移英日記（339）計劃「革拉屍歌」過聖誕

 又到聖誕，小朋友放假，日日喺屋企打機都唔係辦法，怎也要出去走走，「校長」邀請我哋去「革拉屍歌」，自然樂於奉陪！

這次又係「稀耳噸」嘅雙樹酒店，唔係聖鬥士加沙嘅娑羅雙樹。

聖誕平到出汁，因為聖誕很多鋪頭關門，好似死城，我哋志在周圍行下，酒店游水，飲飲食食，交換禮物，完全不受影響。

當然要去「特務」酒樓，人哋做戲係做足，扮廚師，都係功架十足，夠晒鑊氣，食物ok，反觀「鄉講」嗰啲所謂詠春師傅，大家都知做戲㗎啦，但偏偏戲都費事扮，全部hea做、hea演，擘馬、飛㬹，垃圾到昏，我尊重「特務」，卻不尊重「師傅」，因為他們敬業樂業，只不過各為其主。

「特務」，明朝稱為「錦衣衛」，係為「今上」做一些法律以外嘅事，今日各國都有，「尾帝」嘅「啊扶比埃」也非善男信女，影響到背後嘅既得利益者，一樣殺無赦，只不過佢哋做得乾淨啲吧！

每個人都係角色扮演，我都要扮「好爸爸」、「好丈夫」，只不過「交易員」嘅角色就做得差啲，蝕了超過一球，要深切反省！

（所謂嘅國際關係學者，咪又係演員，問題係演得好唔好，「審郁揮」、「逢至正」之流，都露晒餡囉，仲要演下去！）