超級老千「富爸爸」有預言…
昨日在社交媒體，上演一場隔空駡戰，「突郎浦」與「馬屍黑」水火不容，又話取消政府合約，又話龍飛船不再幫NASA…
咁樣大炒，巿場立刻震盪，「突屍拉」股價也大跌，風聲血淚…
兩人加埋過百歲，一個係全球最有權力嘅人，一個係全球最有錢嘅人，兩虎相鬥，自然產生大動盪。不過想一層，兩個舉足輕重嘅人物，豈會好像小朋友玩泥沙，做每一件事嘅後果，大家都心知肚明，經過精心盤算，我淨係知道一定有些人買了大量看跌期權，賺到盤滿缽滿！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
最近「忠」、「尾」交惡，大型企業「零得豉袋」也在「鄉講」集資，我沒有抽，始終要睇定啲，唔好聽人講「講股」升得多過「彪譜五百」就鬆毛鬆翼，要知道「講股」由三萬點跌落嚟，現在都未升番原位。
最近「忠攣扮」主任突然撤換，有人話係燉冬菇，因為處理「詳禾」賣港口嘅事件失職，亦有人話戒嚴結束，換人攪經濟，大好友「攞歧」由「鄉講」已死，也轉口風，莫非真係出現曙光？
好多事情因為資訊有限，唔係好肯定，只有靜觀其變，我哋低奴見到嘅世界係好表面，就好像尾帝減政府支出真係為了減赤麼？增加國防預算及石油資助，令赤字加劇就好清楚睇到真象，高奴從來都唔會考慮通脹及失業率問題，你死你嘅事。
BNO簽證會否變10+1成為移嬰講人熱門話題…
內政部含糊其辭，亦指出政策有追溯性，令講人深感疑慮！錢固然係許多人考慮，許多人可以涯到今日，或多或少係望著嗰一日，突然延長，就會令許多人洩氣，有的更期望入藉後可攞番「強迫金」解困，一旦延期，人們就會失去堅持下去嘅鬥志，你叫佢哋點行下去呢！有的人仲未有永居及入藉嘅錢，月月節衣縮食，政策朝令夕改，令佢哋失去信心，冇辦法行下去。
尾國減少在「不約」軍費，要求「勾洲」各國加大軍費，咁錢從何來？當然係加稅，但經濟咁差，加唔到幾多，但軍費要加到佔GDP嘅3%，一定係無所不用其極，讀私立學校要俾20%VAT，向富人加稅，普遍人就不會反對，攪BNO移民，也是同一道理。
雖然知道有追溯期在法理上係站唔住腳，但以其他方式攪你也難避免，例如增加簽証、國民保險、永居入藉費用，事實上已經不住加價，令許多人也活得不容易。
我只能說自己好彩，雖然我都係買最cheap嘅49p麵包，但我都唔係食齋包，有蛋有肉有菜，有咖啡或奶茶，生活上係富足，但我都係在刀口上搵錢，大風大浪，我叫人唔好炒，自己卻日日炒，夜夜炒，始終多個錢傍身，可以應對將來嘅轉變。
正所謂：「害人之心不可有，防人之心不可無」，在今日這個世代，你當所有人係賊就可以，包括我都唔係好人，這個網誌都係賊網，任何人都千萬不要輕易相信。
最近我收到假短訊…
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
尾帝死唔死冇人知，但鄉講就肯定就嚟死…
有的事真係唔明，中環中心甲級商廈呎價都係萬八，西沙山旮旯嗰個樓盤Sierra sea呎價都要萬幾元，雖然商廈跟住宅不能直接比較，但正常人見到甲級商廈都係萬零蚊，山旮旯樓盤也只會值五千元，這是正常人嘅邏輯，因為商廈死，經濟就死，住宅都遲早冧檔，只因住宅租金仍高企頂住，但這情景唔會維持好耐。鄉講人見到個海就發青光，咁唔理智，好快要跳海！
我知道投資要承擔風險，承受波動，但這一刻連甚麼大王都死晒，地產發展商「辛細介」資不抵債都就嚟執笠，外資不肯再借，似乎投資房地產唔係好選擇。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
世上真有實學，能教出拳王，真係寥寥可數…
（拳王泰臣嘅師傅一死，佢嘅拳立刻走晒樣。）
「功夫」這種東西，不需要在擂台檢証，99%以上都係做假…
詠春每一種練習皆有其意義及限制，套路可讓人做好每一個獨立嘅手法、動作，並沒有構成搏擊。黐手係組成攻防手法，主要係訓練橋手反應，並沒有練臂力拳重，做個樣㗎咋，唔好當真。
好似學英文咁，小念頭只不過A至Z英文字母，黐手訓練只不過短句short sentences或者片語phrase，木人樁法只是一些範文，功力訓練係文法grammar，擂台係試寫文章作品去投稿，要成為大作家是很漫長。但至少我們知道單單黐手，不過寫了些短句，唔好以為自己係大文豪。
好似喺英國，我已揸車兩年，由南至北走過一轉，未撞過車，全保都係俾七百幾鎊，俾緊差不多最平，唔通冇能力教人揸車麼？只不過沒有教車「拉臣」，問題係學嘅對象，如果唔識，我仲可以講下，指導下，如果你識揸車，我都不過垃圾。就好似如果上過擂台，食過夜粥，你點打我都冇意見，人貴自知，興趣班就係興趣班，駕車千萬不要妄想挑戰職業司機、賽車手，詠春興趣班千萬不要妄想挑戰業餘拳手、職業拳手，大家並不是同一個level 。
人的智慧有限，有時真係要聽大師嘅意見，唔係我呢啲「蠶蟲師爺」嘅廢話。 已故「爸運」副主席「查你芒隔」真係智者。 （守住本金，靠利息生活。） （賺錢的目的，從來不是消費。） （當本金夠大，生活會突然變簡單。） （很多人賺錢，其實是為了虛榮。） （守住本金才是財富分水嶺。） 賺錢是...
