IB投資系列：人類要做到死為止？

 按照聖經記載，神也是工作嘅神，故受造嘅人類也要工作，要看守、管理伊甸園，如此就可以享用一切園中所出產，直至永永遠遠。但人類犯了罪，地受到咒詛，人必終身勞苦，才能從地裡得吃的。

所以終身工作是理所當然的。

富人也是一樣。問題係，人老了，眼又朦、耳又聾、個腦又冇精靈，唔係個個都像巴菲特九十幾歲仍有工作能力，可以睇晒所有公司嘅財務報表，仲清楚知道邊啲公司值得投資，一般凡人怎樣自處呢？

當我們見到有人英年早逝，我地會俾自己藉口要及時行樂，不單用盡現有嘅錢，甚至用埋將來嘅錢，碌卡消費、供一層唔係自己位份應該住嘅樓，造成嚴重負債，當收入一減少，經濟立刻出現問題。要知道英年早逝是萬中無一嘅事，更多嘅情況是延年益壽，HK人是全球人均壽命最長嘅人類，所以用「英年早逝」、「及時行樂」嘅理財策略一定錯誤。

然而人嘅身體是不住衰退𡁵，好像我這些冇學識嘅文盲，年輕時仲可以做體力勞動，賺取金錢，人地俾雙工，通宵工作也可以，問題係這類工作可以涯到幾多年？

電視節目「新聞透視」？定「財經透視」？訪問理財策劃師，退休之後要節衣縮食，真係好可笑，最可笑是佢地仲有面接受訪問，「理財專家」只不過職業，叫人買基金、買保險，根本保唔到佢自己，盲人領路，全部人跌落山涯慘死！

（保險佬只為賺錢，如果要供樓，買定期人壽即可，買終身人壽，保費貴、保障少，根本冇用，帛金都唔夠，回報低到你唔信，任佢噏。）

咁可以點做呢？人賺錢是有時間性，由剛出社會工作，人工最低，至中年左右，去到最峰值，有的升至高層，退休前也是峰值，然後退休至死亡約二十年是無收入，只要將峰值嘅錢，平均至零收入嘅部分，咁年老都有質素嘅生活，簡單講將你一生賺嘅錢除以你嘅壽命，就是你每一日可用嘅錢及應該過嘅生活，所以巴菲特是過份孤寒，但一般人冇儲蓄，一有錢就去日本，要知道退休是零收入，故是過份浪費。

（巴菲特食麥當勞、飲可樂、揸錢七、住舊樓，用得幾多錢？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。