移英日記（366）空歡喜

 最近發生驚心動魄嘅事情…

第一件突然斷網，攪到我要買EE一日WI-FI ，用了7鎊幾，要知道股票升跌會帶來嚴重後果。

第二件事某移英「裂屍人」聲稱BNO要求維持B1就得，原來空歡喜，因為根本冇講，只說工作簽證未來要求會提升，冇講BNO會豁免。

正所謂：「兵來將擋，水來土掩」，將來嘅野你預料不到，唯有見步行步。

最近在「天無」買了架腳踏滑板車，點解要買？因最初冇諗過執到架單車，並且可維修再使用。二則，單車只可行單車徑或馬路，上行人路是違法，我哋未入藉唔值得冒險，電力滑板車係違法，但用人力推動，視為Toy，可以在行人路使用，於是腳踏滑板車就成為理想代步工具。

然而，這架車極難平衡，踏左就偏左，踏右就偏右，轉彎要用剩餘動力去滑行，一踏就反車，我都跌了兩次才學識，老人家跌一次就一病不起，幸好我只係五旬，跟老田牧師同年，仲跌得起，膝頭擦損吧！由於這架車要靠不住轉換重心來提供動力，雙手又要維持平衡，比踏單車攰很多，但不失係一件十分好嘅健身器材。

現時家中，兒子有一架單車、一架滑板車、一對滾軸溜冰鞋，我又有一架爬山單車、一架腳踏滑板車，「歪芺」又炸型，買樓嘅催迫又提升了。