就算你做足，也不代表打得，大家心照不宣，不過如果你係教拳搵食，怎也要做足啲，講句唔好聽，就算做戲，你都要做足，否則做甚麼師傅？
移英要面對最難嘅問題莫過於稅務，交稅分分鐘令你傾家蕩產，好像炒股賺了10萬鎊，HMRC界定你係investor要交2.4萬鎊，界定你係trader要交約3萬鎊，連同預繳稅，要準備4.8萬至6萬鎊。
賺10萬鎊（100多萬講元）唔代表可以攞到一半至六成去交稅，以我嘅情況，要用三千多個trade去賺，不住買賣嘅結果，係攞唔出咁多現金，交唔起稅也要局住賤賣資產。
既然最後冇錢交稅也要賤賣資產，倒不如在財政年度前賤賣資產，反正嗰啲發瘟收息股票都唔會升番，倒不如借勢沽晒，製造蝕錢，減少賺錢，減少交稅。
我知道製造蝕錢，減少交稅係反智，但在高稅環境，唔可以唔敢做，20%、40%、45%係咁加，倘若去杜拜，零稅，使鬼咁煩，可以盡量賺錢，俾個仔讀國際學校，仲平過英國添！（英國學費要加20%VAT) 賺錢要投鼠忌器，真無聊！
一諗稅務問題就煩，睇吓韓劇冇咁嬲…
今時今日炒股你永遠都估唔到佢點樣運作，以前讀經濟學，股票跟債劵互相對沖，股升債跌，股跌債升，但現在已經經歷股債齊跌嘅現象，今日又有新景象：風險資產與避險資齊升，你永遠估佢唔到，點玩呀？
尾股升、黃金又升，咁即係點呀？賭場上大細都買晒，真係好亂喎！要知道炒嘅人有兩班人，黃金係各國央行買入，因尾債危機，各國央行減持，自然要買黃金。尾股上升是AI公司互相吹捧，散戶入巿增持嘅結果。當然超級老千「褲爸爸」勁吹捧虛幣、黃金、白銀，也有人爭持，也有風險資產及避險資產混雜，造成今日嘅亂局。
正所謂：「月滿則虧、水滿則溢」，你明我意思㗎啦！得些好意須回手！
最近股巿風起雲湧，某電車明明財報亮麗，股價卻下跌，所以永遠都係睇啲人點樣解讀…
當你到了某個年紀，人哋叫你阿叔、阿伯嘅時候，你就唔係再衝鋒陷陣，而係講養生。
打過pickleball、踏單車、滑板車…，固然嗰部腳踏滑板車跌傷膝頭，以住地盤嘅舊患又發出，不得不要捽「王導抑」活絡油（有冬青油成份，等同食止痛藥，適可而止）。
飲食盡可能原生食物，只用動物油煮食，不用植物油（機械潤滑劑），主要用豬油、牛油，「歪芺」有時會用鵝油，煎三文魚會自己出魚油，純天然低溫冷壓橄欖油也是可用，但不適合高溫煮食。
植物油、植物肉早幾年前不是說很健康嗎？我告訴你，只不過商家佬賺錢嘅手段，用盡一切手段，激素、抗生素、藥物，兩份植物糧食最多只能換一份肉，怎也比不上直接用植物當肉，一句講晒：錢作怪！「你屍得腍」本來是萬能消毒劑，你想也想不到變成漱口水，氟係毒物，人們天天放入口擦牙，藥物本來要醫病救人，但藥廠從來都冇諗過醫好你，只係要你永遠依賴藥物，等你肝腎俱壞，無法分解，賺錢賺到你死為止。要漱口，最好用鹽水漱口，又平又天然，氯化鈉係最安全又便宜！
你有能力加上知識才能選擇，有得揀先係老闆！
不知不覺已經移英三年，最近與弟兄食早餐，談到另外一些弟兄經常因為工作，不能聚一聚。一方面很想盡快傳授投資嘅知識，希望他們能盡快脫離工作嘅枷鎖，但另一方面又發現，能夠無所事事出來吃早餐，又話幾時打波，踏單車…，都是「篤手指」就賺到錢嘅人，與其他人並不是站在同一個地平線上。
以前我係吃39p麵包，後來貴了，就吃47p、55p，總言之係最cheap嗰種，現在開始吃生酮早餐，減吃碳水，早餐煎簿牛扒、雞蛋、雜菜，Lidl嘅三塊簿牛扒3.99鎊、雞蛋四隻、沙律菜一包，兩人份量，講幣60元左右，平均每人約30講元，比「大加烙」兩個早餐還平，究竟係咪好奢侈呢？（確實有少少，因這裡搵錢難、稅率高）
「工都好返嘅！」確是我講的，這話也相當涼薄，但只是早餐會笑談，並不是向著受苦難嘅人說，「篤手指」看似容易，但不是人人可以撳這個制，風險承擔、財務壓力也是千錘百煉才走到這一步，早前大跌，IB向我發出警告，保証金已經進入不多於10%水平，有爆倉風險，難道我不會怕嗎？好多高槓桿炒幣已經死晒！
聖經教導我哋：與喜樂嘅人同喜樂，與哀傷嘅人同哀傷，如果離開了受苦難者嘅地平線，唔好話同感心，甚至同情心都會失去，就好似一啲人發咗達唔識人咁樣，就算活得幾富貴，都係冇意思！
究竟現在經濟好唔好？出街睇下就知道。AI究竟係咪賺好多錢？睇下圖就知道。
咪玩喇！請看例子…
四大天王嘅詠春拳有冇問題？有冇改善嘅地方？我作為後輩，好冇禮貌咁講：絕對有，但我也要清楚表達，以今日我們對拳術嘅理解去批評前人係唔公平，正如如果我們有時光機，返回古代，跟師祖五枚師太、嚴詠春，較量初代詠春拳，一定覺得十分幼嫩，師祖跟我們黐手全部敗陣。
我唯一要批評，你如果靠教拳搵食，唔可以太離譜，戲都要做足嘅！教純黐手，唔係用來打，純健身，也不算呃人，然而，姿勢都要做足，對不對？慳皮到戲都費事做，反正啲人全部「超低B」、「超痙攣」、「超無腦」都會俾錢照學，怎麼還要做戲呢？
我用一個比喻去講，如果啲人做生意唔老實，我哋都可告佢，唱衰佢，但今日條橋已經穿咗，仲有人要保佢，為嘅就是賺取剩餘價值及利潤，當邊際利潤去到零嘅時候，這種行為才會停止，因為今日資訊幾自由也好，始終有人唔知，層壓式傳銷去到後期，人人都知盤生意係假，但仍然努力拉客，就是賺取剩餘利潤，減少損失。
最近發生驚心動魄嘅事情…
正所謂：「兵來將擋，水來土掩」，將來嘅野你預料不到，唯有見步行步。
如果論瘋狂，我唔怕得罪咁講…
「終屍」絕對唔係，但佢用現代術語解讀詠春，除了因為他是知識分子，更重要係佢理解這套拳術，某些師傅用陰陽五行解釋，因為他們根本水準唔夠，也不夠知識、智慧理解這門拳術，卻妄想教拳嘅無恥之徒。
「王宮」絕對稱得上瘋狂，但只限早期，街頭戰、擂台戰也試過，係相當整全，用實戰引証所學，甚麼招數得，某些招數唔得，清清楚楚，然而對擂台嘅認知仍然不足，佢自己沒有為體能作充足準備，戒煙、戒酒，一次打敗，就不再踏入擂台，成為終身垢病，與他街頭打交不同，十次打架，八次贏，兩次輸，輸了就會反省自己不足，加以改善，或請教「終屍」，找出問題，如果他用街頭搏擊嘅態度用在擂台，繼續傳承，今日擂台肯定有詠春派。
真正嘅狂人，人人都可以話佢「癲佬」，十二呎長，用坤甸木製成「鼠尾棍」就係正宗六點半棍嘅精髓，然而這木又硬又重，加工困難，加上咁長，前端細，後端闊，有冇師傅識整都成問題，錢也是一個問題。就算出盡人情牌、肯俾工錢、找到物料、木工師傅肯製作，運送、儲存、使用也是大問題。
在某一次詠春同人大會，只有一個大隻「鬼佬」能操得到這支棍，可想而知對腕力、臂力、核心肌群、馬步都有嚴格要求，呢種power，想打出「扑街師傅」嗰啲「飛機拳」，根本無可能，一定係拳拳到肉、招招攞命。師叔「午運聾」，就是電影裡嘅大反派嗰個，由於不同年代「王宮」徒弟，未有較量，多年前，有一次要跟師傅試手，講明第一次係試，第二次才真，「午運聾」試完手，就不敢黐第二次了。
大不列顛物資缺乏，要維修，唔似鄉講去五金鋪就可買齊物資，找人整，貴到出血。
最近在屋宛有人棄置了爬山單車，後輪蝕晒及爆呔、轉波撠鏈，座位郁下郁下…
星期五股巿大跌，資產價格下格，因早前買下大額期權，星期五我唔等到期嘅期權，已即時買定下星期期權，加上十張長期核電期權及年尾到期晶片期權，終於收到IB警告…
這件事已解決，因為上一批星期五嘅期權一到期，星期六便回復安全狀態，不過這件事令我反醒幾件事：
第一、孖展不能用得太盡，否則便冇彎轉嘅餘地。
第二、一些資產流動性不足，例如債劵、ETF過了交易時段，係無法買賣，唔似流通量高嘅股票，有盤前、盤後、隔夜，24小時可交易，有事要勤王救駕都幫到手。
第三、孖展額度跟投資有密切關係，賺錢三法：息差、價差、槓桿，缺一不可，如果買了樓，賺錢能力不止減半，租金回報只有幾個%，對於投資人而言，租樓係著數，因為多了錢去投資，一定賺多過租金這個數，只不過買樓提供穩定性，又鎖定校區，對於家人嘅安全感而言，也是重要，要攞個平衡點，對於我而言，我係遊俠，買架旅行車瞓住先係可以，去運動場沖涼，但做人唔可以咁玩嘅！
期權當然要繼續賣…
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
我說十個詠春九個流已經十分客氣，真係堅嘅，咪得幾個，發瘟詠春多的是。唔好以為我踩低人哋、提高自己，等自己開班搵到食，呢啲呃人嘅陰騭錢，無謂賺，我係靠投資搵食，堅詠春也輪不到我呢啲垃圾詠春人，我自己一把年幾，帶著衰殘嘅身體等死吧！
又有的詠春師傅玩連招，霹靂啪啪十分好睇！問題係真正嘅對手會跟足你預定嘅劇本嗎？你知道根本唔會，根本係做俾人睇，就好似一些武術表演，連招數十個回合，而且速度極快，唔識功夫嘅人，以為好勁，知道內情嘅人，就知道不過是表演，大家夾好晒，好像功夫電影一樣，但放在實戰，等於自殺。
詠春黐手訓練，本意就是要隨機應變，因應不同場景用不同手法應付，避免練死招，偏偏有人卻為了增加效果，吸引眼球，增加流量，如果真係咁掂，世界拳王、終極皇者…應該有一個席位，偏偏一個都冇，就正好証明今日詠春界做緊嘅事係跟真實搏擊背道而馳，個個師傅，懶到隻豬咁，體能差到你唔信，氣功喎，咪唔使郁咁多咁快，慳水慳力，有的更嫖妓為樂，食煙、飲酒，無惡不作，如果你都信這些人有搏擊能力，或者教到你有搏擊能力，唔係你天真，而係你真係無知、白痴！嗰個師傅心跳率高過40嘅懶鬼，都無謂浪費時間金錢跟他學了。（當然我也曾經無知、白痴過，才能講出這番話）
真正詠春有實力嘅人，對詠春嘅熱愛，係非比尋常，從不計較別人眼光，從不計較付出，如果論威武，確係比唔上其他功夫，因為詠春係「女人拳」，在武術界睇低不知幾多年，人們只知「硬橋硬馬真功夫」，對詠春拳毫不了解，直至在街頭戰打出名堂，才改變人們嘅觀感，有些曾經學過這門功夫，但已經轉學其他功夫嘅人，立刻變成詠春師傅，巿場需要，自然會帶動經濟。
早年，曾經因為黐手跟招允系某師傅認識，佢告之以前在大旗嶺，朝朝被霹靂啪啪聲攪醒，唔係嗰啲衰野，佢話原來被我師傅炒醒，晨咁早打木人樁，痴X線！真係一個狂人，某師傅自問比不上，要為詠春瘋狂嘅人，才有成就，就好像健身界嘅「亞落輸華申力家」，佢好色亂攪關係成為垢病，但佢以前嗰個完美嘅body，真係前無古人，後無來者！
瘋狂詠春係極罕有，發瘟詠春周街都係，這就是客觀嘅事實。
今年AI大事最矚目要算以下…
「衫惡民」與「鬚媽」「鬚之瘋」結盟，本來「衫惡文」係依重「皮褸黃」「黃人坤」嘅晶片，但一旦只有單一供應商，將來議價能力便很低，反過來輔助二把手，就好像「馬屍黑」將晶片大單交俾二把手「衫昇」，而非晶片大佬「抬漬殿」異曲同工。令我留意係，「噢頻嘿埃」得到嘅股票，全在乎「昭媚半渡睇」嘅股價，倘若升至600元，將獲得全數10%股票，咁即係股價非升不可。
不過炒還炒，小注即可，大注免問，要知道暴風雨前夕都是好安靜，聖經形容世界末日以前，人們如常吃喝嫁娶，你明我意思㗎啦！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
最近蝕到攤攤腰，真係刺激！本來目標係蝕六十萬，最終蝕過百萬，超標完成。至明年三月應該也賺不了幾多，幾乎可以肯定交很少稅，或者唔使交稅。 交稅係每一個公民嘅責任，然而高稅下，投資失卻動力，資本撤離，咁攪法「嬰國」真係越來越倒楣！ 「嬰國」既管治固然唔好，但某些地方火災死了過百人，...
