啲人成日話想發達，如果明日崩盤，你有冇錢炒底呢？至少「一球」，最好「幾球」，機會只會留俾準備好嘅人，閱讀聖經，十個童女嘅故事，五個準備好油，五個冇準備，當新郎嚟到，準備好嘅童女得以進入筵席。
如果你有定投「彪浦五百」指數基金，就照樣去做，唔好受人左右，因為冇人知未來，高的未算高，低的未算低，就算知名嘅日本股神「青源撻狼」，佢都話經常估錯，何況我哋呢啲「低奴」？因此用平均投資法就可以了。
如果沒有定投，就要保留實力，可以將資金放在証劵戶口收息，或是買債基，或是買短期尾債，等到崩盤，尾帝印銀紙及減息去救巿，就要重搥出擊，正所謂：「物極必反」，當事情衰到貼地，不能再衰嘅時候，就一定反彈，只會變好。
有人問：咁「鄉講」會好未？佢未衰到貼地，山腰都會跌死人，「驚冬」等天朝電商左右追擊，零售業定必玩完，鋪價仍會下跌，樓價仍會下跌…
我都知呢個世界係虛假…
啲車得唔得，看看報告便知道…
現時只有散戶進攻，大戶卻靜觀其變，或將資金轉移至「勾洲」、「東瀛」，咁對「尾股」幫助有限，莫非真的要崩盤，個價平到爛，才能吸引到大戶進場？確實嗰個價係冇得輸，「尾帝」定必印錢、減息，到時一定再一次資產大轉移，人生只要掌握一次，就足以翻盤了！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
你睇任何給網頁、YouTube都唔會令你發達，最多係俾你多個角度去睇一件事，幫助你作出較好嘅分析及判斷，因為你一日沒有成長，一日也沒法駕馭金錢及財富。
已故高奴「茶你杧隔」也沒有老點，只係做簡單合乎邏輯嘅事就成功，簡單講即係common sense普通常識。例如，「鄉講人」係全球最長壽嘅人，「強迫金」MPF可唔可以讓人安心退休？用普通常識都知不可能，因為「強迫金」回報低、收費高，就算加上自願性供款都冇用。你知、我知、嗰個單眼佬都知！
好似學詠春咁，許多人以為要用甚麼複雜嘅招數，其實最簡單就最好，啲師傅越教越複雜，只不過呃學費，實際應用到嘅機會少於1%。好像option期權，有啲人嚮往好多唔同嘅招數，期實只要方向正確又唔好太貪心，揸到尾已經穩賺。好似我每星期賣一張看漲或看跌期權，風險只要不要太大，每次都穩賺「期權金」而無需強制賣貨或強制買貨，每張千多港元，一個月額外穩賺五千港元。如果貪心，每次賣十張，一個月賺五皮，甚至更多，但終日心驚驚，又要諗定止損招數，咁又何必呢！
「尾帝」嘅財政黑洞，唔係小數目，單靠加關稅及提升政府效率，根本係杯水車薪，要真正救「尾帝」，短期係要氹人買「尾債」，頂住筆數先，長遠要印銀紙及減息，這些招數要使出，都必需整冧個巿。
「突郎浦」宣布加徵入口汽車關稅25%，個巿又冧，仲要周圍點火頭，世界越唔安全，資金就會留在「尾帝」，股票唔掂，局你買「尾債」。
究竟「尾帝」能否力挽狂瀾？冇人知道，但競爭有所謂比較優勢，好似我所住嘅「嬰國」很好嗎？統治很好嗎？顯然不是，但只要原來嘅地方比「嬰國」更差，仍然有人怨住都會長住「嬰國」。同樣，「尾帝」係爛，但只要其他國家更爛，「尾帝」也不會冧檔，殺敵一萬，自損七千，仍然有好處，因為只要其他國家更爛，資金也無選擇仍然留在「尾帝」，錢留喺度，都唔會想佢冧，只會繼續投資，咁「尾帝」就唔會死，永垂不朽！
如果你說「備忘錄」沒有效力，咁「忠嬰攣盒星名」放埋喺「攣盒國」嗰度，何時淪為歷史文件？
「尾帝」永垂不朽跟你投資是否富貴，完全沒有關係，佢整冧個市，已令到許多人雞毛鴨血！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
甚麼是財富自由？
「突郎浦」要救尾國，不惜全球攬炒…
到了今日，沒有人因為唔識而無法投資，你上網，甚麼知識都可以學到，或者問AI，已經甚麼都可知，甚麼都可學，而且完全免費，唔好再咁低B俾人呃，再俾錢上甚麼投資課程，或者課金攞甚麼貼士之類。
我在愛丁堡租用單位有部洗碗碟機，冇牌子冇型號，唔知點用，我影相問AI…
點開證券戶口？問AI，點選股？問AI，甚麼價錢較合適？問AI，未來去向？問AI…唯一問題係資訊都係控制在幕後玩家之手，AI整合嘅內容都是取自網上資訊，幕後玩家仍可以控制一切，你自己必須有獨立思考能力，作出判斷及決擇。
如果你有學習嘅心，願意成長，一部手機就可以，冇人阻到你發達，只是你沉迷在社交媒體及打機，浪費時間，咁冇人幫到你，耶穌都無能為力！
還有不多時間，YouTube、網誌等等都係垃圾、廢噏，今日AI已可用黃家駒唱陳奕迅嘅歌，你要「老蕭」講時事，「趙博」講歷史，仲需要等佢出片，或者要入會課金嗎？根本唔需要，今日有的片已經唔係真人，或者有真有假，如果唔係就唔會有人以為「馬屍黑」為了酬謝支持佢嘅人，只要將「虛幣」send給他，他就會雙倍回贈，雖然咁低B嘅野，竟然也有人信，只能說「利令智昏」。
今日竟然仲有人想唔工作，拍YouTube 賺錢，做網絡乞丐，唔該清醒D喇！最top嘅YouTuber 都好快收皮了，我今日要聽「姜B」講，明日要「Anson Lo」講，老餅嘅，今日聽「潭泳輪」，明日聽「章各榮」，任君選擇！
最高端嘅高奴，係唔需要AI，全部「圍威喂」，佢哋係靠AI控制人類，只有我哋低奴，可靠AI整理一下資訊及數據，或可成為投資嘅參考吧了！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
有人將致富同成長扯上關係，只要人係不住成長，終歸達至里程碑，之後你所得遠超成本，要窮也是很難的。
的確，有些人幾十歲人，從來都沒有成長，欠落周身街數，對自己欲望嘅控制，自制能力完全都冇，儲蓄都冇嘅人，何談財務自由？
我嘅投資之路，全部係自學。由剛出來工作去中銀做零存整付（9.5厘），跟住去渣打做訂期（9.125厘），跟住去Citi買基金，跟住去一通買港股，最後去IB買全球股票…冇人會促住你隻手去投資，只有你自己去學，交得學費多（輸錢多），你自然會反省，會成長。今日我未財務自由，但已經可靠投資來生活，回首過去也是十分痛苦，去過地盤，見過生死，知道死字點寫，投資自然也會小心翼翼，面對風浪，也能從容不迫。
人生追求甚麼呢？
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
經過五日大戰，到了星期六，小朋友唔使返學，大人唔使炒股，一切都變得平靜。
賣了看跌期權，賺了千多元期權金，當然去愛丁堡帝豪飲茶，高奴請客，低奴唔去，視為不敬！
我也要調整每月使費，都要2500鎊（25000港元）至3000鎊（30000港元），靠每月收取利息、債劵利息、公司派息、基金派息、REITs 派息，也是不夠的，因為錢少，每星期賣一張看漲或看跌期權，每次都收千幾港元，一個月也賺幾千元，但這些操作都要量力而為，有100股才敢收看漲期權嘅期權金，有買得起100股或充足孖展備用，才敢收看跌期權嘅期權金。我主力仍是靠買賣賺取收入。
如果要靠極大力去賺取收入，咁就唔係被動收入，亦稱不上財務自由，起身第一部就係睇股價，睡前也是這樣，只不過中間嘅時間自由，可駕車接送兒子返學、超巿購物、讀聖經、學英文、功夫操練等等。
大不列顛唔好之處，係要計稅、交稅，好嘅係時區上可睇晒整個美股，包括盤前盤後，以前炒美股要捱眼瞓，根本唔夠精神，有錢都執唔到。
現在都唔夠錢買樓，因為要保留資金去投資賺錢，唔可以All in喺層樓度，睇過「富爸爸窮爸爸」都明，自住樓係負債，出租樓才是資產，可以產生被動收入。要等待某電車股價回勇，才有機會。
昨日有重鎊消息，當然要知甚麼事。 某電車出成績表，電車銷售減21.5%，儲能增67%，都補唔到條大數。「馬屍黑」五月減少政府效率部工作，多放在「突屍拉」，對解決品牌損害尤其重要。上半年生產低成本電車，六月出Austin嘅Robotaxi，但Optimus機械人卻因「天朝」出口管...
