IB投資系列：只可短炒不宜長揸

 近日美股回勇，小心迴光返照。

9月減息已經聽了無數次，「狼來了」都不講了幾多次，令你不得不相信，大戶沽盤不住，巴菲特沽蘋果、黃仁勳沽英偉達，仲有無數基金經理做野…即使減息係真係假，都沒有太大關係，即使彈番，也不會彈好多，凡事要小心謹慎為尚。

好嘅股票可以令你蝕錢，衰嘅股票可以令你賺錢，關鍵係你幾多錢揸貨，倘若摸頂入巿，140元揸英偉達，則有排都未見家鄉了。股價殘爆嘅英特爾，20元樓下揸，分分鐘有錢賺。

所以任何股票你都可以投資，就算根本沒有未來嘅法拉第未來，你都可以玩，逆向操作買跌，贏面較大。

幾千元跌到一毫半，就好像撒但從天上墮下，仲邊有得救？

玩啲正經股票，只要唔係太貴買，計好條數，少少存貨都唔係太大問題，啱價就揸，到價就沽，唔係同股票做人世。

（大戶沽貨，千萬不要長揸，美股即日鮮就係咁玩，今日賺2286港元，聽日去飲茶，係咁多，收工。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。