IB投資系列：散戶輸錢原因

 點解散戶成日輸錢？有四個原因：資訊差、資金差、策略差、知識差。

資訊差異，當我哋呢啲低奴都知嘅事，等於冚世界都知道，要渣貨，啲價就扯高晒，要沽貨，啲價跌到慘不忍睹，點樣賺錢呢？

資金差異，大戶嘅資金充裕，可以分階段入貨，取得平均價，唔會有貨入唔到，要沽貨獲利，又可分階段沽貨，唔會有錢賺唔到。

策略差異，大戶可以分散全球不同範疇去投資，平衡風險，亦善用各式工具作為投資策略，如期權、認沽証等，能夠因應不同情況作出部署。

知識差異，大戶都是專業人士組成，有嚴密分工，要死都好難。散戶講句唔好聽係盲毛，如果唔識投資就做銀行定期便算，今時今日，間唔中又會有倫敦金騙案、大陸樓騙案、祈福性交轉運騙案、虛擬貨幣騙案等等，以為你識買虛擬貨幣都算係智奴，竟然為高息將虛擬貨幣放在人哋嗰度，人哋仲唔失蹤咩！唔好話賺錢，保住自己僅有嘅財產都難！

還記得自己初投資，買得一注，幾時揸？幾時沽？往往很難判斷，高的未算高，低的未算低，「追高殺低」經常出現，意思係買貴貨、賣平貨，經常咁樣操作，點賺錢呢？一旦入了蟹貨，往往hold住多時，浪費時間，還是棄車保帥，盡快攞番錢投資另一隻，往往很難判斷。

另外，投資還會有錯覺及盲點，當贏錢時，我們會認為自己眼光準，當輸錢時，我們會認為運氣差、隻股票唔生性、個老闆唔識做生意，正仆街！想真一點，點解贏錢就是因為自己好，眼光好、分析準、判斷佳？輸錢就是運氣差、環境惡、老闆衰…？投資所有決定都係自己，勝敗都要歸咎自己，反省自己，如果輸錢只識埋怨別人，永遠唔會進步。

（甚麼係贏？甚麼係輸？跟自己年輕一倍嘅拳手打，結果早就知道，但究竟係咪真係輸？泰臣嘅出場費有2000萬，無論輸贏都有，能夠最後站在擂台，已經贏了。投資怎樣才算贏？係保住你嘅財富及購買力，意思係至少贏通脹才算贏。）

（某些商鋪基金收費極高，收取毛租金的25%作為基金管理費及舖位買賣後淨利潤的25%作為表現費。即使巿況好，食水都好深，何況現在美元強勁，港元在聯繫匯率下也強，港人紛紛北上消費，投資商鋪，只係倒錢落海，加上這些吸血基金，只有死路一條。你買QQQ投資美帝科技股，都係收0.2%，賺到笑。咁低智信「你巾馨」，咁都冇辦法。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：美帝冇死錯人

 「突郎浦」由高奴升做奴隸主，職責是管理奴隸，不過佢利害之處，是未坐正已做到野，Twitter攪攪震唔聽話，叫高奴「馬屍黑」收購佢，炒埋個CEO，「面輸」嘅「豬黑白隔」都係攪事之徒，都冇運行。

「突郎浦」在高奴之中，賺錢不算利害，跟美股七雄嘅老闆，尾燈都見唔到，但手段之高，數一數二。商人最利害之處是計算，你要北美兩個馬仔聽你話，必先下個馬威，加25% on ALL products，即係包括埋石油，你可知美國入幾多加拿大石油，墨西哥出許多汽車，但不少也是美國車廠，真係為咗Fentanyl及Illegal Aliens麼？

之後係咪真係落實，冇人知，美滙、美債上升卻是事實，有人繼續借錢俾美帝使，咁仲想點。至於點解只加天朝10%關稅，可能仲有後著，等迫你買多啲「菠陰」嘅飛機，然後再加稅，如果一開始加60-100%，咁點屈你買飛機？商家佬冇死錯人。

(「突郎浦」在高奴之中，雖然唔係賺最多嘅錢，地產也不像舊香港咁，可賺取非比尋常嘅利潤，但也算是非凡人物，商人管治唔係咁簡單，「懂見嘩」攪到50萬人上街遊行，要管理一個超級大國，更不容易。）

（馬屍黑已成為突郎浦第一Buddy，電車俾唔到著數佢，但可以叫NASA俾多啲生意SpaceX。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（202）：自由係用錢買來的

 英國可以反對統治者…

（當聯署超過10萬，英國國會必須回應，現時差不多達300萬人聯署。）

不過這個自由，係有代價，今年要俾10皮。

「歪芺」已幫我計好今年要交幾多稅？連下年預繳，要4782.92鎊，即一年要2391.46鎊（兩萬幾港紙），如果計埋工作半年要交兩萬，巿政稅三萬幾，仲有消費稅20%，以每月用一萬港紙計，就要俾兩千，一年兩萬四，籠統去計，約十萬。一年十皮，咁每月平均交稅8333港元。

原來自由，並不是免費，這個「保護費」，一點也不便宜。

IB投資系列：香港玩完！

 「突郎浦」在社交平台出個發文，話向加拿大、麥西哥加徵25%關稅、天朝10%關稅，這些國家滙率即跌，美債即升，兵不血刃，人心一亂，資金就會湧向美帝，美債就有人買，美帝就有錢使。

不過你要記住，「突郎浦」係未即位，只是齋吹，發表偉論，到實際會唔會運作？點樣運作？幾時運作？仍是未知知數，即係「出口術」，一日未簽署法案落實，一日都唔可以當真。好像某些公司話成功研發到固態電池，怎樣將充電時間減少，續航距離加長…你做到真正量產才講。

齋吹都有作用？係，視乎高奴嘅影響力及智慧，好像今次，表面係履行競選承諾，幫助美國再工業化，實際大家都知，美國除了在高科技領域，工業係毫無優勢，高奴冇可能唔知，「明修棧道、暗渡陳倉」，實際要讓世界局勢不穩，資金湧向美帝，美債有人買，肯借錢俾美帝用，美帝才可繼續運作，這才是真正嘅目的。

齋吹會加關稅嘅國家，滙率即跌，持有這些貨幣會貶值，當然要盡快兌換成美元，最安全嘅泊車處，當然買美債，因此美債上升。許多人兌美元，美元上升，與美元掛勾嘅港元也上升，與天朝幣差不多一兌一，不脫勾，香港玩完，脫勾，香港也玩完。

（專家講到明要放手，否則好快玩完。）

（港元強勁，令更多人北上消費，本港結業潮不住。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：低奴崩盤策略

 「遭拜凳」時日無多，要將政權交俾「突郎浦」，個巿好快頂唔住，為了將經濟崩潰責任賴俾「貢禾黨」，一定頂到交接一刻。換而之，「突郎浦」一當位，危機就會展開。

升息嘅時候，美債跌，可以理解，降息嘅時候，美債仍然跌，咁即係點？需求定律，冇需求咪跌囉，無人借錢給美帝使，咁佢發窮惡點算？事實上，未上任嘅「突郎浦」早早已發窮惡，要全球徵稅，其中天朝更要60-100%關稅，不過即使這樣，美帝仍然資不抵債，如果不發新債冚舊債，係無法維持運作。

只要股巿仍然興旺，人哋仍然賺到錢，搵鬼買美債咩！現時適逢經濟危機，借勢刺破股巿，讓投資者重投美債懷抱，美債有人買，美帝才能運作。

未來美帝吸星大法一旦使出，崩盤立現，分分鐘股債雙殺，大部分人做炮灰，複製08年危機，巴菲特大把現金，借機抄底，財富又翻一翻。

作為低奴，只有打遊擊戰，好像拳擊，只打快速刺拳，跟住快速收回成防守狀態，不住遊走外圍觀望，有機會才出一手，又或者打牌，快速食胡就可以，走得快好世界，唔好諗住做大牌，只要贏就得了！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（201）善惡是我們嘅選擇

 當知道義人受苦受難，我哋十萬八千里外嘅人袖手旁觀，的確納悶，不過即使身處這地，又可以做甚麼？

電影「變型金剛ONE」講嘅唔係機械人嘅故事，而是活生生人類嘅故事…

當權者不過將佢哋視為奴隸，要他們掘礦，將資源進貢外星人，以保自己權位，沒收了他們嘅變型零件，令佢哋無法反抗。當麥加登知道他尊敬嘅領袖係偽君子，邪惡之心由此而起，誓要殺死這個偽君子，柯柏文極力阻止，因為以暴易暴，最終你自己都變成佢一樣。麥加登嘅嬲怒去到極點，觸發變型至極致，右手化成佢嘅招牌大砲，將欺騙佢嘅領袖殺死…

人類世界也是一樣，「今上」尊敬嘅「無摘冬」，待佢做到這個高位，一定知道事實嘅一切，唔使等「鬚攣」機密檔案解密才知真相，「無摘冬」為討好「鬚攣」，主動建議引美軍主力進入天朝，然後用核彈殲滅，天朝不過死幾億人便可換來「鬚攣」稱霸天下…咁樣賣國嘅人，今上竟然視佢為崇拜嘅對象，對佢嘅衝擊及傷害，難以估計…

（當人民仍在水深火熱，食都冇得食，獨裁者仍然風流處處，日日都唔知同邊個女人瞓？）

（麥加登嬲怒到極點，不理好友柯柏文，任由佢跌落深淵，之後殺死偽君子領袖，將其分屍。）

當人面對衝擊，有人會變成麥加登，有人會變成柯柏文，全在乎我們嘅選擇。

IB投資系列：裝聾扮啞？

 誠哥隔空回話「下浦聾」…

Hong Kong經濟挑戰，不是簡單投入就一定成功。暗示迫港商投資都冇用，要從根本結構性改變，還原Hong Kong嘅獨特性，才是良方。

高奴講到咁明，我哋啲低奴都明晒，「下浦聾」、「今上」這些奴隸主掩耳盜鈴、詐聽唔到，咁都冇辦法。我研究誠哥旗艦「祥和」嘅投資，「忠」、「講」嘅投資已佔很少比例，「走了和尚，走不了廟」，中環中心你估佢唔想賣晒麼？有人食得起咩！File湯、小巴大王…只能食一部分。「祥和」主力投資歐洲，特別係英國，我就蝕到仆街，全靠美股一力承擔，高奴睇嘅野比我哋低奴長遠，唔值錢、被忽視才值得買，咁樣先可以賺到盡，俾啲耐性吧！說不定未來美帝沒落，幕後玩家借屍還魂，以歐洲為載體，繼續統領世界，咁歐洲就值錢了。唔知等唔等到嗰日，說不定解錯經，敵基督來自中東，壓錯注就蝕大錢了！

(File湯走數，做生意最緊要誠信，否則永遠冇人信你。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：小心渣都冇！

 如果你一覺醒來，股票崩盤，你嘅生活有冇轉變？我一定如常飲食，駕車接送返學放學，星期六如常去飲茶或自助餐，星期日如常返教會。

如果崩盤令你賣車、賣樓、賣名錶，食開大餐廳，變了大家樂，食開大家樂，變了自己煮公仔面，甚至要申請破產，咁即係代表乜嘢？你係沒有準備好。

「遭拜凳」容許「污黑難」運用ATACMS長程導彈攻擊「餓蘿屍」，觸發「譜驚」簽署法令，核威脅戰略，若擁核國支持「污黑難」，佢可以動用核武反擊。咁即係代表甚麼？「突郎浦」上位要24小時內停戰，咁「遭拜凳」背後嘅深層政府知道冇得發戰爭財，唯有趁剩餘任期挑起爭端，「譜驚」越發癲就越好…

你哋班友仔發財，借勢觸發崩盤，盡收天下財富，要贏大錢，首要令所有人輸到仆街，世界上所有財富及資源假設有100個單位，世界上所有人持有80個單位，如果這班人輸到只有10個單位，咁幕後玩家就持有90個單位，擁有資源越多，咁你哋班奴隸想唔聽話都唔得了。

投資最重要是，無論世界發生乜嘢事，都不會影響自己嘅生活，資產分得越散係越好，但我哋不過是低奴，分得太散冇肉食，唯有集中在股票、債券、基金等幾方面，嚴控風險，寧願飲少次茶，不讓自己陷入死無葬身之地。

以上所示，並非投資建議，純屬個人分享。我都係買買買、賣賣賣，盡量唔留貨過夜，「餓蘿屍」發射核彈，引發巿場恐慌，分分鐘渣都冇，自己好自為之！

（比特幣就離破10萬美元，風險極大，我寧願飲少次茶，食少次自助餐，費事心臟病，早日主懷安息！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：自爆將到！

 美帝吸星大法最後一招係自爆，盡收天下財富。在全球一體化下，當然一鑊熟。

美帝將會全球徵稅，首當其衝是天朝，稅率由60%至100%，天朝幣滙率會跌至1美元兌8至10天朝幣，資產大幅貶值。根據過往經驗，任何政權威脅到美帝，都不會有好下場，蘇聯解體、日本失落三十年，天朝要解體？還是失落三十年呢？今上仲講求同存異、彼此成就。意思係平起平座，好像秦齊兩國互尊帝號，美帝唔會跟你玩這一套，肆拾柒人案嚴懲不貸，毫不示弱，特朗普自然也不會手軟。

（到了今天，各人受了咁多苦，即使認罪，都唔會有人怪你，如果有年老嘅父母或親人，分分鐘都見唔到佢哋最後一面，最離譜係嗰啲為減刑轉做污點証人，當日是大家同心做這件在當年係合法，甚至在民主國家都視為合法嘅事，砌生豬肉要「帶搖停」一力承擔，十年之後個嗰世界會點？帶弟兄你不知道，但耶穌知道。）

加徵關稅啲結果，一定導致入口性通脹，聯儲局一定會停止減息，甚至要加息，唔好以為特朗普未上任，問題暫時唔會出現，如果你做生意，明知不久加關稅60-100%，你現在賣俾美帝嘅貨一定會加價，所以入口性通脹唔會等到加關稅才出現，就好像我持有嗰啲公司債，本來賺錢，現在全部蝕錢，根本唔使等聯儲局做野，巿場已經有反應。

高奴已經走貨，現在唔係玩嘅時候，你寧可賺少啲，等崩盤時趁低吸納，好過貪嗰少少，最終一鑊熟。

以上展示，並非投資建議，只屬個人分享。我都係賺兩點走人，賺少少茶錢，某Pizza股我都賺少少放晒，千祈唔好搏！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（200）是去？是留？

 今早開始轉冷…

電話顯示係-1度。

車內顯示出面溫度係-2度。

玻璃結晒冰，要用除雪劑清理…

然後才能出發。

這裡不適合港人生活，快啲返去吧！如果你覺得搵錢、食物嘅價值是高過自由嘅價值的話，其實你不應該來英國，去返屬於你嘅地方。

每個人價值觀不同，每個人心裡把尺也不一樣，移民都是找一個適合自己嘅生活，好像有些朋友去到加拿大，大愛包容，有政府設置嘅吸毒屋、打針屋，大麻合法化，女可入男厠，男可入女厠，只要你認為自己係甚麼性別，就是甚麼性別，有人持刀想傷你，佢未傷你前都不可反擊，否則佢可以告番你轉頭…左膠到昏，這些地方，我都勸你早走早著。

英國脫歐，經濟係差，但反而保留傳統價值，沒有歐美腐化得咁快，煙草產品、刀…都要夠年齡才可以買，治安差嘅地方係有打鬥，但唔會用槍攞你條命，出街食係貴，但自己煮平過香港。

IB投資系列：走得快好世界！

 投資要跟高奴搵食，千萬不要自作聰明。

股神巴菲特持有現金不住創新高，咁即係點？廉頗老已，不敢投資？

賣多買少，咁即係點？廉頗老已？不敢投資？

人哋縱橫股壇幾十年，有甚麼風浪未見過，巴菲特嘅名言：「別人貪婪我恐懼，別人恐懼我貪婪」，因此當巴菲特走貨嘅時候，你哋就要醒目，減持股票，增持現金。

我想這個世界唔會有人自誇炒股票比巴菲特更勁，沒有一個基金自誇比巴郡更佳，人哋高奴都走佬，你哋低奴仲妄自尊大，想唔死都難了！

友人炒虛擬貨幣，仲係買那些排20位打後那些不知名虛擬幣，雖然特朗普效應有利虛擬幣，買比特幣、以太幣，我都算，買埋那些不知名，好像以前啲人炒仙股，升就發達，跌就破產，投資係咪咁玩呢？定係根本就係賭博？

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

車只不過男人嘅玩具

 既然車只不過男人嘅玩具，就要視乎自己嘅財力去決定買甚麼玩具。

法拉利、林寶堅尼屬高奴嘅玩具，瑪莎拉蒂之類屬中奴嘅玩具，我哋啲低奴，唯有豐田、本田、日產之類嘅日本車。

雷軍係高奴，當然要揸法拉利，不過佢比唔上馬斯克，馬斯克係最頂級高奴，都揸特斯拉，証明自己架車掂，雷軍自己都唔敢揸小米，因為壞到怕，身體係最誠實。

（馬斯克從不討別人嘅歡喜，這就是真正嘅高奴。）

雖然係日本車，也不乏好野，尤其是日產GTR，東瀛戰神，更是許多人嘅至愛。我就是cheap精，俾我發達都唔捨得買太貴，最多都係買豐田Supra，只不過慢過GTR一秒，但價錢平一半，已足夠威了！

全球各大車廠都唔掂，由於某地方經濟崩塌，對汽車需求大減，對某地方依賴成隱嘅名牌，尤其嚴重，特別係德國車廠，日本車著重實用，如果都唔掂，真係好大問題。

天朝嘅車有幾安全，人哋Not Recommended，你就知有幾差。我都係cheap精，都會貪平，但唔會將自己及家人嘅性命擺上。

移英日記（199）平衡

 已到了英國兩年，正如我早前所講，冇一個地方係完全適合自己，移民不過由一個籠轉移至另一個籠，奴隸始終都係奴隸，只不過我所見，許多是中奴變為低奴，本來係專業人士，嚟到英國做最基層工作，攞最低工資。

或者好似莊子不願當官，寧願窮而有自由，也不願富而失自由。神造人每個人都不一樣，有些人係接受到而家嘅轉變，所以你不能迫人移民，也不可要已移民嘅人回流。英國勁加稅，有些人會回流，不過特朗普當美國總統，必定勁加天朝關稅，經濟寒冬不能避免。

其實人最重要係平衡。

工作家庭平衡到，就不會離婚。

收入支出平衡到，就不會財困。

飲食運動平衡到，就不會癡肥。

閱讀歷史都知，人都只不過要平衡，某程度可放棄政治權利，換取經濟利益，對Cina人受苦了咁多年，係絕對願意咁樣Deal，但「今上」打破這平衡，攪到民窮財盡，你估Cina人會點？

漁村嘅奴隸就麻煩啲，佢哋一早有經濟條件，更要求一定政治權利及言論自由等等，對於冇安全感嘅政治領袖，無擬係一種威脅及覺得以下犯上，試問今上怎會容許這樣？對於漁村嘅人而言，寧可犧牲少少經濟得益，換取多一點權利及自由，這就是他們移民嘅理由。

奴隸就係奴隸，唔會變做主人，只不過你願意做Cina人嘅奴隸？還是大不列顛人嘅奴隸？你要多錢少自由？還是少錢多自由？純粹係你嘅選擇。籠嘅面積係冇變，那邊長咗，那邊就窄番，呢個世界冇烏托邦！

（電影「完美物質」講嘅就係平衡，只要跟足規則，你係可以擁有年輕貌美嘅自己，但人終歸厭惡年老嘅自己，最終將年老嘅自己殺死，自己也無法生存，成為怪物，自己都死埋。其實真實世界嘅人也是一樣，只為短期利益，不顧長遠利益。吸毒、吸煙、酗酒、亂食野、亂使錢、亂攪男女關係…，唔守規則，破壞平衡，最後都係死路一條。）

（今日去了帝豪飲茶，投資工作了五日，今日都要鬆一鬆，用了五十幾鎊，星期日返教會。這都是一種平衡，令生活過得開心一點。）

（政治也講求平衡，才能長治久安。有人做主角，也有人做歹角，歹角係難做嘅，但幕後玩家也賦予佢更大嘅權力。）

（某些地方不能接受另外觀點，令許多人不能接受。我話佢哋兩條友都係戲子，用人肉作為舞台，背後億億聲咁賺錢，我在英國可以咁講，在某些地方卻不可以。）

IB投資系列：跟高奴搵食

 我哋呢啲低奴，又冇財、又冇勢，要搵到食，唯有依附一些大勢力，正所謂：「良禽擇木而棲，賢臣擇主而仕」，古代亂世要依附一些有能力、魅力嘅群雄，只要佢哋成功，自己也會成功，封侯拜相、富貴榮華指日可待！

今時今日，低奴都係跟高奴搵食，除了幫佢哋打工，投資也要跟佢哋風向。

當漁村最風光嘅時候，邊個聽得明誠哥：「山雨欲來風滿樓」，即使明也不願放棄賺錢嘅機會，最後結果點，大家都知。

股神巴菲特以地緣政治風險為由，勁沽台積電，我都心驚驚，立即跟，不過台海冇事，台積電一飛沖天，都唔關我事，見財化水，因我冇貨。股神都係人，都有估錯嘅時候，都唔可以怪佢。

最近股神入股「刀紋奴」（DPZ) ，股票抽升7.8%至470美元，我在回調至430美元時買入，現在都夠買一個刀紋奴Pizza。

我由起床開眼開始就睇住個股價，接送個仔返學放學又睇，超巿購物又睇，用手機app學英文又睇，食飯又睇，洗碗又睇（如圖）…直至睡前關機。

你學詠春功夫要下苦功，投資也是一樣，古人「書不離手」，我就「機不離手」，大錢就賺唔到，但搵兩餐晏仔仲可以嘅，明日book了酒樓飲茶，英國飲茶唔平，如果唔賺點茶錢點去呢？

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（198）：每個人都係奴隸

 每個地方由有政府開始，人便成為奴隸。我哋讀以農立國嘅天朝歷史，就是清清楚楚一部奴隸史。

你以為由狩獵變為農耕，是文明嘅開始，是進步，由於農耕生產穩定，有餘暇發展文化及科技，因此造就了文明。這是課堂洗腦地教導我們。

事實上，閱讀聖經，人類始祖亞當及夏娃生了兩個兒子，大兒子該隱是種地，小兒子亞伯是牧羊，可見人類被趕出伊甸園以後，已具備耕種及畜牧嘅技能。早期人類，特別係不順服神嘅人類，已早早出現科技、文化嘅祖師，甚至後來要建巴別塔通天…

（能夠通天嘅巴別塔，你估係當時嘅人想像力太豐富？還是真係有能力做到？當時嘅人嘅科技水平去到邊度？今日無法得知。）

古代奴隸就是資產，就是財富，奴隸主為了控制奴隸，將他們圍堵在指定區域，以農耕出產為生，一則避免他們逃逸，二則方便管理及徵稅，隨著奴隸數量日增，更要這樣。戰國時期秦國人口達700萬，如果佢哋周圍走去遊牧，管不了的。你估秦始皇建長城，單單為防匈奴搶奪自己財富，同時亦防止自己財富流走（奴隸逃逸）。

今日嘅場景，其實也是一樣。「不寒」這些國家固然係，天朝嘅人及財富又可以自由流動麼？漁村嘅人及財富又可以自由流動麼？HSBC點解成日封人？「強迫金」點解永久離開都不可提取？「十二門徒」點解要偷渡離境？因為你根本只不過係奴隸，唔聽話嘅奴隸當然要受罰，今日仍然有見不到嘅長城捆綁著你。至於去到大不列顛，只不過由這一邊嘅奴隸，轉移至另一邊嘅奴隸，你要交「保護費」（稅務及各樣費用）作為條件。

英國入冬，有的移英港人要較鬆燈泡、著多啲衫唔開暖氣。我跟老田牧師講我可以捐些LED燈泡或支援，佢話要保護番佢哋嘅私隱及尊嚴，只要幫助自己身邊有需要嘅人就可以。所以低奴去到邊都生活唔好，最難適應是那些中奴，去到異地才變低奴。

工黨執政，話就話為工人、為基層，當「私己然」得到權力，自己咪不住收受利益，免費時裝、免費波飛、免費食物、免費酒店、免費服務…雖然對比「今上」、「抱驚」、「甘仔」…根本係濕濕碎，但對於所謂文明國家，真係好離譜，唔死都冇用。對巿民，咪不住加稅，每天聽到嘅信息都係加稅，加資本增值稅、遺產稅、加巴士費、加巿政稅…總言之，乜都加。

我哋係奴隸，固然我們係罪嘅奴隸，所以要信耶穌，在實際層面，我們要為奴隸主納稅服役，唔好以為在某些地方有選舉權，你就可以作主，選舉早早已經內定，選舉嘅大龍鳳只不過做場戲，今日我們認知嘅世界只不過是做俾你哋班奴隸睇，正、邪嘅背後都是同一個老闆，「抱驚」、「擇蓮司機」全部都係戲子，各國向「污黑難」輸血、送錢、送武器，咪喺你哋嘅稅收埋單，用戰爭、人命換錢，早在兩次世界大戰已經係咁樣，背後嘅金融財閥借錢俾政府打扙，發到豬頭！你哋班奴隸咪繼續交稅還債吧！

（有人做黃飛鴻，也有人要做奸人堅，真實世界也是一樣。世界最後一場戲就是「敵基督」要做救世主。傳媒見到嘅事，做戲㗎咋唔使咁認真。）

（有些人本來就係戲子。）

IB投資系列：低奴都要做智奴

 當我哋英國薪俸稅要交20%，資本增值稅要18-24%，蘋果交嘅企業利得稅係0.005%，係咪條氣好唔順？呢個世界係唔公平㗎啦！我告訴你，有啲「商家佬」稅都唔使交都大有人在。

以前漁村有許多「商家佬」賺許多錢，但一個仙嘅稅都唔使交，佢哋嘅方法係將賺到嘅錢再投資，將利潤變為成本，令企業越來越大，一間變兩間，兩間變四間，高速發展，嗰陣時漁村經濟急速上升，當然可以咁玩，而家下行嘅經濟，咁玩即係自殺。

以前現金交易為主，你賺幾多任你噏，又或者個會計幫你做數，將你溝女、食飯、消費…全部留單，或者做假單，當公司數，扣扣埋埋都唔使點交。不過一些「智奴」聘請醒目嘅會計師，點都要寫到有點盈利，交少少稅，否則好難解釋一間公司年年冇錢賺，卻繼續維持營運，你估真係為興趣或打發時間咩！就是今日我在英國某些Cina人經營嘅餐廳，有的用現金有九折，有的不設電子支付，一係現金，一係直接過數去老闆嘅戶口，你估貪得意咩！咪又係為咗逃稅。

（大企業嘅避稅方法非常高明，你知也耐佢唔何。）

「高奴」嘅企業咪好似蘋果咁，政府明知佢避稅，歐盟都對付唔到佢，因為完全合法合規。「中奴」、「低奴」企業家，高手定低手？全在乎佢用幾多錢請甚麼級數嘅會計師做嗰盤數，「智奴」都肯俾錢解決問題，左出右入，右入左出，手法沒有高奴咁高明，但很少出事。「愚奴」又孤寒，又唔肯俾錢，正所謂：「上得山多終遇虎」，最快仆街。總結：你可以合法避稅，唔可以逃稅。

「呢個世界公平咩？」係，永遠唔公平，我哋交18-24%，佢哋唔使交，或者0.005%，根本不合比例咁低，但我哋低奴都可以做智奴，英國可以每年兩萬鎊入ISA免稅戶口，這是低奴最低成本嘅選擇。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。