，我亦了解晒成個故事，柯柏文本來是斯比頓星球嘅礦工，地位低微，但當被授了「元能矩陣」嘅時候，就成為領袖，領袖要做嘅野，唔係個個都能理解及接受，包括佢嘅好友麥加登，最高侍衛星星叫、聲波、震波等也不了解，只有佢自己默默承受，因為佢要保護佢所愛嘅斯比頓星球。

盼望這些紛爭盡快解決！

英國買不同牌子日本車，其實都是豐田

 上次介紹了一部，開埋個引擎蓋一看，完全一樣，十分離譜，點解要俾多幾皮買所謂原裝正版嘅豐田呢？根本係智商稅。

呢次仲離譜，改個車徽就算，裡面嘅料及內裝，甚至外殼也完全一樣，就是萬事得2，跟我嗰架豐田完全一樣。

呢架Mazda2 Hybrid係由豐田製造，根據Yaris設計（即係第四代Yaris Hybrid），再貼上Mazda嘅標誌，主要喺歐洲市場賣，用嚟幫Mazda達到歐盟嘅環保法規要求。車架、內裝、引擎、甚至車機系統都同Yaris一模一樣。

簡單講：

• 車型平台：TNGA-B（Toyota）

• 引擎：1.5升三缸混能系統（Toyota Hybrid System）

• 製造商：Toyota

• 外觀與內裝：與Yaris 幾乎一致，只有logo、部分設計細節唔同

咁點解要俾多幾皮買「正版」？