我們是否有花時間去做你認為重要的事？
想起來，以前我們唔讀書，去機鋪，或者玩家庭遊戲，原來已相當節制，因為受金錢限制、地域限制，或受家中只有一部電視限制，故沉迷也有個普。但今天，一人一手機，任何時間、任何地點，也可打機，但有幾多跟我們人生有關係？
十一假期，做了很多事，仲睇埋樓，租埋間爛樓，執番靚，全部自編、自導、自演。
咁短時間，當然不過是化妝，但同樣是化妝樓，月租11000至12000元，爛樓只租10000元。洗了三部冷氣隔塵網及入風位，D塵多過我的頭髮，兩部抽氣扇，D油頑固過老人家，牆身油ICI多樂氏，木地板也舊，不打臘了，清潔算了，等等。
咁樣一做，一年租金節省12000元（化妝樓11000-爛樓10000再乘12個月）。轉賣為租，將資金投資，以五球五厘保守計，一年收25萬，交一年租12萬，額外被動收入13萬，平均每月多一萬元左右。
做一切事，當然為未來部署，本來打算申請滙豐one，因每個大不列顛城巿都有分店及櫃員機，然而考慮風險分散，最後申請Citi plus，Citi成個倫敦得一間分店，可憐得很，但可免費用任何一部萬事達櫃員機，又可免費全球轉錢，咁樣仲有意思。至於甚麼尊貴戶口，只不過自我感覺良好，除非去到滙豐尚玉的級別，融資才有著數，不過IB借得夠多，孖展一樣唔洗一厘，問題做人係咪要去到咁盡吧！
(免費全球轉錢，你去到邊到都冇問題，仲需要甚麼尊貴戶口嗎？）
沒有留言:
張貼留言