滙豐股價回勇，摩通提升目標57元，值得投資嗎？

 滙豐曾經跟香港人一起成長，香港興盛，滙豐也借勢發展，成為國際金融機構。但香港這個白手套不易做，滙豐更是，做得好，兩邊好處攞到盡，做得唔好，兩邊也得罪，吃力不討好。

（滙豐派息，一次比一次少，得兩厘幾息，仲衰過買債券。債劵到期本金歸還，滙豐股價跌到阿媽唔認得。）

香港已經今非昔比，即或未有最近幾年事件，也不過是賣老本，雖然很想在創新或科技上發展，然而香港有錢佬都太短視，不肯投資，這亦不能怪他，過往炒樓、炒股都短時期賺錢，怎會有這耐性？但當產業過份集中，香港十個有錢佬，頭幾個全部係地產佬，可見產業高度集中，已犯兵家大忌，危機已現。

廿幾年前，我聽人講過，「買滙豐一定冇衰，滙豐衰，除非香港衰」，這個業餘投資者一句話，竟然真實過甚麼風水佬、預言家。

最近有一調查，有四成幾香港人想離開，而當中一半更有實際行動部署，面對人口減少，資金、專業人士離開，除了讓外地醫生免試在港執業，勉強令醫療體系未至立即崩潰外，始乎未有良方。

買滙豐，等於買香港，對這個地方充滿信心，未來政府將全力投資基建，咁即係all in 地產，愛國愛港人士應該All in 重注。

（每日千人離港，用自己的腳投票。當中不乏中產及知識分子。）

（馬斯克是有才華，但放蕩不羈，抽下大麻、亂講說話，股價便會大跌，現時Tesla都唔係賣車賺大錢，是靠賣碳權及虛擬貨幣，故未敢投資，只有透過標普500指數，間接投資。）