有移英朋友去有聲譽嘅車房做MOT，無可否認，係冇濫收，但友人亦不得不表示，檢車較「求其」，有嚴重隱患也不察覺。
所以我都反思，原廠保養及MOT，係掠水，但正因為掠水，佢驗屍咁驗，有甚麼暗病隱患也找出來，除了車呔、車令令我使一筆，也預告埋舊12v細電也虧虧地，遲啲都要換，可能佢冇貨，否則不可能錯過賺錢嘅機會。
所以，任何野也有正反兩面，有移英講人投訴大不列顛人成日串錯字，自己語言也攪到一塌糊塗。我移民到這裡兩年，都明白其中因由。
小兒一入小學要學phonics，久而久之，見字就併到點讀，只要讀到出嚟，本地人就會立刻明白，所以phonics學得好，「蝦你菠突」咁厚嘅書，小學生都可睇到。所以佢哋係不串字，併音也串到七八成，另外兩三成就要靠佢哋睇書，睇得多就認到字，串得正確。
問題係這裡係隨小朋友去發展，你讀到書，就俾你讀得更多、更好，你唔喜歡讀書，就隨你學門手藝。所以牛津、劍橋係世界知名，學術水平極高，但普遍人都唔屬於這類，許多人學校只學到下三流功夫，併音識啲唔識啲，又唔勤於閱讀，很多冇讀大學，而是職業先修，尤其做前線工作，當然成日串錯字，你睇下啲精英，根本唔會錯，問題係佢哋唔會做前線工作服待你吧！
好像我以前做地盤，許多工人字都唔識字，混凝土，又名三合土，我哋口語叫「石屎」，地盤佬寫成「石矢」，這例子不算經典，因為都有點根據，史記廉頗藺相如列傳「頃之，三遺矢矣」，所以矢與屎通，不算錯，大家明就得了。「忠國人」都唔一定識寫「忠文」，那麼「嬰國人」串錯「嬰文」，又有甚麼出奇？識字與否，是學術水平嘅高低，跟是否該國公民，完全沒關係。
沒有留言:
張貼留言