移英日記（113）要做地道英國人

 要融入大不列顛，有人提出以下建議：

當中有的是應該做，但有的真的要憑智慧判斷。在漁村，有的人也是賴皮，講到明唔儲蓄，到退休，等政府養，做人係咪一定要好處攞到盡，責任一點也不付呢？

教我的釘板師傅告訴我，佢冇屋冇錢，出糧俾老婆儲，最大成就是三個仔女層樓的首期是佢支付，今日身無分文，要錢就問老婆攞。許多地盤佬去賭、去滾、北上包二奶，妻離子散，最終不得善終。

大不列顛人，好的事，我們應該學習，但不顧後果，及時行樂的消費，應盡量避免，好像有的人會將維生的車賣去，為要同家人去旅行，去完才算，動機係好，但自己賺錢的工具都賣埋，咁將來怎樣生活呢？

我地祖先農業為生，往往都會居安思危，積穀防飢的觀念，即使上一代已沒有種田，也有儲蓄習慣，存在我們的基因，我一出來工作，已懂得做定期存款，二十餘歲已有某銀行優先理財戶口，佢甚麼功能我也沒有用，唯一好處係做定期存款續期，不必排隊，但其實那時月尾係冇錢使，十分窮，因所有錢入晒銀行。

做人應該自己攪掂自己，如非必要，不要靠人，借錢最折墮，借錢唔還更是無品，做人去到邊，都要有餘，有奉獻、施捨的能力。

（考英國生活試都知，要成為英國人要照顧你的生活環境、你自己及你的家庭。）