IB投資系列：有危有機

 正所謂：有危有機，有危險就有機會，所以危機並不是負面，問題你能否掌握。

同樣嘅事，有人賺錢，有人蝕錢。

早期投資日本房地產人士，唔係蝕到入肉，而係蝕到入骨髓。

同樣處境，人地借日圓買日股，賺幾百億。

股神係投資界嘅神級，不能比較。講番啲人話，我哋啲凡人，都曾經透過息差賺過錢，「歪芺」幫我報稅，上個年度息差都賺13萬，除番每月一萬，仲未計槓桿炒美股，真係好禾味！去槓桿化，償還日圓仲因日圓貶值，還少了錢，等於免息送錢俾我賺息差、炒美股。

投資只有順勢而為，牛巿升多跌少，入巿成功率高，咪去盡一點。熊巿升少跌多，入巿成功率較低，咪審慎一點，買下投資級別債券，或者短期美帝國債，得幾厘係少啲，但要死都幾難，當年「痕大」嘅債劵有12厘，預咗會死，風險跟回報係成正比，出得嚟行預咗要還。

（由執屎做到天朝首富、亞洲首富，係傳奇，不過呢個夢醒咗了。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。