移英日記（365）修理單車

 大不列顛物資缺乏，要維修，唔似鄉講去五金鋪就可買齊物資，找人整，貴到出血。

最近在屋宛有人棄置了爬山單車，後輪蝕晒及爆呔、轉波撠鏈，座位郁下郁下…

前叉嚴重生鏽，用WD40及百潔布磨去鏽漬即可。

經過清潔抺油，轉波問題已解決。

爆呔可以補呔，用補呔膠即可。

點知補了一處，另一處就漏，最終用晒補呔物料仍有未知滲漏，內呔老化陳舊，不得不放棄。

檢查呎吋，在網上買，「天無」（TEMU）在大陸運嚟，價錢不會平，而且時間長，最終在「哈復」（Halfords）訂購。

只要呎吋一樣就可以。

買一外呔一內呔要20鎊，買兩外兩內要30鎊，最終俾了30鎊，因為前輪遲啲都會出問題。

早前在「天無」買了單車腳，以為有伸縮，可以適合小兒嘅單車，佢架16吋車太細，浪費了，今次這架27.5吋就適合了，我知道冇人會在爬山單車裝單車腳，因為粗獷使用，去到郊野隨便放低便算，但我以實際用途為目的，主要代步，目標唔同，就好像詠春嘅目標係搏擊，唔係為咗黐手，太極都唔係為咗推手。

我用汽車清潔劑嘅來清潔，有打蠟效果，完成品有七成新，總計成本：內外呔30鎊、單車腳3.85鎊、補呔膠1鎊，用了34.85鎊。工夫就冇得計了！