以往，我們Hong Kong人都識飲識食，即使我自己煮，雖然賣相一般，但仍然美味可口，始終我又唔係開餐廳，好食又健康就足夠了。
但我忽略了一件事，只要食物差一點、難吃一點，我們自然食慾大減，輕易達成瘦身減肥的效果。
這是隔離營其中一餐，大約比例，兩份飯、一份菜、一份肉，明顯不乎合宋晏仁醫生建議的兩份菜、一份蛋白質、一份碳水的比例。今日我們已知，精米是引發高升糖指數，比糖更差（因你唔會食飯咁多的糖），是造成糖尿病的原因之一，然而，自己煮，我仲可以溝紅米、糙米，但去到這場景，我只能作出以下決定。
就算幾難食也好，瓜菜、肉，我都全吃，精米的白飯一概不吃，我知道是浪費，但吃了壞肚皮，咁又何必呢？另外，有兩個超細橙，雖然唔係新奇士，但我也全吃。
許多人以為吃飽飯才可對抗疾病，不過吃飽飯，只會令升糖指數急升，胰島素大量分泌，儲存為脂肪，對抗病沒有太大關係，只會增加心臟、血管疾病、糖尿病的風險。
飲食最緊要均衡，但即使食晒這盒飯亦做不到，營養唔夠、膳食纖維唔夠，更何談對抗疾病？
（入營自救三寶：綜合維他命、維他命C、纖維丸。許多人不知，我們的健康，是取決於我們腸道有益的細菌數量，你越食天然食物多、纖維多，佢地就越強盛，反之，附加劑越多、纖維少，佢地就越衰敗。）
沒有留言:
張貼留言