詠春大師傅，我再呸！呸！呸！

 表演武術最緊要好睇，尤其電視、電影是向普遍不懂功夫的普通人展示，要讓他們覺得威武，十分重要。

正所謂「沉肩墜肘」，銀幕上的展示，完全違反，這一點，我十分理解，但去到真實搏擊，就不能這樣，樣樣手法都要嚴謹，才具備技擊功能。

好的詠春手法，是具備真正防禦功能，無論對方幾大力也好，也無可奈何，最多是連人帶橋推開你。

以下詠春做不到上述功能：

這個已故某詠春大師出了幾個問題：膀手束橋、護手飛肘、擘馬、後傾。咁概詠春，陰公！

膀手的肘關節要135度，90度或細過90度，便是束橋，這些膀手冇用的，做個樣，俾唔識詠春的人就可以。

護手飛肘，仲有用嗎？唔用力的黐手練習，或許會停，但猛力攻擊，一定會照撞過來。

鎖骨跟後臂卻大過90度，即係轉馬時，接觸對方的膀手定住，個身跟個馬走，膀手不動，沒有改道功能。

二字箝羊馬轉成側身馬，兩個腳面一定平行，不會有交點，有交點即係擘馬，死得！

當敵人的拳已經在你眼前，一定會後傾，如果不及用手法防禦及走馬，後傾也屬正常，但如果未有上述情況已經後傾，真係好大問題。

（這個手法，我學了咁多年詠春，都唔知甚麼東西，肘關節得90度，膀手角度又太細，肘又太大，欄手又太高，真係百思不得其解！膀手冇改道，人地疾手就冇晒，只怪自己詠春道行太低，不明自殺因由。）

（膀手束橋，自身難保，黃公都笑。）

好的詠春手法，一經黐手，係點都入唔到，如果兩個詠春高手對戰，會否永遠不分勝負？不會，高手永遠會在危險邊緣出手，因為大家都在安全情況出手，永遠難分勝負，當迫到大家都在邊緣位置，只要一不小心犯錯，破綻就會出現，勝負立分。

（高手在對手一犯錯，出現破綻，就會立刻反敗為勝。圖為頭文字D，其中一場賽車，因太高速，轉彎產生離心力，車輪失去抓地力，偏離路線，讓拓海反敗為勝。）