IB投資系列：見財化水

 特朗普當選機率極大，Trump media、Tesla、Bitcoin 全線上升，許多人發達，我一概冇買，睇住佢升，真冇癮！

冇人知道邊個會選出，即使上次以為特朗普會當選，最後也會輸，好像賭大細，投資就不是投資，變了賭博。

盤前已經升到巴巴聲，做投資一定要有定力，否則會招致損失。甚麼Tesla、Oxy…一早走晒，啱價就買，啱價就賣，唔好受氣氛影響。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（197）杜sir說出我的心聲

 杜sir接受BBC訪問…

（移英港人留意，如果未有交TV拉臣，從任何媒體觀看BBC均屬違法，未入藉千萬不要有污點，駕車都不可超速，敬希留意！）

我哋冇了靈魂，只係行屍走肉咁生存。

這亦是許多人離開嘅主因。許多人不是政治犯，不會被追捕，仍然可以賺錢生活，不問究竟，庸庸碌碌過一生。點解要移英去到寒苦之地呢？牧師去送貨、博士去整餅、教師去執房…咪玩喇！貪得意咩！人反正都沒有靈魂，好像活死人一樣，點解唔出去唞吓氣，試下另一種嘅生活。

教會小組有對夫婦，又冇仔女，佢自己都覺得唔需要走，但當跟啲老闆經過流血嘅現場，那些人被稱為曱甴，又話police好野，打得好，阻住做生意，聽到啲老闆咁講，就覺得好冷，好唔舒服，良知告訴他唔可以繼續下去，又冇樓，又冇乜資產，也決心離開。

英國生活係困難，但至少可以挺起胸堂，有靈魂咁做人。

（有些留港人士，去了追星，明明現在都冇真正識唱歌嘅明星，只不過心理轉移，讓自己忘記過去。）

（杜sir嘅電影，多是諷刺政治，其中「黑社會」係其代表作，黑社會嘅英文片名叫Election，明諷刺當時選舉。）

（有些人要走，也有些人要來，因為這裡低稅，有著數，主要視乎人嘅價值觀來決定。）

IB投資系列：查錯經、投錯資

 一直以來，閱讀聖經，對末世嘅理解，十國都是指歐盟，敵基督也是由歐洲而出…云云。

（聖經但以理書預言世界末日，唯有半泥半鐵腳未知係甚麼，由於腳指有十，這勢力自然由十國組成，半泥半鐵，係指他們有強有弱。）

跟住我哋引伸嘅理解，十王將權柄交俾敵基督，敵基督有支配世界嘅力量，咁即係歐洲有支配世界嘅力量，經濟實力一定領導世界，超越美帝，咁重唔投資歐洲咁苯。

我多年前聽蘇穎智牧師講道，也認同十國聯盟係歐盟，敵基督由歐洲而出，更深信歐洲未來有支配世界嘅能力，取代美帝。亦令我投資All in 歐洲。

不過，咁多年唔覺歐洲係好投資，金豬四國，更令歐洲雞毛鴨血。我只怪時晨未到，從來冇考慮查錯經、投錯資。不過隨著時間，我開始懷疑這推論。

十國由羅馬帝國而出（參考但以理書），要知道羅馬帝國橫跨歐、亞、非，會唔會攪錯了並非歐洲？敵基督由海中而出，圍住地中海，也是歐、亞、非，會唔會攪錯了並非歐洲？中東得唔得呢？再講歐盟何止十國，以往嘅解釋是指係象徵數字，或遲些合併，好像東、西德，不過好明顯但以理書，全部都係實數，不是象徵數字，鐵腿係指羅馬帝國，有兩條腿就指出分成東西羅馬帝國，所以十國就一定十個。以色列周圍嘅死敵，剛好有十個，會不會有這可能？

中東有沒有支配世界嘅力量？

石油、天然氣，邊一個地方產量最多？如果你控制石油，你就控制所有國家，咁邊個可支配全世界？答案十分清楚。

當然，你仍然可以投資全世界任何地方，只要有投資機遇的話，始終世界末日幾時來到，沒有人知道，只要兩派穆斯林合一，不再內鬥，則時間就差唔多了…

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。