駕駛學院防衛駕駛課程

(豐田hiace歐盟六，最佳客貨車，前置後驅。)

由於公司安排了參加這課程，當然樂於參加，一則這課程費用不平，自己絕對不會參有加，但公司俾錢，自然沒有問題。二則上堂用返工時間，上堂當返工，自然沒有拒絕的理由。

上課是小組形式進行，一個導師對兩人，第一部分是理論，指出意外有許多因素形成，環境、天氣、機械⋯等，其中最關鍵是司機自己。

而根據外國研究，駕駛反應時間介乎0.3幾至1.9幾秒，所以兩秒距離是有根據的，而能夠做到0.34秒的記錄，只有已故三屆F1賽車總冠軍冼拿才做到，唔好以為自己是車神。駕車最重要是安全，冇了條命，甚麼也沒意義。

（今日不知有幾多人認識一代車神冼拿？盡其量認識七屆總冠軍舒麥加，年青人只知藤原拓海，漫畫人物吧！）

跟著實習玩飄移，嚴格上叫救車練習，其實極難，幾次才有一次得，唔得已經轉了360度，換了實況，一早冇命，現實有幾多條命去試呢？所以與其說救車，倒不如告訴你，在惡劣環境減速及小心駕駛才是王道。

跟著在導師指導下用安全方式駕駛Hiace，在日間著大燈行車，巿區路面不超50公里，高速公路不超速，其實也困難，經常要打左燈入避車處或巴士站，讓貼尾的車先行，打了燈要過線，人家不讓就等下一架，再不讓再等，總會出到⋯但我想，要改變全民的駕駛態度，似乎不容易，真正做到只有日本人。

（豐田已不再出棍波Hiace，雖是自動波，但可用S檔。）

由於我覺得S檔食油，一般都不會用，但導師教訓得我很正確，「用油是用老闆，條命係你自己」，在彎路、落斜等惡劣路面，高轉數低速，可提升穩定性及抓地力，對安全有絕對提升，以前常常聽人說用棍波車，高波低速最省油，冇了條命別人會可憐麼！不要跟那些以為空波落斜會省油的人一樣無知。