曾經擁有，不代表永遠擁有

 世界上曾經出現過不同帝國…

（土耳其是否要宣稱要擁有鄂圖曼帝國嘅國土？）

（意大利是否要宣稱擁有羅馬帝國嘅國土？）

（西班牙是否要宣稱擁有西班牙帝國嘅國土？）

（日本是否要宣稱要擁有大日本帝國嘅國土？）

（德國是否要宣稱要擁有德意志帝國嘅國土？）

（英國是否要宣稱要擁有大英帝國嘅國土？）

明白道理、明白事理，都不必列舉下去，曾經擁有，不代表永遠擁有。

元、清屬外族入侵，如果佢哋嘅領土都屬於現時嘅天朝政府，咁元朝領土橫跨歐亞兩洲，清朝領土比現代還大，理應向俄羅斯索還，日本也曾入侵中土，入侵者領土也屬於天朝，咁成個東南亞，大東亞共榮圈也屬於天朝？

當年革命推翻清朝，口號不是「驅除韃虜、恢復中華」，咁盡其量，國土面積也不過明朝領土，至革命成功，又話「五族共和」，明明在外族統治下唔開心，為何又強加其他民族之上？明朝時期，滿族、回族、藏族、蒙族等彊域都非中土管治，為何驅除韃虜就可要多啲？「聯俄容共」，引入外國勢力，代理人贏了，最終敗走寶島。

熟讀歷史，領土大少跟國力不無關係，漢、唐領土較大，宋朝領土較少，最後領土也失去埋。現時天朝嘅領土，都係外部勢力同意、默許、支持下獲得，故擁有土地嘅人，也可隨己意送俾人，石敬瑭可以割讓燕雲十六洲，清朝可以割讓香港俾英國，點解「肛宅文」唔可以割讓土地予外國勢力？以換取佢哋對政權嘅支持？佢係奴隸主，有權力咁做。天朝今日擁有嘅一切，都是外國勢力將戰敗東瀛軍隊器械、物資全支持天朝嘅結果，這就是投桃報李。

既然曾經擁有也不代表永遠擁有，咁自古擁有，作為侵佔嘅理由就更不充分，華夏民族最初也只是聚居在黃河流域，咁自古擁有，也不過黃河流域，長江流域、珠江流域，就不是自古擁有，應讓原居民自行投票，決定去向，方為正路。

（如果你認為「元清非中國論」係謬誤，咁即係承認自古以來都是蒙古人及女真人嘅奴隸，今日應該認番佢哋做主子麼？當然唔會咁荒謬，咁點解曾經擁有就要永遠擁有呢？這何嘗唔係一樣咁荒謬？）

移英日記（196）加稅核彈

 正所謂：「苛政猛於虎也！」

我最關注當然係投資有關嘅稅項，資產增值稅有明顯升幅，低稅率由10%增至18%，高稅率由20%增至24%，咁攪法真係冇肉食，八折出糧，生活難免會變得困難。

現時唯一應變係盡早買樓，減少收入，交少啲稅，另外，每年用盡額度，將資金轉移至免稅ISA戶口，正所謂：「兵來將擋、水來土掩」，唯有見步行步。

現時巿況轉危，之所以唔崩盤，係因為總統競選，執政黨一定要保住選票，一定唔想有任何差池，賺錢已經少了，再加個加稅核彈，難免心掛。

IB投資系列：一路好走！

 耶穌曾保証：「唯有忍耐到底，必然得救」，我說股巿也是一樣。

當巴菲特沽蘋果，黃仁勳沽輝達，「木頭姐」伍德及電車高層沽特斯拉，各有錢佬、基金經理紛紛沽貨，走佬離場，有一些「儍散」見股巿大熱，仆倒入場，咁我重可以講甚麼，唯有說一句：一路好走！

當見到股巿齋升，自己冇貨，真係好冇癮，但這正是考驗我哋忍耐嘅時候。司馬懿可以成功，正是能忍所不能忍，高平陵之變，一舉成功。

（「將帥之才、奸雄之志，得政專權、見利忘義」正是司馬懿一生嘅寫照。）

唔好以為自己好醒，我們不過是奴隸，低奴只能依靠中奴、高奴搵食，佢哋走，我哋唯有跟住走，要知道佢哋能夠做到中奴、高奴，一定有佢哋嘅本事，就好像聖經中嘅約瑟，奴隸都可以做到管家，監躉都可以做到宰相，因為約瑟有優秀管理嘅能力，以及神賜給佢解夢嘅能力，最終破解法老嘅疑難，成為宰相，晉升成為高奴。

現代人也是一樣，靠財富攀升至中奴、高奴，總離不開四樣事：信息差、認知差、執行差、競爭差。點解誠哥走得咁快、咁準？因為信息差，佢掌握更多、更準資訊，知道「Cina」（支拿）唔掂，重唔走人。同樣道理，華爾街班有錢佬，如果佢哋知道股巿有排升，佢哋會咁笨，走晒啲貨？

我哋做低奴冇問題，也要做醒目嘅低奴。高奴、中奴做乜嘢，你照跟，點都唔會死。就好像古代皇帝微服出巡，你見到啲大粒佬向一個平民下跪，你有眼不識泰山，唔知嗰位就係九五之尊，你照跟，即使得不到奬賞，至少也唔使殺頭。啲高奴、中奴會唔會估錯？會，巴菲特沽台積電，我跟沽，話甚麼地緣政治風險，真係太高估Cina，其實不過紙老虎，不足為患，跟住升至212.6元，超過100%回報，見財化水。我唔阻人發達，你要搏就搏吧！仆街唔好怪人就可以了！

(啲大粒佬點唱好，唔係重點，身體永遠係最誠實。）

（股神巴菲特都係人，都有犯錯嘅時候。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：小心崩盤

 早前我持有某水果手機債劵，正期待美帝減息週期，賺番一筆。本來都係正數，後來卻變負數，我當然知道美帝彈弓手，又話咁、又話咁，總言之任佢噏…

要知道美帝係為誰服務？美帝總統由人民選出，所以係為人民服務。做人唔好咁天真，美帝係為有錢佬服務，文雅啲概講法，為資本家服務。

（某美帝總統面對校園槍擊案，聲淚俱下，話一定會實施槍械管制，最後咪不了了之，因為美國槍械協會嘅政治捐獻極大。）

（當年美帝過千億救某保險公司，做生意有賺有蝕，你賺錢又識避稅，蝕錢倒閉有政府打救，這個世界有咁著數嘅事麼？）

要知道「美帝」只不過載體，如果美帝唔掂，背後嘅幕後玩家也可找另一個載體借屍還魂，所以成日話美帝末日冇意思，只要今日佢仍是世界唯一嘅超級大國，仍然擁有最強嘅軍力，仍然持有最流通嘅貨幣，咁佢仍然需要運作。

但要運作這個載體，成本不菲，年年赤字，年年資不抵債，雖然美帝擁有全球最多嘅富豪，但佢哋交嘅稅極少，股神巴菲特交嘅稅比佢秘書還少，蘋果交嘅稅，按比例比起工人交嘅稅還少，咁嘅情況點樣運作呢？就是發行美債借錢，這個招數已用了很多年，越借越多，唔知幾時爆煲？

美帝降息，我嗰啲公司債按理只會升，如果跌，即係供應太多，似乎冇風險嘅美債都大把貨，公司債自然冇吸引力，需求下降，價格自然下降。

美債賣唔出，咁美帝怎樣運作？美帝艦隊及全球軍力點樣維持？NASA太空計劃點樣維持？公務員點樣出糧？更重要係點樣再為資本家服務呢？

唯一方法係印錢，但咁樣做會觸發通貨膨脹，一定要合適時機，合情合理下進行，故股巿必須崩盤，政府以救巿及振興經濟為由，就可合情合法去印錢，例如過百億千億救「菠陰」、「鷹突耳」，待他們財務好轉，自然還俾政府，這些套路都曾玩過，有甚麼希奇？

（有錢佬跟你哋窮人不一樣，人哋高位放晒，或放一半，窮人高追，這就是有錢佬財富翻幾翻，窮人永遠繼續做窮人。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：美帝工業岌岌可危

 早前有人投資特朗普概念股，期待佢當選，振興本土工業，咁重唔發達…

事實呢，這些企業年年只係想做好份財報，未有做好科研，好像波音，為了與空中巴士競爭，只用軟件提升效能，最終導致悲劇。英特爾曾經是晶片一哥，到今日自己設計嘅CPU都係交由台積電生產，外判係可以減低成本，但最終自己也失去這種技術，自取其亡。

再講，特朗普能否成為美帝總統，仍是未知之數，就算係做到總統，就算係扶持本土工業，佢哋都不過係扶唔起嘅阿斗，除非有稻盛和夫呢啲頂級企業管理人，才有機會撥亂反正、起死回生，大企業嘅固有文化係好難改變。

最近某電車公佈業積，一睇條數，原來開支十分大，支付晒所有開支，剩返流出嚟嗰少少，才是利潤，怪不得全球只有兩間電車車廠係賺錢，一家係靠壓低成本、將貨就價，一家係靠技術研發，一體成型、自動化生產等等。你會投資邊間呢？單靠壓低成本，咪好似波音、英特爾嘅下場。

（壓低成本下，電車壽命不超過五年，保養期內維修不住，壞這樣、壞那樣，如果唔好彩爆炸，命仔都冇埋，當你貪平買某些電車，你問問自己，你條命重唔重要先？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

學功夫只能強生健體

 超級高手都敵唔過匕首…

你可以將持匕首嘅人打傷，但你自己都冇命，這是事實。

正所謂：「雙拳難敵四手」，一個人對兩個人都咁難，如果一個人對著持兵器嘅多人，「圍毆」嘅生存率根本係零，一個打十個？發夢吧！

咁我不住反思：學功夫嘅意義有幾大呢？

即使唔係垃圾國術、垃圾詠春，超級高手好未！泰拳拳王播求，廿年前已贏K1冠軍，廿年後已經贏唔到，雖然也打得好睇，老而彌堅，只係輸少少點數，只有最頂級拳手可以頂得住。年老體力減少，戰鬥力也減少，如果以播求計，廿歲做冠軍、四十二歲輸點數，咁六十歲都仲有睇頭，一般常人都恰唔到呢位老人家。

垃圾國術、垃圾詠春，只不過純練技巧，沒有實戰功能，唔好講天朝呃人騙局，有的真係堅，但只限該技巧及能力，例如徒手劈硬物之類，最頂級泰拳都做唔到，但唔代表實際打得，詠春就係橋手感應，技術係堅，但唔代表實際打得，如果廿歲都唔打得，咁四十歲、六十歲，唔通又會打得咩？

我好坦白講，我每日練拳擊嘅拳、跆拳嘅腳、再加詠春散手…講真，退休人士都唔會做到自己傷晒，保健功能就算了！

（職業拳手嘅訓練量並非常人可以忍耐，10公里跑只不過熱身，點解國術咁垃圾，你睇睇高手付出嘅代價就知道。）

IB投資系列：自爆

 美帝「吸星大法」盡收天下財富，重有最後一招未施展…

自爆。

現時美股如日中天，也是最危險嘅時間，如果唔係，啲大粒佬就唔會持有大量現金。

要知道，股神自己也反對持有現金…

認為長期持有現金是最糟嘅投資，咁佢持有二千幾億美元做乜嘢呢？你自己想下喇！

正所謂：「亢龍有悔，盈不可久也」，驕傲自滿，不能成功，盈滿不能長久，需要懂得變通。

（俾你睇晒基本面、財報、價值評估都冇用，要發生嘅事，始終都會發生，唔好心存僥倖。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

兩岸風起雲湧

 最近見到「瘟加簿」又突然出現，並在「今上」左右，有說「今上」勢危，將「燉韶萍」改革開放累積嘅財富，一鋪清袋，迫使退休元老都要走返出嚟，做其太上皇，主持大局，撥亂反正…

早前糭你「理鏹」訪問「月藍」，「理鏹」竟得到「今上」同規格嘅待遇，究竟係「月共」冇大冇細？不識大體？還是「今上」失勢？

（檢閱三軍儀仗隊，這個規格只有「今上」才受得起，究竟係「理鏹」妄自尊大？還是「月共」都要俾面？「天朝」究竟邊個話事呢？冇權冇勢嘅人「月共」會尊重嗎？）

（「猿爸爸」真係大膽，說出大不敬嘅話，將「今上」視為「天朝」加速師，希望佢繼續執政，加快冧檔。）

（「馬鷹狗」等人早早被「天朝」收買，讓「寶島」疏於防範，然後可以圖也！）

（「寶島」總統真係堅，以年齡計，「天朝」不可能是祖國，真係大膽。）

IB投資系列：投資5原則

 其實投資嘅原則大致也差不多…

許多人最大問題是想不勞而獲，想攞貼士，那些所謂貼得好準嘅網紅，就是「披闖」俾錢也願意，就是唔願意下苦功，就好似學詠春功夫，成日想速成，嗰班廢老自己都冇苦練，自己都唔打得，跟佢哋會妄想學到真功夫，不過是緣木求魚。

如果啲講股佬掂，佢自己將成副身家押上去，已經掂過碌蔗，喺加勒比海嘆世界，仲使日夜講到把口都臭晒咩？至於做過大行、投資銀行那些，眼光係闊啲，咁就會賺錢麼？我投資過嘅主動基金，咪一樣有賺有蝕，收續費就識收，但沒有一隻追得過標普500指數。投資要靠自己，喱民就去銀行做訂期，好一點買美帝債券，除非美帝衰敗或滅亡才會死，再好點買標普500指數基金，再冒險一點買納斯達克指數基金，無腦投資係咁玩。

（你睇緊甚麼網紅？又要求你入會、俾讚、留言、又要你睇廣告，自己又賣廣告，又要「披闖」課金，呢啲雞碎錢都要賺，係咪真係咁掂呢？上面嗰位就真係堅，拍片冇底線、冇預算，坦克都辦到返嚟，真係黐線！）

（你買Intel嗰隻垃圾股票，一樣可以賺錢，你買豐姐嗰隻AMD，一樣可以蝕錢，問題係你幾時買？幾時賣？幾多錢買？幾多錢賣？Intel可能聯手AMD對付Arm，留意下有乜搞作？）

（我都俾馬斯克跣一鑊，投資永遠有風險，即使我相信馬斯克一定做到，如果十年後才做到，就唔係呢個價。）

（商人係「看風駛𢃇」，邊度有錢賺，就會投資邊度。某些地方想立法強制基金投資，仲找一些三流政客放風，咪玩喇！HK已經俾你哋班友玩死咗！仲想昆人落疊？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：沒有後悔

 投資沒有後悔這回事，做生意當然有賺有蝕，最重要係財務穩健，上巿公司如是，個人理財也是一樣。

特斯拉Robotaxi，不升反跌，俾佢跣一鑊，當然我早早知道有咁嘅可能性，重鎚出擊就唔會，小注總會落多少，跌成廿點真需要時間療傷。

賺錢、蝕錢，我嘅生活質素也是一樣，昨日跟友人去了愛丁堡巿中心吃火鍋加韓式燒烤，兩大一細，六十幾鎊，如果天氣冷一點，效果更佳，我熱到除衫。

做人最緊要中庸之道，富又唔會亂使，窮又唔會欠缺，攞條平均線就可以了。

正所謂：「人心不足，蛇吞象」，有的人不願工作卻生四個仔、養三隻狗，網上行乞，固然可恥！有的每月領25萬，有司機、工人照顧，仍然覺得不足，成日想打官師一筆過攞晒出嚟使，最終臨老過唔到世。

有的人係沒有自制能力，只不過抽咗支好籤，上一代不單留下豐厚財產，並成立信託基金，每月出糧，即使後人怎樣敗家，也敗唔到份身家，終身衣食無憂。

我幻想，月領2球，一半供Voo或者巴郡，已經係億萬富豪…不過咁，如果有進取心，就唔會做二世祖，父母都唔會成立信託基金，就係怕二世祖敗晒份家產去乞食。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（195）窮鬼讀書

 子女教育豐儉由人，你有錢嘅讀私立，遲些工黨話要加20%VAT，如果堅有錢，也不會動搖。如果掹車邊，就會因此轉入公立學校體系。

我哋呢啲窮鬼，就一定讀免費公立學校，在蘇格蘭低年班，午餐都免費，只係俾牛奶錢，如果堅窮，牛奶錢都唔使俾，巴士又免費（只限學童），要點對點，車個仔返學，就要俾啲油錢。

如果想好啲，一定係額外教，我當然想小朋友用繁體字學中文，但這裡冇學校，唯有自教…

想佢哋學寫字，買啲練習，俾啲奬勵，寫夠一頁，一粒Lego，寫夠一本，送大奬。

如果要子女讀牛津、劍橋等頂級大學，就要入私立文法學校，自細催谷，我哋啲窮鬼，hea學就可以了，講些成語故事、聖經故事、歷史故事，已經係最好嘅學習。

IB投資系列：不明不白

 美帝減息，只會考慮兩個因素，一係通脹，一係失業率。通脹未達2%而落重藥，即係經濟出現問題，就業率不足。跟住可以屈尾十又話統計出問題，又話非農數據超預期，美帝並非三流國家，咁玩野法，好低裝，亦令投資者進退失據。

以前話莊家舞高弄低操縱股價，原來全球最大嘅莊家都係一模一樣，根本係一丘之貉，非常黑暗。吸星大法已經盡收天下財富，一吞一吐，一放一收，死咗都唔知乜嘢事？你以為只有天朝割韭菜，少年你真係太天真，美帝一樣咁割，攪到你雞毛鴨血，一生累積財富，化為烏有，永世為奴，任人差遣。

歐美紛紛加重天朝進口電動車嘅關稅，表面因素是天朝補貼電動車，實質係保護主義，保護自身工業，不過任何公開俾全人類知嘅事，都係俾啲喱民睇，用以解釋各種經濟現象，實際係點，你哋這些低下人種根本無權過問，幕後玩家要升就升，要跌就跌，理由只不過將件事合理化。

就好像你問虛擬貨幣點解升？點解跌？冇理由，唔需要理由，幕後玩家要升就升，要跌就跌，好像NFT價值歸零也是可以。至於公司，好像難啲，其實都係好簡單，話某職員違規取得權限投資虧損，整間公司執笠消失，就係咁兒戲。某些地方，一句「房住不炒」，所有地產公司都係咁先，就係咁兒戲。

人係理性動物，所有野都要有理由，要死，都唔可以不明不白，要升，都要升嘅理由，要跌，也要跌嘅理由，作故仔都作得好聽啲。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：機會幾時都有

 從前有兩個農夫都盼望下雨，一個甚麼都沒做，一個已為耕種準備好一切，邊一個更相信會下雨呢？

人人都想富貴、財務自由，一個等運到，一個不住儲錢、不住留意巿場狀況，邊一個更有機會富起來？

答案很清楚，機會永遠留俾準備好嘅人。

現在正值波濤洶湧嘅時候，正所謂：「亂世出英雄」，在三國時期，諸侯爭霸，用人不拘小節，有才華自然有機會發揮，諸葛孔明也是博覽群書，結交天下豪傑，了解局勢變化，待有賢者出現，出山輔助。如果只是歸隱隆中、不問世事，係沒有意思，「隆中對」也是一早準好，不會無中生有。

（劉皇叔駕到，孔明將Proposal提出，睇下老闆是否接納，如果毫無準備，機會嚟到也無法掌握。）

現在，也要累積資本，留意世界局勢，待機會出現，重鎚出擊，然後大事可成了。

美帝早前減息，亦預期會繼續減息，然而數據有變，減息步伐可能減慢，非美貨幣轉弱，可能係機會，許多人係靠滙率搵食，換來換去，財富已增加不少。

所以機會從來都不缺乏，問題係人有冇好好掌握。

（消息有真有假，投資者要懂得慎思明辨。）

（你唔好以為政府放水益你，引蛇出洞，然後一次過收拾。）

現在係膽搏膽嘅時候，安全嘅做法係收下息，等機會，當然大上大落也提供了機會，冒險嘅人自然會得到冒險嘅回報。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

俾我發達都係揸日本車

 曾經聽某移英網紅咁話：「Honda嘅價錢，BMW嘅享受」，就如許多移英港人都一貫咁話：「嚟到歐洲，當然揸歐洲車。」究竟歐洲車係咪真係咁好？

這個報告不是最新，遲些會出2024，你一眼都知甚麼車最可靠，除非你裝聾扮啞，一概係藍色標示嘅日本車，豐田、本田最可靠，根本不必懷疑，日產就渣啲，俾雷諾收購咗，可靠度都減半，跟唔上日本車，英國做嘅mini都玩得過。

以下有三架車，如果我發達嘅話…

我都會揀Lexus (豐田富貴版），雖然揸出嚟冇咁威，但最緊要可靠。

（電車可靠嗎？Tesla死咗，都要靠部油車去救。）

（電車免息分期又如何？你住house，有自己充電樁才考慮。）

（到咗我這個年幾，就唔係講威，而係講可靠。）

（你以為揸歐洲車就好威，幻象嚟㗎，準備見整車佬整車吧！）

（有錢，買架MR-2，都唔會失禮。）

(世界第一車廠發威，最新科技，Tesla都怕？係咪真㗎？）