IB投資系列：寧可賺少啲，唔好輸身家

 Deep seek一個大浪，「尾股」立刻大跌，投資AI嘅人立刻反思，係咪真係要燒咁多錢？人哋已經彎路超車了。不過了解晒成件事，人哋能夠做出，係要用已建成嘅基礎，再加上跟OpenAI學習，某程度上可以話係「學習」，就好像高鐵「學習」了「得國」及「逸苯」才造出廉價嘅高鐵。以此觀之，AI確實需要燒咁多錢，但研究方向可以有改進嘅地方，「森惡文」自然有方法應對。

「扒零T啊」一飛衝天，突破一百大關，這些發達股都跟我無緣，守唔到嗰日，一早俾人震倉，震走晒，股票就係無常，好像人嘅生命，要走就走，無法掌握。最重要賺到錢便算！

回想下來，「揮撻」、「面輸」、「抬跡典」…都是危機下走晒，錯過最大嘅升幅，即使有的買回，已經係高價，賺少少點數，賺點茶錢可以，大錢就賺唔到。正所謂「危機」，有危便有機，世嘉救「揮撻」，佢揸夠幾十年，今日都可母憑子貴了，「你宅街」入股「揗信」，唔好話揸到700元放，三百幾蚊放，都好過攪埋甚麼保險業務。但世事真係冇人知。

就好像HK樓，已跌了許多，係咪可以入巿？某教授說仲會跌七成，山腰都會跌死人。所以投資唔做好風險控制，危險就會令我們束手無策，所以我見一眾「高奴」走貨，你係冇可能唔走，尤其佢哋嘅成本價一定比你低，如果你唔走，一定好危險，寧可賺少啲，唔好輸身家。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：理財由兒童開始

 我哋嘅理財觀念由我們原生家庭開始，父母怎樣理財，對錢點睇，就直接影響一個人將來嘅理財觀念。

小兒喜歡變型金剛Transformers，Optimus Prime都有三個，最新聖誕禮物係最新Transformers ONE嘅Power Flip，可發聲及閃燈…不過太物質嘅生活，將來只會變二世祖，這會毁了他一生。

所以我自少就俾錢佢，讓小兒認識錢是甚麼？「歪芺」好反感，覺得好巿儈，但這是佢進入世界必須認識嘅功課，今年農曆新年，我哋都各俾了10鎊利是，合共20鎊，加上平時那些，都有廿幾鎊，小兒又心癢想買另一個Transformers，「歪芺」覺得浪費金錢，已買了個最勁最大嗰個，又買個細，難以理解？但這正是好好教育及學習機，佢都需要犯錯，從錯誤中學習，以後佢要買任何野，都要用自己嘅錢買，自己去負責，自己去承擔後果…

有些父母自細溺愛子女，最終將佢哋變廢人，失卻理財能力。一個人成熟程度跟佢欲望延後程度有關，所以人嘅年幾會變大變老，但一樣好像小孩咁唔成熟，鍾意做就做，我哋身邊不乏有些幾十歲人仲差落一大堆咭數，並不是失業、減薪，而是過度消費，一年唔知去了幾多次日本…這類人唔死都冇用。

我都有教小兒投資、詠春…佢肯學嘅，我傾囊相授，不過始終細個，慢慢嚟吧！

（細個睇「老夫子」都知，真正有錢佬都係低調，佢哋可以成功，不是外表嘅裝潢，而是專注去工作，最終達至成功。真正嘅富有，來自內在嘅滿足，如果一個人很有錢，但不滿足、不知足，他仍是貧窮，反之亦然。）

（幸福只屬於知足嘅人，你所看到，只不過別人想讓你看到。你post到日本幾好玩又如何？欠人周身街數你估人哋唔知咩！）

(只要出平價電車，油車嘅末日即到，3萬美元樓下電車，好多油車都頂唔住。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

英倫駕駛雜談

 去完西豐田（Western Toyota) 保養及MOT，唔見皮半，不過換了三條新軚，不倫不類，尤其前驅車，前輪係較重要，後輪唔換都冇所謂，故此把心一橫，換埋嗰個。

某車房嘅同款車軚要153.99鎊，但兩至三條9折，四條8折，早知就保養及MOT前換晒四條軚，即使冇咁做，MOT一定要換嗰條軚，照由西豐田換，其餘三條出面換，也較節省金錢。

跟住又要換12v細電，因混能車有舊大電，以資識別，包安裝要兩舊水，正常係自己安裝，但未肯定是否要programme。

作為投資人，或者你話職業賭徒又好，用錢嘅法則，從來不是慳，而是「應使得使」。聖經有個比喻，主人俾錢給三個僕人，有用來做生意，並沒有受主人責罰，反而冇用過錢嘅僕人，受到主人嘅責罰。錢都係神俾我哋嘅資源，唔用、死慳死抵，唔代表神會讚賞你，我自己隨著「手風順」（賭徒術語），投資收入增加，十一奉獻也增加。有的人孤寒到離譜，當年林百欣日日食魚柳包，又或者股神巴菲特，吃麥當勞飲可樂，不過佢慳自己慷慨別人也是好事。

做人要做合乎自己位份嘅事，自己咩 Level就做返咩Level嘅嘢，「低奴」就做番「低奴」嘅事。人哋揸BMW係人哋嘅事，幾年車又漏油又生鏽，佢錢多過頭要用咁啲，唔代表我哋要咁做，日後要換車，都買Tesla嘅model Q，又或者豐田及輝達研發嘅自動駕駛…

當年搵到點錢，同事都買車、買名錶，只有我是異類，在揸打銀行開了優先理財做定期儲錢，人人都笑我，到最後我嘅錢都係做生意冇晒，投資衰晒，但我賺了經驗，所以「五張野」唔使打工，過半退休生活，揸都唔係揸最仆街嘅車，有名有姓有保養，仲換晒四條新軚，仆街都係自己駕駛問題。