2025年7月7日 星期一

移英日記(337)水清無魚

 去到漁村,價錢不會便宜,兩間酒樓執咗一間,留番嗰間質素不會太差,但同時也不會便宜。

大型商場不會容許「吉鋪」,一定提供短期優惠也要租出,避免影響整個商場觀感。

但其他地方情況就難免令人感到蕭條。

一個地方要知道自己有甚麼優勢,以前漁村嘅優勢係左右逢源,做白手套,才托得住咁高嘅租值及人工,要兩邊都討好,面面俱圓,其實本來不容易,要在各方便都自由、包容、法制寬鬆,才有機會做到。

現在見到嘅場境,就好像諸葛亮治蜀嘅情況,嚴刑峻法,治蜀極嚴,因為當時統治階層皆為荊州派,面對益州派、東州派嘅鬥爭,不得不這樣。

街巿商販擺攤過了少少也要罰錢,行人衝綠燈閃閃下並非紅燈都罰,停車落貨有司機都罰,以前Police勸喻你走便算,明白大家都要搵食,促得太嚴,以前遊走在灰色地帶都不存在,只有黑、白,只有犯法嘅事及合法嘅事。大量外勞,由於人口老化,沒有足夠勞動力,外勞被尅扣中介費、手續費、住宿費,實際商家佬俾少於最低工資。

當冇人敢犯法,加上眼看不到嘅紅線,好多野都唔敢做,唔敢創新,經濟失卻動力,經濟蕭條。正所謂:「水清無魚」,長期無魚,如何持久呢?人家要買免稅品都去「凱藍」,用不著嚟這裡,租金貴、人工貴,巿民紛紛北上消費,真係好難攪。

(係咪真係要做到咁呢?)

沒有留言:

張貼留言

移英日記(377)大不列顛人不儲錢有道理

 各國都係用「賢者之石」作外掛,無視等價交換嘅原則,將你哋揸乾揸淨… 落後地方會否好一點? 答案係唔會,透過「種姓制度」、「鞏摌主義」、宗教等等包裝,造就特權階級,這世界都唔會有公平、公義。 尾國好多有錢佬捐贈所有財產,真係有善心嗎?當然不是,純粹避稅,基金會每年只需捐5%,平過...