移英日記（362）創意

 小兒嘅Judo班終於教「大外割」…

我雖然係詠春派，但對於其他武術都有一定認知，唔會好像一些所謂「師傅」，沉醉於黐手世界，對出面世界一無所知，好像「盲毛」一樣，夜郎自大。但我永遠堅守一個原則，俾得人教，自己就唔好出聲，由得佢錯，等教練指正。

就算好像球王「尾屍」，佢出聲，教練都要笠水，但也堅持唔出聲，心裡著急便算。

小朋友學武術，段數係用年來衡量，急都冇意思，盡量享受過程更緊要，正所謂：「知之者不如好之者，好之者不如樂之者」。

這裡嘅教育，唔係我哋咁諗既，大學生寫論文都錯漏百出，因為佢哋冇串字，亦沒有練文法，雖有學拼音，但拼出來未必一定對，佢認字能力有幾高，全在乎佢有幾喜歡閱讀，學校有書帶番嚟，下星期又轉第二本，但你睇唔睇，唔會理你，小朋友按著自己性向決定，所以讀到書嘅，「蝦你菠突」咁厚都會睇，唔讀書嘅，一頁紙都唔想看，用自然法則將人分為學術派及工藝派，然後再由當中嘅精英，通常都係學術派，選取管理階層，這就是這裡嘅奴隸制度。

鄉講用考試去分，這裡最終都用，但早前已知七七八八，書都唔睇嗰啲，字係認唔到，寫句合文法嘅句子都成問題，注定做工人，但這裡專業藍領人工也不差，所以這裡嘅人係唔會介意。其實諗深一層「鄉講」都係一樣，讀唔到書，寫隻字都有困難，但講係完全冇問題的，嬰國人也是一樣，講係冇問題，但唔係個個寫到認到字。

「鬚革難」土地及人口雖少，但近代創新科技卻奇多，例如：蒸氣機改良、電話、電視、電磁感應、麻醉劑等等，未來創意科技一定重要，就需要土壤及空間去孕育，如果單單催迫做功課、考試，只能培訓勤奮嘅工人，卻不能產生具創意嘅人才。

（小兒好多奇怪幻想，話大個要整一個直升機飛行器，或者呢啲就係創意。我告之分分鐘無命，「天朝」有人死了。）

IB投資系列：賺多過蝕就係賺

 好多人唔明白點解要蝕錢操作，因為以前炒股唔使交稅，但一要交稅，風險承擔就不同。好像上星期某核電股使出「一擊必殺」技，一鋪賺41萬，我衡量過期權金已佔當時股價接近四成，風險雖大，但回報已反映了，問題係如果該收入已進入「高奴稅」45%，咁我實收只有一半約20萬，佔股價區區兩成，對波動大嘅股票，顯然不足，溝成極大風險，可見稅收跟風險有極大關係。

至於減持蝕錢股票，表面係不智，但讓賺錢嘅部分減少税收，加上增加現金流，仍可東山再起。一個股災跌三成至一半，大把野可以買，就好似「講樓」，「孽獸涼教授」分析會跌七成，山腰都可跌死人，現在沽售，將來買番也未嘗不可。當然劇本只有幕後玩家知道，我哋呢啲低奴只係估估下。

人都係估估下，我都蝕唔少錢，當年我沽「眉宛」，就係睇佢像「落機啊」一樣曾經成功但失意嘅男人，加上「標基」只專注基金會嘅工作，我唔係太睇好而沽售，但後來AI熱潮升到火箭。至於「面輸」因元宇宙失敗，股價急跌，急急跳船，「枱漬殿」又係咁，呢啲股票揸到而家已經發達，何必炒炒賣賣幾千個trade，不過「有早知，冇乞兒」。

投資都係嗰一刻嘅估算，就算股神「爸飛突」，「卡膚杏示」、「枱漬殿」都係有名嘅敗積，但係咁唔緊要，就好像劉邦屢敗於項羽，而核下一戰成功，投資蝕錢唔緊要，做生意一定有賺有蝕，賺多過輸就可以了。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：反智投資

 大不列顛稅務繁重，尤其投資，即係話俾人聽你有錢，更加唔會放過你。

有些股票、債券、基金，有收息功能，在高息週期，股價會下跌，但一到減息週期，就會收復失地，其實放喺到唔理就可以，不過這裡收息就會自動納入個人入息繳稅，過了免稅額，就20%（低奴稅）、40%（中奴稅）、45%（高奴稅），上年度稅季，我工作了半年，甚麼免稅額都冇晒，加上借「逸圓」買「尾元」賺息差，已經要交中奴稅，我一身爛生爛世，戴幾舊水膠手錶，仲用𡁵「埃瘋11」手機，咁嘅行頭，顯然唔係中產，竟然要交中奴稅，有冇攪錯！

可能賺得太多錢，教會奉獻可能已佔某教會20%，成為背後最大隱形金主，亦可見「鄉講人」在這裡打工係搵唔到食，但我不會干預，也不參與，也沒有服待，也不需要人知道，只有金錢默默支持就可以了，教會係神去領導，如果係人治，或討好金主，好快玩完。「鄉講」可以捐錢減少收入、減少納稅，這裡不可以，所以也需要一些反智嘅操作。

將一些蝕錢嘅股票沽售，早前離講時全沽講股，蝕三十多萬，算係對不穩政局投了票，有對有錯，「詳和」確實被針對、「伸地」等地產股確實唔掂，但其他卻是返回家鄉，倘若當日沒有沽售，應該可平手或賺少少走人，不過世事冇人知嘅！

要在明年三月前，要做足蝕錢動作，因為現在賺嘅錢已經要交高奴稅，即係有部分要交45%，差不多一半，投資係要冒風險，竟然要與政府對分！保守估計扣除免稅額，低奴稅+中奴稅+高奴稅要30萬以上。

（未收高奴稅已經要3萬鎊（30萬講元），要交高奴稅不止此數。）

用商業嘅報稅係好，利得稅比較少，又可扣稅，但我哋始終小本經營，而且炒股計稅，係冇會計師幫手，「歪芺」只會幫我一個人做數，弟兄姊妹都冇得傾，幾多錢都冇得傾，難度之高，可想而知。

蝕錢系列第一炮，沽晒全部「昇咖菠」股票，蝕兩皮半，未來陸續有嚟！

但都要繼續搵錢，賣了八張期權，究竟賺幾多錢，問下AI即可…

計算機都唔使撳，1201尾元，即九千幾講元。

現時內心好矛盾，又要賺錢，又要蝕錢，希望盡快買樓，唔使交租，每年褪錢去免稅戶口ISA，減少稅務負擔。

（以前認為嬰國人肥胖懶惰，今日我知道制度係懲罰勤力有錢人。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（361）又要走路？

 改革黨要求驅逐移民，令許多人不安，不過諗深一層，改革黨要執政也是大選之後，到時係咪佢哋當選也未可知，幾年之後，大部分BNO移民都入藉了，按理攪唔到我哋，除非…

工黨將5+1改為10+1，又或者將英語考試難度加大，否則應該冇事嘅！

不過世事難講，可能真係要轉戰「馬拉」，或者反攻「鄉講」，不竟小兒已適應這裡，就是去世界另一處，也要讀國際學校，「度拜」也是可以的。

一個國家信用係好重要，倘若政黨更替，之前所有野都推翻，咁這個國家就不會有人信。政策你可以改，但之前批准嘅，就不應推翻，你想掠水可以加簽證費，卻不可延長時間或門檻，只能規限新申請嘅人身上。

（有的政客都好垃圾，根本冇做政策研究，以為我哋白食白住，我交稅都交幾皮，我俾晒NI國民保險，沒有白用醫療。）

IB投資系列：一擊必殺技

 炒股如果在鄉講，完全唔使理報稅問題、交稅問題，不知幾free，但時區令你冇辦法睇晒全場，賺錢有限，所以永遠係雙刃刀，有利有不利。

不過既然人在「嬰國」，係無辦溘迴避這問題，友人在戶口蝕錢沽貨，製造虧損，然後在免稅戶口ISA同價買回，但我嘅ISA冇餘錢，個額太少，做唔到這操作，十分頭痕。

年初至今已經二千幾個trade，倘若人哋一定話我係專業投資者，加上炒股係唯一收入來源，一定用個人入息繳稅，不單要俾低奴稅20%，更要俾中奴稅40%，不幸嘅話更要俾高奴稅45%，仲要計埋NI國民保險，如果賺10萬鎊要交3萬鎊稅，十分揦脷！

所以一定要採取有效措施，由於每次交易賺錢太少，就要用頻繁嘅交易，好像詠春拳用密集嘅拳攻擊同一點，達到足夠傷害。現在要用空手道嘅一擊必殺。

賣了某核電479日看跌期權十張，收53640尾元，即41萬7千講元，到期或平倉才收錢。由於期權金佔股價差不多四成，可見波動好大，利錢也好大，值得一搏！（風險極大，抄功課跳樓唔關我事）

面對「改革黨」步步進迫，唔歡迎海外移民，要趕我哋走，跟「寶島」、「瘋孽國」全部都係一丘之貉，光環攞完就過橋抽板，有的「鄉講人」去得「嬰國」已經二次移民，估唔到又要再走，現在賺定盤纏準備走路。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：唯有犧牲平民

 如果有三樣野要救：國家、財閥（高奴）、平民（低奴、賤奴），但實情只能救其中兩樣，犧牲一樣，你估結果會怎樣呢？

國家可以犧牲，因為佢不過是載體，財閥找第二個也可以借屍還魂，前題係必須有更合適嘅載體。

財閥可以犧牲，只要有獨裁者敢去挑動人民，「納稅得國」屠殺「油鈦人」，「無擲冬」也殺不少資本家，前題係必須有獨裁政體。

平民任何情況都可犧牲。

尾帝撤銷關稅可以救平民，減少通脹，但犧牲了國家對付別國嘅手段，使他們不敢亂沽尾債，亦可打擊別國滙率，減少尾滙跌勢。

減息可以救國家及財閥，但只能陰啲陰啲減，唔係怕推高通脹，影響平民，通脹令財富急速轉移，對財閥更有利，但減得太快，尾滙急跌，賺息蝕價，無人敢接盤，找唔到替死鬼，長遠唔係好事。

增加政府開支，刺激經濟，對財閥最有利，「大而尾」方案也係為此，向財閥傾斜，平民繼續受苦。

既然一定係保國家及財閥，咁係咪股巿大升呢？非也！全球經濟不景氣，失業率高、消費疲弱，企業盈利也面臨挑戰，要救經濟明明要落重藥，卻投鼠忌器，怕大幅減息令滙率下跌，也揭露經濟困境，於是對外宣稱經濟仍然強勁，減息只不過預防性，避免有人勁沽尾債，咁搞法阻唔到崩盤，只能延遲崩盤嘅時間，有貨好走，不宜留戀！

（尾帝經濟仍然領導全球，這個載體仍然會用好幾年，財閥找不到另外更好嘅選擇。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

愛丁堡詠春：全部都係戲子

 外國人係咁睇詠春…

當中只有「聾哥」一個堅，其他全是戲子。「誠膿」係學雜耍、「因梓單」係表演武術，「孽種」係教放鬆唔使用力嘅黐手，難道比特種兵更厲害麼？

特種兵雖然體能優秀，格鬥技能全面，但面對職業拳手，也毫無招架之力，何況上面嘅戲子。

職業拳手係一個level，業餘拳手係一個level，興趣班係一個level，根本係兩回事，「你蓮結」嗰啲花拳秀腿根本打不贏拳王「週肶脷」。

（人哋拍戲詐，你唔好當真！如果真打，「你蓮結」一早收皮，身高手長已經贏晒，再加擂台搏擊經驗，基本上冇得輸。）

這個話題講得多，都講到口臭，但人唔醒覺都冇辦法，坦白講，我啲功夫都係垃圾，只能對付普通人，面對「睇場」（夜場保安）、「古惑仔」（黑社會），都要講聲道歉，耍冧離開，沒有衝突嘅條件及理由，何況純黐手，怎會幫到你呢！

我們學揸車，都唔係要做F1賽車手，學遊水，都唔係要做奧運金牌，我個仔學Judo，都唔係要參加終極格鬥或MMA拳賽，你當興趣班咁玩，冇問題嘅！千萬唔好以為好得，以為自己好好打就可以。要知道讓自己成為頂級水平，所付出嘅代價唔係人人可以付出，就是教我嗰仔游水嘅女教練，都十分肥胖，顯然運動也不足夠。

人貴自知，要知道自己乜嘢level，興趣班就係興趣班，武術班就係武術班，用嚟睇，唔係用嚟打，強身健體有餘，實戰搏擊不足，明買明賣，唔好呃人，讓人有多餘嘅幻想，以為自己打得，見義勇為，將自己陷入險地，反而危險！

不過咁，如果唔係將套功夫吹到咁大，點招到咁多學生，賺到盤滿缽滿！

（好多詠春師傅都戴名錶，所以係出名嘅師傅，這隻應是「奴力仕」嘅地通拿，十分富貴，我呢啲窮鬼，就載Casio幾舊水膠手錶，咁寒酸，當年在地盤工作G shock都戴壞，咁錫身，真係唔可以太埋身，整花隻名錶就唔好了。）

移英日記（360）英國教育一切自學

 移英三年，小兒由Nusey讀到P2，人哋話英國讀書冇壓力，這是真的，冇功課、冇考試、冇排名，好嘅係冇壓力，自由學習，唔好嘅係死蛇爛鱔，一事無成，好取決孩子嘅質地及家庭教育。

學校在P1時教了拼音，在英語環境成長，識讀就識解，而且口音好準，我嘅仔跟某網紅Co Co哥嘅女同一年幾，人哋睇字典咁厚嘅書及彈鋼琴，我個仔睇漫畫咋，字都未必睇，陰公！

正所謂：「同人唔同命，同傘唔同柄」，不能夠比較。我偏重運動方面訓練，單車、滑板車很早識玩，現在玩埋roller，有晒護具保護，已經玩到。

（隔離屋嘅印度朋友玩得好快，迫到佢進步很大。）

星期五車佢學游水，星期六學Judo柔道。我嘅詠春拳，佢半點也沒學到，悲哀！不過有基本體能，加上有幾個同學由Nusey升到P1、P2，有朋友互相關照，我唔怕佢俾人恰！

學校有教材，要自己屋企印，你鍾意做就做，唔做就算，冇人迫你。有個App玩遊戲去學習，又唔會理你有冇玩。

「歪芺」也買了一些補充練習，得閒做下，佢專揀一些得意才做，悶就唔做，我都算㗎啦，費時佢頹廢一生，我之前教到3嘅乘數表，停了很耐，自己又要投資，好難分心教佢，現在我都迫自己教佢4嘅乘數表，另外，我想教佢理財，我每星期俾一鎊，如果佢儲夠十鎊，我額外加一鎊，10%利息，但未成功，佢得五鎊，想買十鎊野，想借錢，我說借錢要利息，借五鎊要五鎊利息，要十個星期冇零用錢，佢竟然願意，我立刻stop佢，要佢儲錢去買，如果唔識延遲滿足，只會一世做廢人。

跟住我又教佢科學，他在出面執到石頭，我告訴他這是石英，即係二氧化硅，就係下圖右邊嘅石頭，又買了教材做水晶，水晶咪即係二氧化硅。

在電商「天無」又買Stem，教佢電嘅知識，電可以發光、發熱、產生磁力、驅動摩打產生動力…

在英國，最重要嘅教師唔係學校嗰啲，而係父母，因為公立學校唔會迫，主在乎學生自己有冇興趣，有冇自學動機，我自己教埋運動、數學、理財、科學、神學、中文…就算帶個仔去學Judo，我在家中要練習，示範「受身」及「鎖技」，埋身練習，右手揸住對手衣襟，左手揸住衫袖…

（中文堅難，我都唔知點教，以前係迫你寫生字，這裡冇得迫。）

「郷講人」點解數學叻，因為操練有關，因此鄉講學生嚟這邊考數學，覺得極淺，但如果自細在這邊讀書，根本冇分別，因為學校Hea到暈，唯有家長幫仔女惡補，因此到了中學，有錢一點嘅都會送仔女入讀私立學校。

（愛丁堡私立學校，小學要萬三鎊一年，中學要兩萬四鎊，平均每月要一萬至兩萬講紙，可行少少，出面補下英、數便算。）

IB投資系列：減息都係跟劇本做事

 YouTuber 「屍博」嘅「屍蛆激」嘅分析真係太正路，減息嘅用字，也跟以前比較，個種認真，我真係望塵莫及，所以佢賺到大錢係認該的。我偏向陰謀論，所有政客都係演員戲子，大家不過跟劇本演戲，尾國嘅左膠荼毒人民，去到一個極端，尾國為何唔俾講基督教義及家庭價值？教會學校唔可以有十字架，唔可以祈禱，去到一個極端，幾十種性別，表面係大愛包容，多元接納，但只要唔啱聽，就殺死你。

人跟人互相鬥爭，矛頭就唔會指向「正虎」，統治者就最安全、最開心。某些地方，一個party執政，表面和平，實際權鬥嚴重。至於大不列顛，有反非法移民集會，跟住就會有支持非法移民集會，鷸蚌相爭漁人得利，政黨更替只不過做俾你哋低奴、賤奴睇，背後嘅人仍然穩如泰山。當然如果演員唔清楚自己嘅角色，或者沒有做好自己角色，擅作主張，又或者以為自己真係領袖，違背既得利益者，最終招惹醜聞倒台，甚至殺身之禍！

「正虎」係為背後嘅財閥服務，「尾國」亦不過係一個載體，以前「嬰國」也曾做過這角色，以前「冬印道」公司得到「嬰呂蝗衣痢沙百壹細」授權，壟斷權達到200年…

（點解有權嘅人要冇權嘅人委任授權才能任職？點解有權嘅人要將做好嘅國家文件交給冇權嘅人檢閱？點解有權嘅人要恭恭敬敬向著冇權嘅人？點解冇權嘅人享有國家嘅供養、保安，更享有各種特權及免稅呢？點解尾帝都要見一位冇權嘅人？呢個世界會有啲咁荒謬嘅事咩？如果單單因為有錢，美帝對世界首富「馬屍黑」就唔會咁啦？人人生而平等，點解「事頭婆」死了，傳位給兒子，佢繼承嘅財產唔使俾遺產稅？佢嘅土地、蝗宮點解唔使俾巨額嘅Council tax，咁有錢仲要納稅人供養？「嬰國蝗蝨」係乜嘢？自己諗吓啦！）

（減息氣氛下，都有啲油水嘅，買賣賺七皮，期權金一皮，合共九皮。記住唔好當賺錢，一個月上落幾十萬也很平常，投資要睇一年嘅平均數，最後條數賺多過蝕才叫賺。）

（以往星期一賣星期五到期嘅期權（四日期權），現提早在星期五賣七日期權，連同早前某電車十日期權，賣了八張，收1567尾元，約12222講元。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：富人嘅心思，凡人怎會知曉？

 「馬屍黑」點解要爭持「突屍拉」？會唔會單單為啖氣，因為經常有人唱淡沽空，夾高股價，等你哋班淡友爆倉。又或者最近「夾骨紋」老闆成為首富，「馬屍黑」鬥氣，唔輸得，夾高股價，等自己重登首富之位，又或者向董事局展示實力，讓薪酬方案可以過關。

較正路嘅睇法是寒國「衫昇」代工揭露「突屍拉」最新晶片，具備高度推理能力，令自動駕駛更進一步，護城河更闊更深。又或者機械人的士有更大突破，更多城巿願意開放…至於點解係「衫昇」，可能唔想「抬漬殿」獨大，透過這張大嘅訂單，提升他們嘅技術水平。

真相，只有馬屍黑知道。

「突屍拉」回勇，看跌期權也唔需要等到星期五到期，用一半時間賺了七成嘅錢，可以立刻平倉止賺，然後再賣下星期五到期嘅10日期權，時間越長，變數越多，風險越多，收嘅期權金就越多，賣出三張賺嘅錢已多過早前五張，收五千多講元。至於虛幣股「眉拆掠」，由於冇大升跌，冇必要平倉，揸到星期五收巿即可。

賣看跌期權，若升爆，剩餘價值已經好少，可以平倉止賺，雖然我冇用過錢，但用了孖展額度，唔能夠再投資，因此釋放資金再投資，就能節省時間賺取更多，賣看漲期權，若跌爆，也唔需要等，道理也是一樣。

我係低奴窮鬼，自己知自己事，去厠所也唔捨得開燈，因租住地方用射燈好食電，用充電電筒便算，衫褲冇牌子或不知名牌子，用了超過十年，我其中一件外套及背心，更是以前公司制服，挑去公司名，著到今日，著到爛、著到死，只有穿窿襪、個底蝕嘅鞋被「歪芺」掉了，而個仔嘅一切係不住更新，因舊就不合著。因此炒股賺錢，夾縫罅隙嘅雞碎錢，也唔會放過，窮唔係錯，問題係你有冇做啲野去改變。

尾帝將國防部改為戰爭部，你估真係要幫「污黑難」、「寶島」嗎？而係捍衛尾元嘅一切措施都失效時，就唯有用武力解決問題。

（聽完我吹水，純粹分享，沒有任何投資建議，自己憑智慧判斷，唔好亂信人，有錢佢自己賺晒，唔會分機會俾人，藥廠老闆自己唔打針，留番機會俾其他人，你都知甚麼事，做人唔好咁天真！）

（「正虎」要偷你嘅錢好容易，印就可以，買gold或貴金屬係好選擇，但現正高位，冇貨要睇定啲先。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：減息是福？是禍？

 其實以前讀經濟學都不過事後孔明解釋經濟現象，人文科學有無限可能性，係無法解釋及預測。好像早前「股債雙殺」，經濟學唔係話股票升、債券跌，股票跌、債劵升嗎？

尾攣處話減息，尾債係咪真係升？仍要取決有冇足夠替死鬼去買，如果單純以為息跌、債升，未免一廂情願！要知道尾債有人買，才有條件降息，如果冇人買，又降息，就更加趕客，你唔好咁天真以為尾攣處決定利息是考慮通脹及就業數據，尾帝唔會為「屙黑」逝世而難過，但會為尾債冇人買而著急。

網紅紛紛鼓吹，最後發達機會，你就知尾帝有幾急，「尾債」原先由「天朝」、「東瀛」領頭購買，但自從關稅戰，「天朝」不住減持尾債，債！一定要有人頂，「搵訂幣」固然吸納一部分，但都要找大量散戶做替死鬼。

尾債利息上升源於天朝沽尾債，早前如果尾攣處不升息，人們就會借銀行錢買尾債，銀行自己賺唔到錢，所以尾債息幾高，利率就要跟幾高，避免低奴賺息差，而高奴擁有銀行卻賺不到錢。唱咗咁多次減息，就係要引人落疊接貨，倘若未夠替死鬼，你唔使旨意減息。

好喇，就算真係減息，尾債價格是否上升仍是睇供求，個價高少少，天朝繼續沽貨，你永遠出唔到貨，死未！

（上星期電車股俾期權call走晒啲貨，原來「馬屍黑」掃貨，今鋪盤前勁升，局住入少少，睇下今次食粥？定食飯？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（359）寵物奴隸

 友人經營寵物照顧生意，十分困身，欲帶個仔去「淪噸」玩玩，我哋義字當頭，當然唔會佢絕，即使佢哋話俾番工作嘅錢，其實我哋也不在乎，因為神嘅供應已經足夠。

幸好都係兔仔、沙鼠，而且都係溫馴，以前有咬人大兔、快速貂鼠，偷走了便麻煩。主要工作係換沙、執屎、加草、加糧、加水、清潔，要駕車去兩個地方，一處兩兔兩沙鼠，一處五兔，每處用一小時。駕車去廿分鐘，去另處十分鐘，回程十數分鐘，攪攪下都要三小時。

剛巧今日最忙，早上個仔學Judo，跟住Wetherspoon 吃點野，然後開工，放工回家又吃點野，休息一下，跟住去生日會，晚餐都要外賣。

移嬰講人生活也不容易，佢哋一個五星級大廚，一個大學生，旺季忙又忙死，淡季也要繼續提供服務，一隻寄存或上門也照做，要碼住啲客，正宗嬰國人都冇咁勤力，佢哋冇車，係坐巴士或踏單車上門服務，鄉講人真係努力工作，今日輿論話新移民白食白住，「公黨」混淆視聽，「改格黨」唔澄清，將經濟及生活問題遷怒在新移民之上，就好像「納稅得國」逼迫「油太人」，令講人陷於不義，低下階層容易被誤導，針對移民，黑人由於膚色及體能，白人未必敢招惹，但黃種人較弱，往往被針對。

愛丁堡詠春：藥石亂投

 如果你英文十分好，再學埋英國文學，當然係如虎添翼，更勝一籌。但如果你係我呢啲文盲低奴，但求B1考試過關，能夠永居、入藉，如果你叫我讀英國文學，咪玩喇！咁攪法，入藉也成問題。如果小朋友小學數學成績差，你叫佢做微積分，亂用重藥，虛不受補，只會加速死亡！

道理好簡單，係人都明，但放諸在功夫之上，所有師傅就立刻變成弱智，固然利令智昏，在利益面前，個個師傅甘願做低能仔又何妨，再者有比佢哋更低能嘅人，奉上錢去跟隨，能永續有人科水，一世做低能仔都願。當中更不乏飽讀詩書，更寫文章、出書，用科學力証所學，其實做科學研究嘅人，唔需要寫文章、出書，應該用實驗証明，唔係靠把口講，一試就知。

我以駕車做比喻，你架車係高性能車，入辛烷值高嘅汽油才有意義，一部「錢七」，入甚麼高性能汽油也沒意義，何況你都有眼見，甚麼準確詠春、正確詠春，盡是劣質汽油，正常人都俾佢攪壞…

（咁嘅詠春會有戰鬥力，我打死都唔信。）

有人話，人都死咗，唔好講咁多，以存口德。咁死了幾千萬人就可當冇事，咁讀歷史又有何用呢？擘馬、飛㬹、後傾…無所不用其極，學費就識收，但戲都費時做，即使注重少少，亦不過在黐手技術過度神化嘅擴張，甚麼招中有招，奇妙非常，我都被迷惑，如果一切街頭格鬥及衝突均以橋手反應作勝負，咁都算，最弊人人都以打倒對方為依歸，最後結果點，大家心照不宣。

黃公說：「勝利係目標，招式係手段，千萬不要本末倒置。」今日黐手競技，掂到對手就當贏，放在街頭打鬥，人哋唔會因為被你掂到就認輸，或者中了「飛機拳」就退縮，結果就敗陣不住。

（飛機拳打中人都無用，人哋如常攻擊。）

功夫之道，要讓自己成為高性能汽車，甚麼改裝、調較就有意義，否則，在「錢七」身上，加定風翼、大包圍、死氣喉，都係浪費金錢，呃人就可以，實際功能卻沒有。

（如果所謂詠春師傅有咁盡心盡力，出晒汗咁訓練，今日詠春都不會如斯地步。懶惰嘅教練會教出拳王，我從來都未聽過。拳王泰臣嘅師傅一死，佢嘅拳就走晒樣，你話好嘅師傅幾緊要！）

IB投資系列：唔好等人接濟！

 下星期有人說財富審判日，以往加息，股巿反而上升，因為經濟好。減息，股巿反跌，因為經濟差。必須要同時放水，才有效果，但此刻通脹嚴重，亦不像疫情，似乎難以咁做，減息也就住就住，難有果效。

尾帝利息你預降25個基點（0.25%），關稅政策及成本因素有不確定性，投資轉催審慎，中期増長最多只不過溫和，而非擴張，唔好有太大妄想！

嬰國也好了幾多，赤字對GDP比例增加，勾盟前列。

債息過千億，好快壽終正寢！

總負債佔GDP達120%，呢鋪仲唔玩完？

本星期賺31239講元，期權金7269講元，合共約38508講元，三萬八，好意頭，不過期權中有一個中招，某電車370call，收巿395.94，蝕廿幾點，雖然我見勢色不對，369元已買100股預佢期權會call走，好似冇損失，但心理上也是不好受的。

今次改變策略，由星期一賣期權，星期五收巿埋單，四日期權，改為星期五收巿前賣，七日期權，由於時間多了，變素多了，風險多了，期權金也較多。

風險跟回報成正比，賣十張期權，收1396尾元，10888講元，正所謂：「親生仔不如近身錢」，人要靠自己，唔係靠借貸，或者等人接濟！好似好無良，不過那些借錢度日，負累別人，或甚借錢唔還，那些人更無良！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。