今日詠春只是用來賣錢，冇人會同你講真話，佢地只會話詠春幾神奇、幾科學、幾利害，沒有人跟你說要付上非比尋常的代價，因為倘若這樣說，等於幫自己倒米，肯定冇人學。
正所謂：「光棍佬教仔，便宜莫貪」，詠春從來都不便宜（不是指學費），只不過人想便宜，想不辛苦、想速成。
詠春有三個level：全可練、半可練、不可練。一般的功夫都是屬「全可練」，有功法，只要你肯練，就可得到。許多師傅都係靠這部分賺錢。高級一點是「半可練」，這類招數好像有得練，但果效不明顯，一半一半，有時得，有時唔得，難以掌握。最高境界「不可練」，沒有功法可以依循，但只要一旦使出，卻能出奇不意、攻其不備。
詠春界，有些人黐手很叻，橋手很鬆，敏感度很靈敏，反應很快，但只適用在同門黐手的較技，曾經有所謂詠春師傅，與人有衝突，事後那人也不覺得跟他衝突的人是詠春派師傅或者功夫師傅之類，如果同類事件發生在拳擊、泰拳、巴柔，普通人都一定會知道。
黐手，因為可練，就練到捨本逐末，因為可練，就練到走火入魔，即使實際環境完全用不上，只是在詠春門人面前威下，就滿足嗎？不過實情是，佢地都以為：黐手叻 = 搏擊叻，正如許多人睇套路表演的人，也以為：套路叻 = 搏擊叻，陷入這些美麗誤會之中，其實黐手、套路都是功法的一種，正如體能好、肌力好也不代表打得，不過上得擂台，我未聞有人會冇跑步、冇操肌上去送死。
沒有留言:
張貼留言