移英日記（230）church獻凡火

 由於church在成立委員會有分歧，老田pastor局住終止，引來某些委員不滿，在聚會抗議，借群眾力量迫church就範，令到church受傷。甚至有一次，有人挑戰老田pastor，說愛要建立在真理，話pastor佢哋「圍威喂」，係道德嘅指控等等。

由於兩次聚會後都變批鬥大會，影響church嘅氣氛，我自己都心想，如果佢哋今日再出來搞搞震，我一定要發言，指斥佢哋唔好再獻上凡火。

我知道移「嬰」「講」人，個個都好火，曾被「正拳」壓制，不平則鳴，然而church由幾十間堂會嘅弟兄姊妹組成，宗派有異，如果人人都堅持要做自己心裡嘅church，咁就有過百款模式，church就一定散晒！

佢哋有不滿，要申訴，應該私下找老田或相關弟兄姊妹，在聚會後私下奪咪宣告，用會眾作為籌碼，迫church就範，church唔係法庭，如何能判定事實真偽呢？一連兩次都係咁，如果再一次，church就散晒，幸好今日好平靜，也見不到佢哋，可能church已處理這件事了。

這個世界沒有完美，人也沒有完美，pastor也沒有完美，church也沒有完美，我們能夠走埋一齊，只不過共同嘅信仰、理念，再加上愛嘅包容，才有今日嘅光景。