IB投資系列：四種模式賺錢

 最近看到有啲野，幾得意，特別跟大家分享。

絕大部分人一輩子都係做雞（妓女模式）。

「妓女模式」即係用時間及勞動賺錢，手停口停。現在多了許多「騙子模式」，無論工作、感情，只要騙了你去到無法律嘅地方，你嘅身體全部器官都會變賣⋯十分可怕。

咁投資屬於甚麼模式，炒一日股，收一日錢，某程度是屬於「妓女模式」，如果買下某公司嘅股票，如果公司賺錢，股票上升，某程度屬於「強盗模式」，如果投資公司是社交媒體、網絡，某程度是「小偷模式」，如果投資了虛幣公司、對衝基金，某程度是「騙子模式」。

以前賣保險嘅所謂「朋友」，要你買「儲蓄保」、「投資保」，只不過佣金高，到有事要索償，賠償極少，毫無保障，跟住幾年又話為你好，轉一個好計劃，其實只不過他抽佣期過了，你唔轉計劃，佢無錢收，最終買了多年保險，與新客戶無分別，帳戶所餘無幾，到移民取消戶口，要扣極高收續費，攞返好少錢。表面係「妓女模式」，實質係「騙子模式」。

我自己現在處於「賭徒模式」，用風險去換取回報，由五球玩到剩返兩球，剩返半條人命，都冇所謂啦！最近升返三球，唔通就要慶祝咩？不過，我諗深一層，移嬰四年，有三年移錢至ISA免稅戶口，每人每年兩萬鎊，都移了12萬鎊（約120萬講元），這幾年，一年用30萬，倒也用了120萬，架車都20萬，當我甚麼都唔做，坐食山崩，都係剩返咁多，咪當冇賺冇蝕囉！

（到咗我呢個年幾，仲有野輸咩！）

（呢個世界仲有「乞丐模式」。）

（這個是「騙子模式」，情騙是十分不道德。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：不必交稅

 我總結一生經驗，大師就好少，神棍就大把…

網誌只是分享投資、生活嘅點滴，字詞都用同音字代替，避免演算法或搜尋，點擊極少，沒有賺取流量嘅意圖，「嬰國」生活，一毫紙都要報，雞碎錢千萬不要賺，可保平安。

「歪芺」wife幫我計好上年度稅務，因上年度已預繳，又大幅減少收息部分，利息稅扣除免稅額及上年預繳，個人入息基本上不必交稅。至於資產增值，由於做了極多蝕錢數，冇錢賺，自然也不必交稅。

股王「揮撻」NVDA真係無敵，不過如我經常咁講：好嘅股票一樣令你蝕錢，差嘅股票一樣令你賺錢，關鍵係你買入嘅時機及價錢，高位入了，你都要守，只不過揸住好嘅股票，個心會定啲！

我賣220元看跌期權，也接了100股，現在都蝕3.27%，這些貨唔使怕，用220元看升期權或225元放走即可。唔使賺多，賺少少即可，賺少少期權金或賺幾點即可。

本星期賣了31張期權合約，數量好多，錢卻很少，期權金2638尾元，約20576講元，每一張期權金少，中招行權嘅機會也較少，價格已反映一切。由於一年目標一球，每月要賺八至十皮，每星期至少要兩皮，所以Chok夠兩皮先肯收手。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：AI答唔到？

 最近某電視台有玄學比賽⋯

如果真係先知，何需幫人睇相來賺錢呢？何需上電視增加知名度？如果股評人真係咁掂，何需做講股佬，成日估錯，俾人駡到仆街？

呢啲「先知」法力有限，人哋「塵震衝」都呃成億成億，仲唔係法力高強？

今日AI，加埋人面辨識，加埋資料庫，唔使呢啲「先知」估估下，係接近100%準確，如果AI讀埋族譜，加埋基因，購物消費記錄，出入記錄、工作記錄、關係記錄⋯一切資料，預估你破產可能性？離婚可能性？疾病可能性？對country對party嘅忠誠度？準到你唔信，「天朝AI」不受各國人權嘅限制及法規，沒有道德枷鎖，真正超「嬰」趕「尾」，領導世界，甚至出口這套監控至友好政權，加強管治。

你見一見這些所謂「先知」，如「鬚文風」、「勿零鈴」要俾幾多錢？我告訴你問AI，已有頂級「先知」八九成功力，而且佢優秀處是不受情緒影響，分析晒所有中西歷代大師嘅精要，而且仲係免費。術數之說，可以係統計學，只要量越多，準確度就越高，人係無可能跟AI鬥。

就算通靈之術，撒但教最頂級嘅巫師可以直接向撒旦溝通對話，也不代表所講都是真話。次一等，識一些特技，「天眼通」（超視覺）、「天耳通」（超聽覺）、「他心通」（知道人心所想）、「宿命通」（知道人嘅過去）等等，都係知道當下或以前嘅事，未來係無人知道。

我有個弟兄，有情緒毛病，在「漁村」經常要見輔導，次次都成千元，嚟到「嬰國」，甚麼都靠自己，唯有靠AI，越問越好，輔導技巧極高，都有「餘得純」八九成功力，最重要係免費，只要控制好每日問嘅數量即可。

風水佬、講股佬、輔導員、臨床心理學家⋯在AI年代，冇得玩㗎啦！咁呢啲職業嘅錢咪流向AI，咁AI應該發達，投資AI，應該發達！問題係，你問AI，你都冇俾錢，AI仍在發展階段，要不住燒銀紙，仲要免費俾你哋呢啲cheap精唔俾錢用戶，當然AI係越用越精靈既，咪當訓練模型，都要俾班cheap精用，未來邊個跑出又唔知？應否投資AI？AI都俾唔到答案。

（AI只能說不同公司不同範疇，每樣分散投資。留意有一間公司差不多全能，怪不得「爸運」會投資。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：AI毁滅人類？

 最近不住收到有關消息⋯

消息令人感到不安！不過冷靜啲想一想⋯做得開心就唔會辭職，前途無可限量、做到最頂尖就唔會辭職，就算真係辭職，都係攞更好offer，或者有金主支持自組公司⋯。如果辭職出來，就係控訴，咁即係斷埋自己米路，再找另一間AI工作也是不可能，亦不期望金主會科水給他自組公司。

因為他負責嘅部分很快被AI取代，自己就算不辭職，遲早都會被裁，主動作出請辭，反而找到出路，總好過AI有新模式、新突破，大量AI工程師被裁，生存反而更難。

至於該番言論可以被瘋傳，你以為呢個世界真係有言論自由麼？「武廢」事件還不清楚嗎？只要你提出反對「翼苗」，所有言論、影片⋯全方位封鎖。因此今次主角論調，不單是容許，甚至各大媒體都大力支持，甚至鼓吹，用演算法推一推⋯因為AI公司深深知道，越鼓吹AI威脅人類，背後嘅邏輯，不就証明AI一定會成功，甚至超越人類⋯云云，因此今日嘅投資係值得嘅，千萬不要停止AI嘅投資。

被辭嘅AI工程師控訴，人哋只會覺得你無能，工作咁快被AI取代，如果自己辭職，至少話俾人聽，自己並非無能，咁話語至少有點說服力，控訴才有力。背後嘅邏輯係AI真係威脅人類，至少令他沒有工作。

AI會不會滅絕人類？沒有人知道，也言之尚早，但可以肯定，係取替緊你嘅工作，是十分埋身嘅事。

無人的士，背後就告訴你永遠唔需要司機，咁即係司機搵唔到食，九成以上電腦嘅工作都可以被取締，咁即係白領又搵唔到食，只有藍領工人還可維持一段時間，如果AI機械人成功，咁呢啲工作都會被取代，咁人怎樣生存呢？人嘅價值又喺邊度呢？

人嘅說話，唔可以只睇表面，要知道背後嘅底層邏輯，人都要自保，要識用AI，至少在AI未成熟時，半AI都仲可生存到，緩衝到少少時間，另外，可能要投資這類公司，如果他們成功，股價一定反映。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（418）自得其樂！

 我嘅詠春功夫係廢拉、垃圾，我嘅投資係廢拉、垃圾⋯咁又如何？我又唔係靠人哋生存，全部靠自己、食自己，有甚麼可批評呢？

我要飲「講式」奶茶，自己煲⋯

（兩包「阿森」茶、兩包「特濃」茶、一包「石難」茶，剪開茶包，煲完再焗。）

（再兩重過濾，加淡奶即成一杯「講式」奶茶。）

小朋友要玩具，我買⋯

（大師之劍（攻擊30）、凱利亞盾（防禦90）、林克衫，有玩過「殺已達傳說」就知甚麼。）

要玩音樂，咪自學囉⋯

（黏晒貼紙，跟足指示，點會學唔到，而家咩年代？有咩唔識就問AI，唔好找藉口。學功夫唔好靠「發瘟師傅」，十個詠春九個流，信唔過。）

（「嬰國」自成一角，軍隊象徵式就可以啦！有核潛艇及三叉戟射核彈，已經好安全，「尾國」迫「勾洲」各國加軍費，「嬰國」根本無錢，錢從何來？一定發債及加稅。）

（有錢佬聞到陣味，走都走唔切。）

（成本324鎊，收你1709鎊，「移嬰」係掠水，不過冇比較冇傷害，完美嘅國度根本不存在，只係去冇咁衰嘅國度。）

（死人又冇問責，起樓起成咁都得？又唔使問責，咁幾時才會問責？甚麼係問責官員？「懂伯伯」雖然㒼塞，至少「涼敢叢」偷步買車要下台，「孽瘤」廿三條立法要下台，至少知道甚麼是問責，一個負責任嘅「正虎」，衰極有個譜。）

對我而言，去邊度住都係一樣，因為我唔需要當地搵工，去馬拉，國際學校平、生活平，但迫你買樓（賣唔出嘅樓）「印離」燒山，煙霧彌漫。留漁村，國際學校貴、屋租貴、生活貴，留「嬰國」，稅高，自己煮就平，食物質素好，吃「沙華刀」sourdough （酸種麵包）、有機牛奶、走地雞蛋，有益健康，科技雖然落後，但自然環境優美！

IB投資系列：通脹偷走財富

 整間拳館得兩個得，其他全部廢拉、垃圾，幾咁絕望，雖然總好過人家全部都係廢拉、垃圾，但當我仍是廢拉、垃圾，拳館嘅輝煌，跟我又有乜嘢關係？

我知道拳腳永遠唔會係雅桑克萊、播求⋯，投資永遠唔會係巴菲特、查理芒格⋯，咁又如何呢？我只不過一屆「低奴」，能夠攪掂自己已經很好，我嘅功夫係廢拉、垃圾，也只可能跟廢拉、垃圾打。拳王，我連親眼目睹他們真身，都不會有呢啲機會，因為我唔捨得撘飛機加門票嘅費用，睇YouTube 便算。

至於投資，夠食飯、夠生活便算，當戶口跌到兩球嘅時候，已肯定失去買樓能力，咪繼續租樓，只要生活到咪得囉！現在回返三球，因為「虛幣」上返啲，「拆掠」MSTR冇咁低殘，希望回血，「突屍拉」TSLA再發力點，去返五球，才有機會買樓，塞住「歪芺」把口。

現時賣期權交易，一個月賺十皮、八皮，一年有一球，但炒燶OKLO蝕三十幾、四十皮，加上生活費三十幾皮、預備交稅廿幾皮，實際都冇乜增長。

做人，最基本都係搵兩餐晏仔，「只要有衣食，就當知足」，無論功夫又好、投資又好，都係半途出家，要做到高手就很難，能夠生存已算不錯。

以前有人提出4%法則，說只要本金能賺4%去生活，就能永續⋯云云。意思你有一年開支嘅25倍，就可財務自由。我告訴你這是永遠不可能，「鵝污戰爭」一年通脹都十幾個%，「尾衣戰爭」通脹又唔知加幾多，以前一個月兩皮夠生活，本金要600萬講元，現在要三皮，本金要900萬，如果再通脹，要四皮，本金要1200萬⋯通脹偷走財富，你永遠都無辦法退休。

（知道自己兒子敗家，420億遺產，每月只可領200萬，攞到死都仲有，本金夠大，真係可以永續。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

愛丁堡詠春：仲有需要學功夫嗎？

 當我嘅投資戶口跌到差不多兩球嘅時候，我嘅投資目標係一年一球，即係50厘，你可知風險有多大？槓桿拉到盡，Call孖展嘅警告一日數次，以小搏大係好浪漫，但從來都不真實。

大衛打敗巨人哥利亞，係靠遠程武器：甩石機弦，唔係埋身搏鬥。咁詠春又靠甚麼？佢仲要埋身，有的功夫更著力用㬹，甚麼「硬爬山」之類，面對高大嘅「鬼佬」，死路一條。

要功夫有競爭力，至少每一個動作、馬步都要比別人好，體能及肌力又唔算太差，身型、體重不是差很遠，咁先有得打。職業拳賽，大家都揸到盡，沒有多餘脂肪，要在同一級重量才有得打，重一磅都唔值得打，「拍灰噢」能夠誇幾個級別都贏，係好犀利！

演算法會自動派片給我⋯

這個叫「涼亭」，詠春派無人不識，系外嘅人覺得佢好威，系內嘅人卻唔覺甚麼，你就明甚麼意思，上一代師傅學術水平較低，有功夫都未必識得教，言不及義，反之，有學識者，識少少就吹到盡，吹到天花龍鳳，甚麼「九節骨發力」？「十一節骨發力」？吹嘅咋嘛，全部都係呃人嘅伎倆！

我年輕時，真想驗証功夫嘅真偽，想蒙面伏擊呢啲所謂嘅「師傅」，如果我呢啲自持勇力都可打贏，一定係假師傅。如果大我廿年都頂得住，倒算不錯。如果可以反勝，甚至技服我，真係大師傅，我俾你十年學費又何妨。可惜這件事，冒險性太高，有刑事責任，始終沒有實行，再者，「用人莫疑、疑人莫用」，嗰啲「師傅」又食煙、又奀挑鬼命，功架又不特別好，唔通真係有氣有力打咩！都係呃飯食！無謂嘥時間！功夫大師就冇，神棍就大把！

我年輕時，睇「涼亭」嘅VHS錄影帶，三十多年前，每盒都要四舊水，夠掠水，全套小念頭都打到出來，跟住買了個大沙包放在宿舍，當時我打出嘅旋踢，同學都叫絕，只不過沙包是放在椅，貼住牆身，並不是用拉爆螺絲吊在天花板，我只能使出右旋踢，被笑「單蹄馬」，當年我想練特別啲嘅野，練「膊打」，即係又名「擔膊」，都練到紅晒⋯

我想講，只要有心學，對住沙包拳打腳踢，功力差極也有限，今日資訊發達，你睇片都可學晒：小念頭、尋橋、標指、八斬刀、六點半棍、木人樁法。跟住拍埋片問AI，有甚麼改善，也一一道出，遲些有Tesla人形機械人，量產後一部車嘅價錢，叫佢日日跟你黐手也可以，AI已是人類智慧嘅總和，甚麼招式得？甚麼係廢招？解釋得清清楚楚。

問題係AI加上機械人，比人類做得更好，你仲需要跟師傅嗎？你仲需要學功夫嗎？那時你去栽種，只為興趣，練功夫，不過為健康吧！打得咁差，無謂喺機械人面前獻醜吧！

IB投資系列：投資係為生活

 人的智慧有限，有時真係要聽大師嘅意見，唔係我呢啲「蠶蟲師爺」嘅廢話。

已故「爸運」副主席「查你芒隔」真係智者。

（守住本金，靠利息生活。）

（賺錢的目的，從來不是消費。）

（當本金夠大，生活會突然變簡單。）

（很多人賺錢，其實是為了虛榮。）

（守住本金才是財富分水嶺。）

賺錢是為了累積財富，不要亂花錢，直至本金夠大，單靠利息就夠生活，生命就真真正正獲得自由。

許多人如項羽一樣，「富貴不還鄉，如錦衣夜行」，發咗達唔Show下自己有幾富貴，有甚麼意思？這正是窮人暴富嘅致命弱點，富貴並不是為了別人，如果當日項羽定都關中，而非彭城，要敗家都很難。

另外落注、止蝕也極其講究。

當贏率0.51、輸率0.49，賠率1，得出0.02，即2%，100萬本金，蝕2萬就應平倉收手。你發現就算贏嘅機率係較大，但輸少少就要收手，因為賠率唔高。

買期權，最多輸盡都是期權金，輸係有限，但賺卻無限，反之，賣期權，賺盡都是期權金，但輸可以無限。因此，儘管賣期權贏率有九成，錢在撳制立刻收，但賠率少，輸少少就應平倉，再者，我以前以為可以守到最後到期日，但美式期權買方有超必殺技，可提前行權，基本上冇仇報，某核電期權OKLO，俾了我致命教訓，要嚴守止蝕，因人哋提前行權，你係冇仇報。

在大不列顛，稅務問題攪唔掂，冇得玩！某電車TSLA，你賺少少，人哋計你幾年前買賣最初二百幾元成本，咁仲唔死！你買賣賺少少，可計你巨利，因計埋滙率，雖則係兩刃刀，佢一樣賺錢當蝕錢，問題係你炒股要考慮埋買賣滙率，冇得玩，往往埋大數先知，攪唔掂，要立刻做蝕錢數，稅又高，又呢又路，點會有錢賺，我都差唔多敗走，現在主力賣期權，贏率高，唔使理買賣滙率，希望有一套野令自己可以在這裡生活。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（417）落後就可以！

 我哋呢班背棄自己City、Country嘅人，係走狗、懦夫！不過諗清楚，我哋係俾自己嘅City、Country背棄，甚麼係50年不變，就是2047年前都不應變，即使變得更好，也是違反承諾。

我係揸Toyota，我唔使諗，唔怕食油，唔怕維修，你迫我一定要日日揸rolls-Royce，要我忌住忌住咁揸，又怕揩花，又怕食油，又怕維修，窄路又出唔到⋯你出雞，我出豉油，我都要死呀！

我淨係食普通雞蛋，唔要變好，唔要進步，你迫我一定要食預製蛋、人工蛋，說甚麼高科技、快出餐、低成本⋯，我唔要啊！

居民淨係要「雲腹宛」，要作惡嘅人得到處罰，要疏忽嘅人下台，公義得到昭彰，「今上」永續、「突手」連任，又有甚麼問題。唔係要住新居屋，要俾六皮印花稅。

睇下呢班人講緊乜嘢？

（「燉小萍」承諾「鄉講」係行資本主義制度，咁你哋呢班妖孽推廣呢種制度意欲如何？）

（「遵賠辛」唔該快快上繳財產救國。）

（死咗咁多人，所有署長都應道歉下台，「王迫驕」仲可以逍遙法外，你要全面性管治無問題，呢啲大是大非嘅嘢唔可以當冇事，人命關天。）

（我們好懷念「懂伯伯」，原來佢係最好，「涼敢叢」偷步買車都下台，我怪錯了他，雖然佢唔識政治，但商人治「講」，沒有破壞「鄉講」營商環境，反而係最好。）

「嬰國」係落後，我自己煎隻蛋都花很多功夫，用走地雞蛋，加啲有機全脂奶，加蔥、加胡椒粉、加鹽，然後用牛油起𤐰煎，全部原始野，沒有高科技，我唔使咁先進，嗰啲「辛時代突色卸會煮意」，留返俾「遵賠辛」、「裝瓦停」夫婦獨享即可，做人要誠實，既然你哋喜歡嗰套，當然要身先士卒享用！

（呢啲好野，要你哋自食其果。）

（以前咁好咁靚，我都唔知點解要變，變得不男不女、不倫不類。）

IB投資系列：減債

 欠人球半，不得不得變賣資產⋯

我在「嬰國」晨咁早四、五點起床，順便睇埋東瀛股巿，真係傻人傻事，五大商社，不問價全沽，人窮，無計！由於係借日圓買日股，實際唔係套現好多。

現在仲欠人一球多少少「講元」價值嘅「尾元」，還需努力！

賣了27張期權，期權金2519尾元，約19648講元，我唔用個「賺」字，因為主力減債。投資用孖展槓桿係好平常嘅事，但而家咁嘅時勢，要小心！

某核電期權炒燶了是既成事實，140元買40元嘅貨，蝕死！扣回期權金八十幾元才平手，要佢短期升一倍，基本上是不可能，屬沉沒成本，無謂再糾纏，賣出10張41.5 Call option，賣走晒便算。

IB盈透證券唔係善堂，一年孖展利息要8408尾元，約66000講元，減債，減少利息開支，方為正路。

（協和機曾經是「嬰」、「發」兩國嘅驕傲。我參觀飛機博物館，見過及進入協和機，也感到萬分可惜！但要理性知道這是沉沒成本，當年科技有限，未解決音爆問題，加上意外，不得不退出舞台。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。